ASTANA. 20 sáýir. 13-15 mamyr aralyǵynda Almaty qalasynda «Grand Prix» jarysy ótedi. Bul týraly egemen.kz tilshisi habarlady.
Oǵan álemniń 70-ten astam eldiń balýandary qatysady. Búgingi tańda 76 memlekettiń sportshylary jarysqa qatysýǵa ótinish bildirdi. Halyqaralyq dzıýdo federasııasynyń erejesine sáıkes, alań ıeleri ár salmaq dárejesi boıynsha tórt sportshyǵa deıin qatystyra alady.
Sonymen qatar, «Grand Prix» jarysy aıasynda Dzıýdo akademııasy resmı túrde ashylady. Dzıýdo akademııasynyń saltanatty ashylý rásimine Mádenıet jáne sport mınıstri Arystanbek Muhamedıuly, Almaty qalasynyń ákimi Baýyrjan Baıbek, Halyqaralyq dzıýdo federasııasynyń prezıdenti Marıýs Vızer jáne Qazaqstan Dzıýdo federasııasynyń prezıdenti Keńes Raqyshev qatysady.
Dzıýdo akademııasy tórt tatamıge arnalǵan zal, jattyǵý zaly, 100 oryndyq jataqhana men ashanasy ornalasady. Onda Qazaqstan ulttyq quramasymen qatar, jas dzıýdoshylar da jattyǵatyn bolady. Akademııada halyqaralyq jattyǵý jıyny, semınarlar men shet eldik mamandarmen birlese ár-túrli sheberlik sabaqtary uıymdastyrylady.
«Grand Prix» Balýan Sholaq atyndaǵy sport saraıynda 13 mamyrda saǵat 10.00 bastalyp, fınaldyq kezdesý saǵat 17.00-de ótedi. 13 mamyr kúni saǵat 16.30-de týrnırdiń resmı ashylýy bolady. Al oǵan deıin saǵat 15.00-de Dzıýdo akademııasynyń ashylý saltanaty josparlanǵan. Jerebe tartý rásimi 12 mamyr kúni saǵat 14.00-ge ótkiziledi. Jerebe tartý rásimi aıaqtalǵannan soń Rahat Palace qonaq úıinde BAQ ókilderine arnalǵan baspasóz májilisi ótedi. Týrnırdi uıymdastyrýshylar: QR Mádenıet jáne sport mınıstrligi, Almaty qalasynyń ákimdigi, QR Ulttyq Olımpıada komıteti, Sporttyq jekpe-jek jáne kúsh qoldanylatyn sport túrleri konfederasııasy men QR dzıýdo federasııasy
Jýrnalısterdi tirkeý halyqaralyq dzıýdo federasııasynyń resmı saıtynda júrgizilip jatyr (http://media.ijf.org) Tirkeýden ótken tilshiler tirkelgenderin rastaıtyn qaǵazdaryn 11 mamyr kúni saǵat 14.00 - 18.00 aralyǵynda Baıtursynov kóshesi, 113 úıde ornalasqan «Astana» halyqaralyq qonaq úıinen ala alady.
Jarystyń jalpy júlde qory 100 000 AQSh dollary. Týrnır jeńimpazyna 2 400 AQSh dollary, jattyqtyrýshysyna 600 dollar berilse, ekinshi oryn alǵan balýanǵa 1 600 AQSh dolalry, onyń jattyqtyrýshysyna 400 AQSh dollary tapsyrylady. Al qola medal ıegeri 800 dollarmen marapattalady. Jattyqtyrýshysyna 200 dollar tabys etiledi.
Dastan Kenjalın.
Derek, foto: Dzıýdo federasııasynyń baspasóz qyzmeti.