ASTANA. 20 sáýir. Belgili Intel kompanııasy qyzmetkerleriniń 11 paıyzyn, ıaǵnı 12 myń adamdy qysqartady. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Kompanııa basshylyǵy ótken seısenbi kúni alǵashqy toqsandaǵy satylymnyń tym az bolǵandyǵyn ári qyzmetkerler sanyn qysqartý aýyr bolǵanymen, osyndaı qadamǵa barýǵa májbúr ekendigin málimdedi. Intel aldaǵy ýaqytta kompıýterdiń mańyzdy chıp qurylǵysynan bólek ózge de taýarlardy óndirýmen aınalysady.
Al Associated Press agenttigi bul korporasııanyń 2014 jyly 5 myńǵa jýyq adamdy jumystan qysqartqanyn habarlady.
Aıta keteıik, Intel 1968 jyly qurylǵan. Keń kólemdi elektrondy qondyrǵylar shyǵarýshy jáne kompıýterlik komponentterdi, mıkroprosessorlardy, logıkalyq sıstema jınaqtaryn óndiredi. Shtab-páteri AQSh-tyń Kalıfornııa shtatyna qarasty Santa-Klara qalasynda ornalasqan.
Aıan Ábdýálı.
Derek, foto: RIA «Novostı».