Elimizde jaıaý adam júretin joldarda eskertý jasaıtyn erekshe jolaqtar paıda boldy. Olar Shymkent qalasynda jasalǵan. Qala ákimdiginiń habarlaýynsha, jaıaý adamǵa eskertý jasaıtyn mundaı erekshe jolaqtardy jergilikti kásipkerler qalaǵa syı retinde jasaǵan. Bir aıtatyn nárse, ol qalanyń barlyq jerinde emes, tek Táýke han kóshesi men Qonaev dańǵylynyń qıylysyndaǵy joldarda ǵana bar.
Qolda bar málimetterge qaraǵanda, mundaı jolaqtar Praga, Berlın jáne Máskeý qalalarynda ornatylǵan. Endi, mine, bizdiń elimizge de keldi. Ázirshe ol Shymkentte ǵana kórinis berip otyr. Aldaǵy kezde Shymqalanyń barlyq jerinde de jolaqtar jasalynady dep kútilýde. Osyndaı syı jasaǵan kásipkerlerdiń aıtýynsha, ol qala turǵyndarynyń jol erejelerin saqtaýlaryna arnalǵan.
Baıbol TО́LEK