ASTANA. 20 sáýir. Japonııanyń ońtústiginde, Kıýsıý aralyndaǵy Kýmamota prefektýrasynda bolǵan jer silkinisinen qaza tapqandar sany 47 adamǵa jetti. Bul týraly world.lb.ua-ǵa silteme jasaǵan egemen.kz tilshisi habarlady.
Tabıǵat apatynan 124 myńnan astam adam baspanalaryn tastap, qaýipsiz aımaqqa qonys aýdardy. Aýa temperatýrasy túnde -8 Selsıı gradýsqa deıin barsa da, turǵyndar dalada qonýǵa májbúr bolyp júr. Qutqarýshylar toby qırandy astynda qalǵandardy izdeý jumystarymen aınalysýda.
Mamandar zilzalanyń sońy selge ulasýy múmkin ekendigin málimdedi.
Aıta keteıik, 14 sáýir kúni atalǵan aımaqta magnıtýdasy 6,4 balldy quraǵan jer asty dúmpýi boldy. Saldarynan ondaǵan ǵımarat qırap, júzge jýyq adam túrli deńgeıde jaraqat aldy.
Aıan Ábdýálı.
Derek: world.lb.ua.
Foto: 24.kz.