«Nur Otan» partııasy Ortalyq apparatynyń bas ǵımaratynda Parlament Májilisindegi «Nur Otan» partııasynyń fraksııasy janyndaǵy Áleýmettik keńestiń «Jastardy qoldaý» baǵyty boıynsha saraptamalyq otyrysy ótti.
Saraptamalyq toptyń otyrysyna Parlament Májilisiniń depýtaty, «Nur Otan» partııasynyń Parlamenttegi fraksııasy janyndaǵy Áleýmettik keńes tóraǵasynyń orynbasary Baqtııar Máken jetekshilik etti. Otyrys barysynda «100 naqty qadam» Ult Josparynyń aıasynda jastar saıasatyna qatysty ótkizilip jatqan is-sharalar atap ótilip, olardy ári qaraı iske asyrýdyń tetikteri qarastyryldy.
Bilim jáne ǵylym mınıstrligi jastar saıasaty departamenti Jastar saıasatyndaǵy 2016 jylǵa arnalǵan memlekettik áleýmettik tapsyrystardyń júzege asyrylýy jáne elimizdegi jastardyń máselelerin anyqtaý úshin ótkiziletin «Jastar-2015» ulttyq baıandamasynyń negizgi qorytyndylary da tilge tıek etildi.
Saraptamalyq toptyń otyrysyna Parlament depýtattary, memlekettik organdardyń jaýapty ókilderi, qoǵam qaıratkerleri, blogerler men jastar uıymdarynyń kóshbasshylary qatysty. Al sharanyń basty maqsaty elimizdegi jastardyń basty máselelerin negizge ala otyryp, ony sheshýdiń joldaryn qarastyrý boldy.
Otyrys sońyna qaraı sarapshylardyń usynystary qaperge alynyp, olar tıisti memlekettik organdarǵa usynys retinde engiziletin bolady.
«Egemen-aqparat»