Jańarý jolyndaǵy Jetisý

Úlken múmkindikterge jol ashty

Memleket basshysynyń «100 naqty qadam» Ult Jospary Jetisý jerinde qalaı júzege asyrylyp jatqany týraly Almaty oblysynyń ákimi Amandyq Batalov baspasóz máslıhatynda baıandady. «Bıyl «100 naqty qadam» Ult Josparyn oryndaýdyń tájirıbelik kezeńi bastaldy. Jospardy júzege asyrý úshin oblysta arnaýly komıssııa jáne bes jumys toby quryldy. Jalpy, oblystar ákimderiniń quzyretine 57 qadam kiredi, onyń 48-in iske asyrý bastaldy. Al toǵyz qadam boıynsha daıyndyq jumystary júrgizilýde. Qazirgi qalyptasqan jaǵdaıǵa qaramastan, byltyrǵy jyldy jaqsy nátıjemen aıaqtadyq. Alǵa qoıǵan mindetter oryndaldy. Aǵymdaǵy jyldyń birinshi toqsanynda ekonomıkalyq jetistik saqtaldy. Negizgi basymdyqty óndiristiń órkendeýine, jańa jumys oryndarynyń ashylýyna, halyqtyń ómir súrý deńgeıin kóterýge aýdaramyz», dep sózin bastaǵan óńir basshysy odan ári esebin bylaı sabaqtady. «Kásibı memlekettik apparatty qalyptastyrý» boıynsha on qadam iske asyrylýda. «Memlekettik qyzmet týraly» zańǵa sáıkes memlekettik qyzmet júıesin qurýdyń mansaptyq qaǵıdasy engizilip, aldyńǵy orynǵa memlekettik qyzmetshilerdiń quzyreti men jeke qasıetteri shyǵarylady. Al mansaptyq ósý úshin tómengi laýazymdarda jumys tájirıbesiniń bolýy mindetti. Qyzmetke alǵashqy ret kirisetinder mindetti synaq merziminen ótedi. Jyl basynan beri oblys bo­ıynsha tómengi laýazymdarǵa ornalasýǵa 69 jalpy konkýrs jarııalandy. Nátıjesinde 15 adam taǵaıyndaldy. 28 memlekettik qyzmetshi synaq merziminen ótýde. Ashyqtyq pen jan-jaqtylyqty qamtamasyz etý úshin barlyq konkýrstyq komıssııalarda qadaǵalaýshylar qatysady. Ult Josparynyń 5-6-qadamdaryna sáıkes memlekettik qyz­met­shilerdiń eńbekaqysyn qyzmet nátıjelerine qaraı arttyrý kózdelýde. Osyǵan baılanysty «A» korpýsyndaǵy ákimshilik memlekettik qyzmetshilermen kelisimder jasaldy. «B» kor­pýsynyń ákimshilik memlekettik qyzmetshileriniń qyzmetin baǵa­laý ádistemesi bekitildi. Memlekettik qyzmetshiler jumysynyń 3755 jeke josparlary jasalyp, olardy baǵalaý jónindegi komıssııalar quryldy. Segizinshi qadamnyń aıasynda memlekettik qyzmetshilerdiń aýysýy kezinde turǵyn úımen qamtamasyz etý máselesi sheshilýde. Búgingi tańda oblys boıynsha 139 bir­lik qyzmettik turǵyn úı bar. Taldyqorǵan qalasynda 55 páterli úı salynýda. Toǵyzynshy qadammen memlekettik qyzmetshilerdi úsh jylda bir ret turaqty oqytý júıesi belgilendi. Bekitilgen kes­te boıynsha jyl basynan beri 76 memlekettik qyzmetshi oqytylsa, jyl sońyna deıin taǵy 885 adam nemese biliktiligin arttyrýy tıis adamdardyń – 25%-y oqytylýy qajet. Oǵan 40,5mln. teńge bólindi. 12-qadamǵa sáıkes memlekettik qyzmetshilerdiń etıkasyna erekshe kóńil bólinýde. Jemqorlyq quqyq buzýshylyqtardyń aldyn alý jáne boldyrmaý maqsatynda jemqorlyqpen kúres jónindegi óńirlik josparlar qabyldandy. 