– Jylyoı aýdanyndaǵy Prorva ken ornyna taıaý jaǵalaýdan 40 ıtbalyqtyń ólgeni anyqtaldy. Bul mańda jasandy arna jasaý maqsatyndaǵy jer jumystary júrgizilip jatyr. Itbalyqtardyń ólýine ne sebep bolǵanyn anyqtaý jáne synama alý úshin arnaıy top oqıǵa ornyna jiberildi, – deıdi oblystyq aýmaqtyq orman sharýashylyǵy jáne janýarlar dúnıesi ınspeksııasynyń basshysy Murat Ermekqalıev.
Jaǵalaýda teńkıip jatqan ıtbalyqtar óleksesi jınalady. Synama alynady. Arnaıy orynda órteledi. Osy maqsattaǵy sharýany iske asyratyn arnaıy top quramy atalǵan ınspeksııa, ekologııa departamenti men «Qazaq balyq sharýashylyǵy ǵylymı-zertteý ınstıtýty» jaýapkershiligi shekteýli seriktestigi mamandarynan jasaqtaldy. Olar ıtbalyqtardyń ólý sebebin anyqtaıtyn boldy.
Joldasbek ShО́PEǴUL,
«Egemen Qazaqstan»
Atyraý oblysy