ASTANA. 12 sáýir. Brazılııada dońyz tumaýynan 100-den astam adam qaıtys boldy. Bul týraly inform.kz-ke silteme jasaǵan egemen.kz tilshisi habarlady.
О́tken jyly Brazılııada atalǵan syrqattan 36 adam kóz jumǵan. Sondaı-aq, San-Paýlý shtatynda 70-ten astam adam H1N1 vırýsynyń asqynýynan qaıtys boldy.
Goıas, Santa-Katarına, Baııa jáne taǵy jeti aımaqta osyndaı jaǵdaı tirkelgen.
Brazılııanyń densaýlyq saqtaý mınıstrligi atalǵan vırýsqa baılanysty aýyr respıratorlyq sındrom 686 adamda anyqtalǵanyn málimdedi. Bul kórsetkish ótken jylmen salystyrǵanda 76 paıyzǵa artqan. Osyǵan baılanysty San-Paýlý shtatynyń basshylyǵy dońyz tumaýyna qarsy ekpe egýdi jedeldetý týraly sheshim qabyldady.
Aıan Ábdýálı.
Derek: inform.kz.
Foto: 365info.kz.