30-qadamdy júzege asyrý úshin aǵymdaǵy jyldyń qańtarynda oblystyq, aýdandyq jáne qalalyq jergilikti polısııa qyzmetteriniń basshylary taǵaıyndaldy. Olar­dyń 1976 birlik kólemde shtattyq sany, erejesi jáne qurylymy bekitildi. 60 qyzmettik avtomashına, 166 beınetirkegish satyp alyndy. Jyl sońyna deıin taǵy 300 qurylǵy alynyp, qajettilik 100 paıyz oryndalady. Bul maqsatqa 450 mln. teńge qarastyryldy. Qazirgi ýaqytta oblysta quqyq buzýshylyqtyń aldyn alý boıynsha vedomstvo­aralyq komıssııa jumys is­teıdi. Qoǵamda tártipsizdikter men quqyq buzýshylyqtarǵa «nóldik tózimdilik» qaǵıdasyn qalyptastyrý jónindegi is-sharalar jospary júzege asy­rylýda. Polısııanyń ashyq­tyǵyn qamtamasyz etý maq­satynda oblystyq ishki ister departamentiniń janynda 8 adamnan turatyn qoǵamdyq keńes quryldy. Bul keńes halyq pen ishki ister organdary qyzmetkerleriniń ózara qarym-qatynasyn, aza­mattardyń quqyqtary men erkindikterin qorǵaýdy qam­tamasyz etedi. Internet-portalǵa qosylý úshin búgingi tańda oblys ortalyǵynyń jáne barlyq aýdan ortalyqtarynyń geoaqparattyq kartalary ázir­lenip, Bas prokýratýraǵa berildi. О́zge eldi mekenderdiń kartalary kezeń-kezeńimen ázirlenýde. «Indýstrııalandyrý jáne ekonomıkalyq ósim» salasyna kelsek, úshinshi baǵyt boıynsha 35, 36-qadamdarǵa sáıkes, aýyl sharýashylyǵy maqsatyndaǵy jerlerdi naryqtyq aınalymǵa engizý úshin túgendeý júrgizildi. Jer telimin paıdalanýdyń mo­nıtorıngin júrgizý úshin oblystyń elektrondy jer kartasy ázirlendi. Nátıjesinde paıdalanylmaıtyn 272,7 myń ga jer anyqtaldy. Qozǵaý túsken soń, 77,4 myń ga jer paıdalanyla bastady, 15,1 myń ga jer aýdandarǵa qaıtaryldy, ıesiz 53,9 myń ga boıynsha materıaldar memleket menshigine qaıtarý úshin sotqa beriledi, 14,4 myń ga. jer memleket menshigine qaıtaryldy. Endi aýksıonǵa shyǵarylady. Qurylys boıynsha 46-qadam­nyń aıasynda ruqsat alý áreketin ońtaılandyrý júrgizildi jáne úsh satyly qaǵıda engizilip qujattardy berý merzimderi eki eseden astam ýaqytqa qysqardy. Fıskaldyq saıasatta 41-qadam boıynsha múlik pen aqshany zańdastyrý jalǵasady. Búgingi kúnge jalpy quny 198,8 mlrd.teńgeni quraıtyn 25 myńnan astam nysan zańdastyryldy. Onyń ishinde 674,6 myń sh.m. 24,1 myń – turǵyn úı jáne 277,5 mln.teńge somasynda qarajat zańdastyryldy. Halyqqa túsindirý jumystary júrgizilýde. 56-qadam aıasynda memlekettik menshikti jekeshelendirý júr­gizilýde, qalpyna keltirý já­ne bank­rottyq áreketter jetil­dirilýde. 