ASTANA. 8 sáýir. Sırııanyń Damask qalasynda lańkesterdiń shabýylynan 175 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Sky News Arabia telearnasynyń habarlaýynsha, mert bolǵandardyń bári «Badıa ısmınt» sement zaýytynyń qyzmetkerleri. Oqıǵa Damask qalasyna taıaý Dýmeır aımaǵyndaǵy Abý-Shammat eldi mekeninde bolǵan. Zaýyt ishine basa-kóktep kirgen sodyrlar 340 jumysshyny tutqynǵa alyp ketken. Keıinirek 100 adamnyń aman-esen qutylyp shyqqany belgili boldy.
Málimetterge sáıkes, terrorlyq áreketti DAISh uıymynyń sodyrlary jasaǵan.
Aıta keteıik, Dýmeır aımaǵy Damask pen Baǵdad qalalary aralyǵyndaǵy jol boıynda ornalasqan. Ekstremıster 2013 jyldyń jeltoqsan aıynda osy jerge shabýyl jasap, 100-den astam adam mert bolǵan.
Aıan Ábdýálı.
Derek, foto: TASS.