Kásipkerlik, ındýstrııalyq-ınnovasııalyq damý jáne týrızm basqarmasynda jańasha izdenisi, tyń ıdeıasy bar azamattarǵa jumysyn aıaǵyna jetkizý úshin qaıtarymsyz grant bólinedi. Saryaǵashtyq usta Nurjan Qarsybaev – aǵash, temirden túıin túıetindiginen bir bólek, aýyr jumysty ońaılatatyn qondyrǵylardyń tehnologııasyn oılap tapqan ónertapqysh.
Qaıtarymsyz qarjy Nurekeniń ózi oıyp, ózi jonyp shyǵaratyn qondyrǵylaryn óndiriste qoldanýyna múmkindik berdi. Endi ol baıaǵydaǵy sheberlerdeı tańerteńnen keshke deıin aǵashty jońqalap shaýyp, keskimen bederlep oıyp otyrmaıdy. Temir qyrqatyn stanokty astaý oıatyn qondyrǵyǵa aınaldyrǵan sheberdiń qolyndaǵy aǵash áp-sátte túrli buıymdarǵa aınalyp shyǵa keledi.
Nurjan Qarsybaev Shymkenttegi Ábilhan Qasteev atyndaǵy óner kolledjinde bilim alǵan. Shaǵyn sheberhanasynda dombyra, qobyzdan bólek, er de shabylady, torsyq, kese de jasalady.
О́nertapqysh Qarsybaevtyń bir alańdaıtyny, robot sııaqty berilgen tapsyrmany múltiksiz oryndaıtyn qondyrǵylar túbinde ulttyq ónerdi umyttyryp jibere me deıdi.
Sondyqtan, shákirtterine keıbir buıymdardy ózi qolymen jasap kórsetedi. Bilgenin úıretedi. Ádette, ulttyq naqyshtaǵy qazaq kádesyılarynyń deni Qytaıda jasalatyn. Qarsybaevtyń qondyrǵylary Qazaqstan naryǵyn ózi qyzdyratyn bolady.
Jumys kóp. Suranys úlken. Sheberler qatary kóbeıip keledi.
Baqtııar TAIJAN,
«Egemen Qazaqstan».
Ońtústik Qazaqstan oblysy.