ASTANA. 8 sáýir. Búgin elimizdiń basym bóliginde atmosferalyq fronttardyń ótýine baılanysty tuman túsip, aýa-raıy jaýyn-shashyndy bolady. Bul týraly Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady.
Aqmola, Soltústik Qazaqstan, Qostanaı, Qaraǵandy oblystarynyń keı jerlerinde tuman túsip, kóktaıǵaq bolady. Jeldiń jyldamdyǵy sekýndyna 15-20 metrge deıin barady. Jambyl oblysynyń keı jerlerinde tuman túsedi, kúndiz jeldiń kúshi sekýndyna 15-20 metrge deıin jetedi.
Ońtústik Qazaqstan oblysynyń keı jerlerinde tuman túsedi, jeldiń kúshi sekýndyna 15-20 metrge deıin barady. Qyzylorda, Pavlodar oblystarynyń keı jerlerinde jeldiń ekpini sekýndyna 15-20 metrge deıin kúsheıedi.
Mańǵystaý, Batys Qazaqstan oblystarynyń keı jerlerinde tuman túsedi degen boljam bar. Al 7-11 sáýir aralyǵynda Aqtóbe, Qostanaı, Aqmola, Soltústik Qazaqstan jáne Qaraǵandy oblystarynda sý tasqyny men sý basý qaýpi saqtalady.
Aıan Ábdýálı.
Derek: Ishki ister mınıstrligi tótenshe jaǵdaılar komıtetiniń baspasóz qyzmeti.
Foto: kaztv.kaztrk.kz.