ASTANA. 8 sáýir. Gonkongta arnaıy uıymdastyrylǵan aýksıonda sırek kezdesetin, eń iri, kógildir tústi gaýhartas satyldy. Bul týraly vesti.ru-ǵa silteme jasaǵan egemen.kz tilshisi habarlady.
Salmaǵy 10,1 karatty quraıtyn almaz úshin satyp alýshy 32 mıllıon dollar tólegen. Zergerler asyl tasty aq altynnan daıyndalǵan júzikke ornalastyryp, aınalasyn kólemi kishileý eki gaýhartaspen sándegen.
Alǵash ret bul almazdyń tusaýkeseri 2000 jyly London qalasynda ótti. Qundy buıymǵa qyzyqqandar urlap ketýdi josparlaǵan. Alaıda, tártip saqshylary bul istiń aldyn aldy.
Aıta keteıik, kógildir tústi almaz sırek kezdesetin baǵaly tastardyń biri. Ońtústik Afrıkada óndirilgenderdiń ishinde onyń úlesi 0,1 paıyzdy quraıdy. О́tken jyly salmaǵy 12 karatty gaýhardy Djozef Laý esimdi mıllıarder 48,5 mıllıon dollarǵa satyp alǵan.
Aıan Ábdýálı.
Derek, foto: vesti.kz.