Balalyq shaq – bal dáýren

Keshe «Turan» kolledjinde Astana qalasy Almaty aýdany prokýratýrasy men osy oqý orny birigip, «Balalyq shaqty qorǵaý» atty dóńgelek ústel ótkizdi. Onda balalar quqyǵyn qorǵaý, zorlyq-zombylyqqa jol bermeý jáne quqyqtyq qoǵamdy qalyptastyrý máseleleri talqylandy. Jıynǵa Almaty aýdany prokýratýrasynyń bólim prokýrory D.Tynyshtyǵulova, bilim basqarmasynyń jasóspirimder quqyǵyn qorǵaý bóliminiń basshysy L.Orynbasarova, «Quqyq» qoǵamdyq qorynyń bas­shysy O.Ryl, Astana qalasy ishki ister basqarmasynyń polısııa kapıtany G.Gafýr, «Turan» kolledji bilim berý mekemesiniń quryltaıshysy Q.Qudaıbergenov qatysyp, mańyzdy taqyryp sheńberinde áńgime qozǵady. Budan soń «Turan» kol­ledjiniń 1-3 kýrs stýdent­teri arasynda ótkizilgen «О́z quqyǵyńdy bil!» atty avtor­lyq plakattar baı­qaýy­nyń qory­tyndysy jarııalanyp, jeńim­pazdar anyqtaldy. Atap aıtsaq, I oryndy «Sáýlet» mamandyǵynyń 2-kýrs stýdenti Marat Qýanyshqalıev, II oryndy «Sáýlet» maman­dyǵynyń 1-kýrs stýdenti Qabdýálı Qab­dýlınov, al III oryndy «Sáý­let» mamandyǵynyń 2-kýrs stý­dent­teri Arman Májıtov pen Raýan Rysbek ıelendi. Raýshan SÚLEIMENOVA.