2014-2015 jyldary 6 kásiporyn jekeshelendirildi, 2020 jylǵa deıin taǵy 53 nysandy jekeshelendirý kestesi bekitildi.77,4 mlrd. teńge qaryzy bar 142 kásiporyn bankrottyq áreketinen ótýde. Onyń ishinde búgingi kúnge 8 kásiporyn bankrot dep tanyldy, 11-i taratyldy, 16-sy qalpyna keltirý satysynda, 116-sy qarastyrylýda, al bir kásiporynda jańa áreket –boryshker men nesıe berýshiniń arasynda tólem qabiletsizdigin retteý quraly qoldanyldy jáne ol engizilgen ózgertýlerge sáıkes jumys jasaýda. Elektr energetıkasyna kelsek, jalpy respýblıka boıynsha energııa beretin uıymdardy irilendirý kózdelinip otyrǵany anyq. Bul energııa únemdeý senimdiligin arttyrýǵa, elektr energııasyn berý shyǵyndaryn jáne tutynýshylar úshin qunyn tómendetýge múmkindik beredi. Oblysta eki iri óńirlik elektr jelilik kompanııalary jumys isteıdi. Almaty aımaǵynda – «AJK» AQ, al Taldyqorǵan óńirin­de «TATEK» AQ. Elektr júıeleri boıynsha túgendeý júrgizilip, búgingi kúnge ol jumys 11 aýdanda aıaqtaldy. Ult Josparynyń «Indýs­trııalandyrý jáne ekonomıkalyq ósim» atty úshinshi baǵytyn júzege asyrýda ınvestısııa tar­tý jergilikti atqarýshy organ­dardyń negizgi mindeti bolyp tabylady. Oblysta óńirlik Investorlar keńesi quryldy. Investısııa tartý jónindegi is-sharalar jospary ázirlenip, «bir tereze» qaǵıdasy boıynsha ınvestorlarǵa qyzmet kórsetýde óńirlik ortalyq jumys isteıdi. Investısııalar boıynsha memlekettik komıtet, sheteldik ınvestorlar keńesi qurylyp, iri ınvestorlar tartylǵan. Nátı­jesinde oblys aýmaǵynda brendtik ónim shyǵaratyn «Coca-Cola», «Danone», «FoodMaster», «Knauf», «Efes», «TerraNOVA» sııaqty belgili kompanııalar jumys júrgizip otyr. 2015 jyly transulttyq kompanııalardyń qatysýymen Qarasaı aýdanynda «Tikkurila»(Fınlıandııa)lak-boıaý zaýyty ashyldy, «Danone» jáne «Coca-Cola» óndiristerin keńeıtti. Osy kezeńde iri otandyq kompanııalar paıda boldy. Olar álemdik deńgeıge óz atymen shyǵýda. Olardyń 32-si Ult Josparynyń 62-qadamynyń aıasynda «Ulttyq chempıondar» baǵdarlamasyna qatysty. Almaty oblysy boıynsha «Báıterek» UBH» AQ ótken jyly bes kásiporyndy tańdaǵan edi. Onyń ishinde tórteýi – taǵam ónerkásibindegi «AlelAgro» AQ, «Galans Bottlers» AQ,«APK «Adal», «RG BRANDS Kazakhstan» JShS. Ústimizdegi jyly baǵdar­lamaǵa qatysýǵa taǵy tórt kásip­oryn ótinish berdi. «Ulttyq chempıondar» ekonomıkalyq ósim men otandyq bıznestiń básekege qabilettiligin arttyrýdyń jańa bastaý kózderi bolady. 60-qadam aýylda kooperasııany damytý arqyly sút óndirý jáne óńdeýge strategııalyq ınvestorlar tartýdy kózdeıdi. Oblysta 680 myń tonna sút óndiriledi, onyń 85%-y jeke aýyl sharýashylyqtaryna tıesili jáne sút zaýyttary sapaly shıkizat tapshylyǵyna tap bolady. Búginde osy  salada «FoodMaster» jáne «Danone» eki transulttyq kompanııa jumys jasaıdy. Alakól aýdanynda «Qaıyńdy» JShS-men birge 2,4 myń basqa zamanaýı sút taýarlyq fer­malarynyń qurylysyna jáne qýaty təýligine 100 tonna bolatyn sút óńdeý zaýytynyń qurylysyna Germanııadan «Agrial» ınvestory tartyldy. Qajetti quraldar men IQM jetkizýshilerimen kelissózder júrgizildi. «Yrys» baǵdarlamasy boıynsha 1000 basqa 9 STF qurý