AQTО́BE. 8 sáýir. Aqtóbede jańa qonaq úı kesheni ashyldy. Bul týraly egemen.kz tilshisi habarlady. Qalanyń eski bóliginde ornalasqan «Tańjaryq» qonaqúı kesheniniń jalpy aýdany — 1,6 myń sharshy metr. Bólmeleri, karaoke-bary, dámhanasy bar qonaq úı kesheni qurylysyna 1,7 mıllıon teńge qarjy jumsalǵan. Keshendi jeke kásipker K.Tókeshova salyp, paıdalanýǵa berdi. Ázirge munda 30 adam eńbek etedi. Bolashaqta olardyń qatary taǵy 50 adamǵa kóbeıetin bolady.
Jańa nysannyń ashylý saltanatyna sóz alǵan qala ákimi Bekbol Saǵyn shaǵyn jáne orta bıznesti qoldaý maqsatynda memleket tarapynan jasalyp jatqan jeńildikter týraly aıtyp ótti.
Mysaly, osy jobaǵa, «Bıznestiń jol kartasy — 2020» baǵdarlamasy aıasynda, nesıeniń paıyzdyq mólsherlemesin sýbsıdııalaý túrinde qoldaý kórsetilgen. 100 mıllıon teńge kólemindegi nesıeni kásipkerler «Halyq Banki» AQ-nyń oblystyq fılıalynan alǵan.
Qonaq úıdiń saltanatty ashylýyna qatysýshylar keshendi aralap kórip, rızashylyqtaryn bildirdi.
Satybaldy Sáýirbaı.
Derek, foto: egemen.kz