Keshe «Nurly Jol» baǵdarlamasy aıasyndaǵy «Almaty-1–Shý ýchaskesiniń ekinshi temirjol qurylysy» nysanynda «Aqtóbe rels arqaýy zaýyty» JShS tuńǵysh ónimi – alǵashqy rels torkózin tóseý saltanatyna «Qazaqstan temir joly» UK» AQ prezıdenti Asqar Mamın men Almaty oblysynyń ákimi Amandyq Batalov qatysty.
«Biz búgin «Nurly Jol» jańa ekonomıkalyq saıasaty men údemeli ındýstrııalyq-ınnovasııalyq damý memlekettik baǵdarlamasynyń tabysty nátıjesin kórip otyrmyz. Zaýyt ónimi Qazaqstan ekonomıkasy úshin strategııalyq mańyzdy ról atqarady jáne eksporttyq áleýeti zor. Endigi jerde relster otandyq ónim óndirýshilerden alynatyn bolady», dep atap ótti A. Mamın.
Almaty1-Shý temirjol teliminde 110 shaqyrymdyq magıstraldyq jeli salynady. Qazirdiń ózinde belgi berý jáne baılanys, elektrlendirý jelileri tartylýda. Jobanyń birinshi kezegin bıylǵy jyly paıdalanýǵa berý josparlanyp otyr.
«Jobany júzege asyrý kezinde 1500 jumys orny ashylady. Atalmysh jobanyń bizdiń aımaq úshin strategııalyq mańyzy zor», dep atap ótti Almaty oblysynyń ákimi Amandyq Batalov.
Almaty1-Shý temirjolynyń ekinshi jelisi iske qosylǵan kezde telimniń ótkizý qabileti 2 esege artady. Júk poıyzdarynyń jyldamdyǵy artyp, baǵdardaǵy júrý merzimi qysqarady. Bul Qazaqstannyń tranzıttik áleýetiniń ósýine yqpal etedi.
«Egemen-aqparat».