josparlanýda, onyń bireýi belorýssııalyq «StroıAgro» kompanııasynyń jobasy boıynsha Kóksý aýdanynda «Jetisý» ÁKK» UK» AQ-tyń qatysýymen qurylady. Barlyǵy 10 sút-taýar­lyq ferma salynady. Ile aýdanynda Aýyl sharýashylyǵy mınıstrliginiń bastamasy bo­ıynsha 24 sharýa qojalyǵyn biriktirgen 1480 basqa kooperatıv quryldy. Qaratal aýdanynda «Úshtóbe Aıdyn» sút zaýytynyń aınalasynda 6 sút qabyldaý pýnktteri ashyldy. Nátıjesinde uıymdastyrylǵan sharýashylyqtardan shıkizatty jetkizý 15%, 20%-ǵa artty, sút óndirisi – 8,3 myń tonnaǵa artyp 688,2 myń tonnaǵa jetti, sút zaýyttaryn júkteý 75%-dan 81%-ǵa artty. 61-qadam aıasynda et óndirisin jáne óńdeýdi damytý úshin strategııalyq ınvestorlar tartý mindeti qoıylýda. Búgingi tańda 19,0 myń basqa alty iri jemdeý alańy jumys jasaıdy, onyń ishinde úsheýi  «О́tesBıoAzııa» JShS, «Jaqsylyq» sharýa qojalyǵy jáne «Imperııa Fýd» JShS 67 sharýa qojalyqtary úsh kooperatıvke biriktirilýde. Ústimizdegi jyly 16,9 myń basqa taǵy 12 jemdeý alańy iske qosylady. Eki et óńdeý zaýytynyń qurylysy bastalady: qýaty segiz myń tonna bolatyn ırandyq «Imperııa Fýd» kompanııasy jáne Qarasaı aýdanynda qýaty jylyna 10 myń tonna bolatyn «Úmit» JShS. Nátıjesinde jyl qorytyndysy boıynsha et óndirisi 14,6 myń tonnaǵa artyp, 330,4 myń tonnaǵa jetti. Eksportqa eki myń tonna jetkiziledi. 56-qadam «Ekonomıkanyń basym sektorlaryna «zákirli» ınves­torlar tartý» aıasynda jalpy ınvestısııa kólemi 34,7 mlrd. teńgeni quraıtyn úsh iri joba júzege asyrylýda. Shamamen 500 jumys orny quryldy. Onyń biri ırandyq «Imperııa Fýd» kompanııasynyń et kombınaty jáne ekeýi – reseılik kompanııa­lar. Bul – Ile aýdanynda 60 gek­­tar jerde «EKO-kýltýra» agro­holdıngi ónerkásiptik-jyly­jaı kesheniniń qurylysy. Birinshi kezeńde 20 gektar alańda qýaty jylyna 15 myń tonna tomat óńdeıtin jylyjaı kesheni salynady. 260 jumys orny qurylady. Maı ónimderin óndiretin «EFKO» kompanııasy ótken jyldan beri maıburshaqty Aqsý, Kóksý, Eskeldi, Alakól jáne Sarqan aýdandarynyń sharýa qojalyqtarynan satyp alyp, Almaty qalasynda óńdeıdi. Endi olar Taldyqorǵan ındýstrııalyq aımaǵynyń aý­maǵynda 350 myń tonnaǵa deıin maıburshaq óńdeıtin zaýyt salýdy josparlaýda. Boljamdy iske qosý merzimi – 2017 jyl dep belgilendi. Memlekettik qoldaýmen baqtar alańyn 20 myń gektarǵa deıin jetkizdik. Onyń ishinde eki myń gektary – aport baqtary. Bıylǵy jyly ınvestorlardyń qatysýymen 1350 gektar ıntensıvti baqtar otyrǵyzý josparlanýda. 