ASTANA. 8 sáýir. Qazaqstan Prezıdenti Nursultan Nazarbaev aldaǵy aptada birneshe memleketke jumys saparymen barady. Bul týraly akorda.kz-ke silteme jasaǵan egemen.kz habarlady.
Memleket basshysy 11 – 12 sáýirde Prezıdent Hasan Rýhanıdiń shaqyrýymen Iran Islam Respýblıkasyna barady. Eki eldiń basshylary Hasan Rýhanıdiń 2014 jyly qyrkúıekte Astanaǵa memlekettik sapary kezinde qol jetkizilgen ýaǵdalastyqtardyń júzege asyrylý barysyn talqylaıdy dep josparlanýda. Sonymen qatar, saýda-ekonomıka, ınvestısııa, aýyl sharýashylyǵy, kólik-tranzıt salalaryndaǵy yntymaqtastyqty nyǵaıtý joldary men halyqaralyq jáne óńirlik qaýipsizdik salasyndaǵy ózara is-qımyl jaıy qarastyrylady.
Qazaqstan Prezıdenti sondaı-aq, 13 – 14 sáýirde Islam yntymaqtastyǵy uıymynyń XIII sammıtine qatysý úshin Túrkııa Respýblıkasyna barady. Sammıttiń negizgi taqyryby – «Birlik pen yntymaq ádildik pen beıbitshilik úshin». Sapar barysynda Memleket basshysynyń Túrkııa Prezıdenti Redjep Taııp Erdoǵanmen kezdesýi josparlanǵan. Kezdesý aıasynda Astana men Ankara yntymaqtastyǵynyń negizgi baǵyttary talqylanatyn bolady. Sonymen qatar, sammıt aıasynda delegasııalar basshylarymen kelissózder ótkizý, sondaı-aq, Túrkııanyń isker toptar ókilderimen kezdesý kózdelýde.
15 sáýirde Nursultan Nazarbaev О́zbekstan Respýblıkasyna baryp, Prezıdent Islam Kárimovpen kezdesedi. Kelissózder aıasynda memleketter basshylary Qazaqstan men О́zbekstannyń ekijaqty qarym-qatynasynyń negizgi aspektilerin talqylaıdy dep josparlanǵan.
Talǵat Raıymbek.
Derek, foto: akorda.kz.