ASTANA. 8 sáýir. Sırııada lańkester sement zaýytynda jumys isteıtin 250-den astam adamdy tutqynǵa aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Sodyrlar Damask qalasynyń soltústik-batysyndaǵy Dýmaır qalasyna taıaý mańaıdaǵy «Badııa» zaýytyna shabýyl jasaǵan. Sırııanyń ónerkásip mınıstrliginiń málimdeýinshe, qyzmetkerlermen aradaǵy baılanys úzilgen. Al Dýmaır qalasynyń turǵyndary týysqandarymen 4 sáýirden beri baılanysa almaǵanyn aıtty.
Lańkester aeroport pen Damask qalasyna taıaý jerdegi elektrostansııaǵa da shabýyl jasamaq bolǵan. Biraq, úkimet áskerıleri toıtarys berdi.
Aıta keteıik, sońǵy kezderi Dýmaır qalasynda ekstremıster men úkimet áskerıleri arasynda qaqtyǵystar jıi oryn alýda. Aldyn ala boljam boıynsha, bul jolǵy lańkestik áreketti DAISh lańkestik uıymynyń sodyrlary jasaǵan. Polısııa qyzmetkerleri oqıǵa ornynda tergeý amaldaryn júrgizip jatyr.
Aıan Ábdýálı.
Derek: RIA «Novostı».
Foto: apostrophe.com.ua.