Jaqynda Arqalyq qalasynyń bes turǵyny «Mýhtasıb Álmuhammed» meshitine kelip, tilin kálımaǵa keltirdi. Bul beseýi de ózge ult ókilderi. Islam dinin P.Agofonov, N.Vıshneveskıı, V.Safonov, T.Osonoves, R.Shaıhınýrov esimdi azamattar óz erkimen qabyldady.
Meshitte olarǵa naıb-ımam Esbol Kasenov ıslam qundylyqtarynan málimet berdi. Sodan keıin jamaǵat aldynda bas ımam Bektursyn Torǵaıbaıuly asyl dinimizdi qabyldaǵan azamattarǵa «Musylmannyń sıpaty» atty kitapshalardy saltanatty túrde tabys etti.
– Islam dini – ımandylyqqa, meıirimdilikke, adamgershilikke, jaqsylyqqa shaqyratyn din. Biz onyń artyqshylyqtaryna kún ótken saıyn kóz jetkizip keldik. Meshitte bizge din ókilderi suraqtarymyzǵa jaýap berdi. Tolǵandyrǵan saýaldarymyz kóp edi. Solardyń bárine naqty jaýap aldyq, – deıdi olar.
Dastan KENJALIN,
«Egemen Qazaqstan».