57-qadam.Týrızm salasynda strategııalyq ınvestorlardy tartýǵa qatysty «zákirli» jobalar tizimine «Aqbulaq» halyqaralyq týrıstik ortalyǵy kirdi, ınvestory – «Steppe Capital» AQ. Jobany júzege asyrý aıasynda Talǵar aýdanynda «Aqbulaq» shıpajaı-saýyqtyrý keshenine aparatyn «Birlik-Almalyq-Rysqulov-Qaz­stroı-Aqbulaq» avtojolynyń qurylysy júrgizilýde. Alakól kólinde jaǵajaı jáne saýyqtyrý týrızmin damytý úshin «Falcon Petroleum», «AQUAMARINE resort» JShS, «Karımov» JK ınvestorlar tartyldy, olar 400 oryndy bes juldyzdy qonaqúı jáne 500, 300 oryndy qonaqúı keshenderin salýda. Biz úshin 65-qadamnyń mańyzy zor, onyń aıasynda Eýrazııalyq transkontınentaldi dáliz qurý jónindegi joba júzege asyrylýda. Onyń Qorǵastan Aqtaý portyna deıingi ekinshi baǵyty oblysymyzdyń aýmaǵy boıynsha ótedi. QHR shekarasynda Qorǵas ShYHO iske qosyldy, 2015 jyldyń jeltoqsanynda «Qorǵas-Shyǵys qaqpasy» AEA» qurǵaq portynyń birinshi kezegi iske qosyldy, 47 myń konteıner tasymaldandy, aǵymdaǵy jyly 200 myń konteınerdi óńdeý jos­parlanýda. «Batys Eýropa – Batys Qytaı» avtojolynyń uzyndyǵy 304 shaqyrym bolady. Búgingi tańda 23 jekemenshik medısınalyq uıym jumys jasaıdy, onyń 12-si memlekettik tapsyrys alady. Medısına qyzmetteriniń sapasyn baqylaý maqsatynda Taldyqorǵan qala­lyq aýrýhanasynda biryńǵaı Call – ortalyǵy qurylyp, 60 medısınalyq uıym qosyldy. 84-qadamǵa sáıkes áleýmettik kómekti ońtaılandyrý júr­gizilýde, bul maqsatta «О́rleý» jobasy júzege asyrylýda. Onyń máni asyraýshylyqty joıý bolyp tabylady. Oblysta 103 etnos ókilderi turady, 71 etnomádenı bir­les­tikter jumys jasaıdy. Oblys «Úlken El – Úlken Otbasy», «Meniń elim», «Nurly bolashaq» ulttyq jobalaryna belsendi túrde qatysady. «100 naqty qadam» Ult Josparyn júzege asyrý úshin qarajat tórt qarjy­landyrý kózinen – Ulttyq qordan, respýblıkalyq, jergilikti bıýdjetten jáne jekemenshik ınvestısııalardan alynady. Son­dyqtan, bizdiń jumysymyzda eń bastysy ınvestısııa tartý bolyp tabylady.

Qoǵamdyq keńes qaýqary

Taldyqorǵandaǵy jýrnalıs­ter úıinde óńirlik kommýnıkasııalar qyzmetiniń uıytqy bolýymen qalalyq ákimdik janyndaǵy qoǵamdyq keńestiń tóraǵasy Jek­sembaı Meırambaev jýrnalıstermen kezdesip, birqatar suraq­tarǵa jaýap berdi. Negizi Ult Josparynyń 99-qadamynda strategııalyq jos­pary men mártebesi zańmen bekitilip, mem­lekettik sheshimderdi qabyldaýdyń ashyqtyǵyn qamtamasyz etý syn­dy quzyreti naqtylanǵan qoǵamdyq keńestiń jumys isteý erejesin táptishteı túsindirýden bastalǵan áńgimede biraz jaıttar ortaǵa salyndy. Sóz retine oraı qarjy máselesiniń qaralmaǵany da aıtyldy. Biraq, sóıte tura, onyń quramyna ótýge nıet bil­dirýshi­lerdiń kóptigi de jasyryn emes. Búginde qalany kógaldandyrý jumysyna belsene kirisý úshin qajetti qala kóshelerimen aǵyp ótetin sý máselesi ózektiliginen taımaýda. Sebebi, turǵyn úıler men jekelegen ǵımarattardy salý kezinde sý aǵatyn aryqtar qaras­tyrylmaǵan. Burynǵy aryqtar bitelip qalǵan. Mine, osy bir ǵana máseleni sheshýde bılik qoǵamdyq keńessiz qaýqarsyz bolyp tur. Sondyqtan, qalalyq qoǵamdyq keńestiń 21 múshesi bılik pen halyqtyń arasyndaǵy altyn kópir­ge aınala ala ma? Ony ýaqyt kórsetedi.

