QARAǴANDY. 18 sáýir. Qaraǵandyda iri kólemde alaıaqtyqpen aınalysyp kelgen qylmystyq top músheleri qolǵa túsip, tıisti jazalaryn aldy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Kúdiktiler jedel-izdestirý sharalary barysynda «Kassa Nova Bank» AQ Qaraǵandy fılıalynyń janynda «Sáýlet Qurylys Invest» jaýapkershiligi shekteýli seriktestiginiń esep shotynan alǵan 34 mıllıon teńgemen qosa qolǵa tústi.
Qylmystyń negizi ıdeıasy mynadaı bolǵan. Olar paıda tabý úshin kontragentterge salyqtan jaltarýǵa kómektesip júrgen. Sondaı-aq, qylmyskerler jekemenshik kásipkerlik sýbektilerin quryp, jalǵan kásiporyndardy búrkemelep otyrǵan.
Qylmystyq toptyń úsh múshesi laıyqty jazalaryn aldy. Topty qurǵan áıel 8 jylǵa sottalyp, dúnıe-múlki tárkilendi. Onyń eki sybaılasy 7 jylǵa bas bostandyqtarynan aıyryldy. Qylmyskerlerden alynǵan 34 mıllıon teńge memleket paıdasyna berildi.
Qaırat Ábildınov.
Derek: Qaraǵandy oblystyq sottyń baspasóz qyzmeti.
Foto: infovending.ru.