nemese batyl bastama qoldaýsyz qalmaıdy
Keshe Prezıdent janyndaǵy Ortalyq kommýnıkasııalar qyzmetinde Vashıngtonda uıymdastyrylǵan Iаdrolyq qaýipsizdik jónindegi IV sammıttiń qorytyndysyna arnalǵan brıfıng ótti. Onda Qazaqstannyń ıadrolyq qarýsyzdaný baǵytyndaǵy úlesi keńinen sóz boldy.
Jıyn barysynda Syrtqy ister mınıstriniń orynbasary Erjan Ashyqbaev Memleket basshysy Nursultan Nazarbaevtyń beıbitshilik pen turaqtylyqty kózdeıtin mańyzdy bastamalary óziniń mańyzdylyǵyn dáleldep, jahan jurtshylyǵyn ıadrolyq qarýsyz álem qurýǵa jumyldyryp otyrǵanyna toqtaldy.
«Barshańyzǵa belgili, jaqynda AQSh-tyń Vashıngton qalasynda Iаdrolyq qaýipsizdik jónindegi IV sammıt ótken bolatyn. AQSh Prezıdenti Barak Obamanyń jeke shaqyrýymen bul alqaly jıynǵa qatysqan Elbasy Nursultan Nazarbaev sammıt barysynda birqatar mańyzdy baıandama jasady.
Jalpy alǵanda, AQSh Prezıdenti Obamanyń ıadrolyq terrorızm aktilerin boldyrmaý týraly bastamasy adamzattyń XXI ǵasyrdaǵy basty maqsaty retinde Qazaqstannyń ıadrolyq qarýdan azat álem qurý jáne Birikken Ulttar Uıymy qamqorlyǵymen antıterrorlyq koalısııa qurý týraly ustanymdaryna saı keledi. Bul bastamalardy Memleket basshysy ótken jyldyń qyrkúıeginde BUU-nyń 70-sessııasynda málimdegen bolatyn», – dedi E.Ashyqbaev.
Budan bólek, E.Ashyqbaev Iаdrolyq qaýipsizdik jónindegi IV sammıtte Brıýsseldegi lańkestik aktiler týraly málimetter jarııa bolǵanyn, tergeý nátıjesinde qolǵa túsken málimetterge sáıkes, jahandyq bóten pıǵyldy zańsyz uıymdar Belgııada ornalasqan ıadrolyq nysandarǵa shabýyl jasaýǵa árekettengenin aıta kelip, atalǵan sammıtte talqylanǵan ıadrolyq lańkestikti boldyrmaý máselesiniń ózektiligi osyndaı oqıǵalardan da týyndap otyrǵanyn sóz etti.
Sonymen qatar, Syrtqy ister mınıstriniń orynbasary osy ýaqytqa deıin 50-den astam memleket basshylarynyń aralasýymen 3 myńǵa jýyq tonna joǵary baıytylǵan ýran men plýtonıı qaýipsiz jerge kóshirilgenin, álemniń 13 eli joǵary baıytylǵan ýrannan qutylǵanyn, 30 qoımada qorǵanys sharalary kúsheıtilgenin, 328 halyqaralyq ótkizý beketi radıasııalyq baqylaý qurylǵylarymen jabdyqtalǵanyn atap ótti. Onyń aıtýynsha, ıadrolyq qarýsyzdaný baǵytyndaǵy nátıjeli jumystarǵa Qazaqstannyń sińirgen eńbegi kóp.
Buǵan qosa, E.Ashyqbaev Irannyń ıadrolyq baǵdarlamasyna qosqan úlesimizdi de atap ótti. Onyń aıtýynsha, ótken jyly Qazaqstan Irannan shyǵarylǵan qaýipti ýrannyń ornyna 60 tonna tabıǵı ýrandy jetkizip bergen. Ol da ıadrolyq qaýipsizdik sharalaryna qosqan bir úlesimiz dep eseptelýde eken.
Osy oraıda, E.Ashyqbaev ýranǵa baı elimiz osy kendi tek beıbit maqsatta tutynyp, ıadrolyq energetıkany damytýdy jón sanaıtynyna, sonymen birge, Qazaqstan jaǵy ıadrolyq ónimdi áskerı maqsatta qoldanýǵa túbegeıli tyıym salatyn halyqaralyq kelisim kerek ekendigin alǵa tartyp otyrǵanyna nazar aýdardy.
Baspasóz máslıhatynda spıker tilshi saýalyna oraı sýretshi Káripbek Kúıikovtiń «Jarylys» kartınasy Qazaqstannyń álemge jasaǵan úndeýi ekenin jetkizdi. «Semeı ıadrolyq synaǵynan zardap shekken sýretshi Káripbek Kúıikov óz ómirin ıadrolyq qaýipsizdikke arnaǵan jan. Ol álemge ıadrolyq synaqtardyń zardabyn kóbirek uǵyndyrý úshin qolynan kelgenniń bárin jasap keledi. Sondyqtan biz Qazaqstan Prezıdenti Nursultan Nazarbaev AQSh Prezıdenti Barak Obamaǵa Káripbek Kúıikovtiń «Jarylys» atty sýretin syılaý arqyly sımvoldyq máni bar ısharat jasady dep oılaımyz. Barak Obama Nobel syılyǵynyń laýreaty retinde ıadrolyq qaýipsiz álem qalyptastyrýdy qoldaıdy. Sondyqtan Qazaqstan halqynyń osy syılyq arqyly álemdi, onyń ishinde AQSh-ty is júzinde ıadrolyq qarýdan bas tartýǵa shaqyrýǵa moraldyq quqyǵy bar. Bul – Qazaqstannyń búkil álemge jasaǵan syılyǵy ári úndeýi», – dedi E.Ashyqbaev.
Brıfıngte Energetıka mınıstrliginiń komıtet tóraǵasynyń orynbasary Tımýr Jantıkın, Qazaqstan Respýblıkasynyń Tuńǵysh Prezıdenti kitaphanasynyń strategııalyq zertteýler jáne boljamdar qyzmetiniń meńgerýshisi Mıhaıl Mıronenko IV sammıttiń mańyzdylyǵyn, ıadrolyq qarýsyz álem qurý jolyndaǵy Qazaqstannyń tabandy kúresin, nátıjeli jumystaryn atap ótti. Olardyń sózderine qaraǵanda, Elbasy Nursultan Nazarbaevtyń ıadrolyq qarýsyz álem qurý jolyndaǵy saýatty bastamalaryna álem jurtshylyǵy joǵary baǵa berip otyr.
Joldybaı BAZAR,
«Egemen Qazaqstan».