О́nimderi shetelge shyǵarylýda

Ult Josparynyń 62-qadamyn­da «Ekonomıkanyń shıkizattyq emes sektoryndaǵy orta bıznestiń naqty kóshbasshy kompanııalaryn qoldaýǵa baǵyttalǵan «Ulttyq chempıondar» belsendiligin júzege asyrý, Bıznes-kóshbasshylardy aıqyndaý noý-haý transferti úshin biliktilik ortalyqtaryn qurý múmkindigin beredi» dep naqtylanǵany málim. Ony is júzine asyrý baǵytynda byltyrǵy jyly «Báıterek» UBH» AQ Almaty oblysy boıynsha 5 kásiporyndy tańdap alǵan edi. Sonyń biri Taldyqorǵan óńirinde 40 jyldan astam ýaqyttan beri avtokólikterge, aýyl sharýashylyǵy jáne áskerı tehnıkalarǵa qajetti akkýmýlıa­torlar shyǵaratyn «Qaı­nar AKB» óndiris orny bolyp sanalady. Zaman aǵymyna sáıkes jaýapkershiligi shekteýli serik­testik bolyp qaıta qurylǵan ujym jyldan-jylǵa qanatyn jaıyp, sapaly ónimderin shet memleketterge shyǵaryp satýda. Shyny kerek, naryqtyq ekonomıkanyń yqpalymen rynok­taǵy ýaqyt­sha turaqsyzdyq saldarynan alyp kásiporyn birqatar qıyndyqtarǵa tap bolǵan-tyn. Árıne, jumys ornyn saqtap, ónim shyǵarýyn toqtatpaǵanymen alańdaýshylyqtyń týyndaǵany jasyryn emes. Mine, sol kezde Ult Josparyna sáıkes bıliktiń qoldaýymen oblystyq kásipkerlik jáne ındýstrııalyq-ınnovasııalyq damý basqarmasy memlekettik baǵdarlamaǵa súıene túıindi má­seleniń oń sheshimin tabýyna jol kórsetken edi. Nátıjesinde óndiris orny qarqyn ala eńbek kórigin qyzdyra bildi. Sondaı-aq, quzyrly organdar tarapynan zańnama talabyna sáıkes, atalǵan óndiris ornynyń kórsetip otyrǵan qyzmetine tekserý júrgizilgen-tin. Álbette, bıznestegi áreketterin jaqsartý boıynsha usynystar túsirilip, keńes te berilgen. Bir sóz­ben aıtqanda, jan-jaqty qoldaý alǵan edi. Sóıtip, Reseı men Qytaı naryǵyna shyǵý, Qazaqstan naryǵyndaǵy ımportty almastyrý úshin «Únemdi ón­diris» tájirıbesin engizý, baǵalaý tásilderin jaqsartý, saýdany basqarý daǵdylaryn damytý boıynsha daıyndalǵan usynystar búgingi tańda kásiporynǵa en­gizilýde. Negizinen Taldyqorǵandaǵy «Qaınar AKB» jaýapkershiligi shekteýli seriktestigi shyǵaratyn óniminiń 60-64 paıyzy shetelge eksporttalsa, qalǵan ónim ishki rynokta satylýda. Jalpy, jylyna 3 mıllıon dana akkýmýlıator shyǵarýǵa qýattylyǵy jetetin bul kásiporyn akkýmýlıatordyń 24 túrin jasaıdy. «Qazaqstanda shyǵarylǵan» degen belgisi bar taýarǵa Reseı men Belorýssııadan, sondaı-aq, Azııa memleketteri men Baltyq jaǵalaýyndaǵy elderden turaqty túrde túsetin suranys joǵary. Árıne, jumystyń qar­qyndy júrýi memlekettiń qamqorlyǵyna baılanysty bol­ǵandyqtan kásiporynnyń qaıta jańǵyrýyna, ónimniń túri men kóleminiń artýyna ólsheýsiz kómek kórsetilgendikten básekege qabiletti taýar suranysqa oraı molynan shyǵarylýda. Sonymen qatar, Taldyqorǵandaǵy «Qaınar AKB» akkýmýlıator zaýytynyń taǵy bir artyqshylyǵy táýligine 5 tonna eski akkýmýlıator suryp­taıtyndyǵy bolyp sanalady. Búgingi kúnde zaýyttaǵy 765 jumysshy aıyna 60-120 myń teńge aralyǵynda aılyq jalaqy alyp, 3 aýysymmen jumys is­teýde. О́tken jyly «Qaınar AKB» jaýapkershiligi shekteýli seriktestigi 900 mıllıon dana akkýmýlıator shyǵarsa, bıylǵy jyldyń alǵashqy toqsanynda 200 mıllıon dana ónim shyǵaryp úlgerdi. Eńbek kórigi qyzǵan saıyn sheteldik jáne otandyq tapsyrys berýshiler tarapynan suranys ta molynan túsýde. Betti daıyndaǵan «Egemen Qazaqstan» gazetiniń Almaty oblysyndaǵy menshikti tilshisi  Nurbol Áldibaev