ASTANA. 21 sáýir. Efıopııanyń batys aımaǵynda lańkester 100-ge jýyq balany tutqynǵa alyp ketti. Bul týraly TASS aqparat agenttigine silteme jasaǵan egemen.kz tilshisi habarlady.
Birikken Ulttar Uıymynyń bas hatshysy Stefan Dıýjarrık bul isti Ońtústik Sýdannan kelgen sodyrlar isteýi múmkin ekendigin aıtty. Sondaı-aq, beıresmı málimetter boıynsha qaza tapqandar men jaralanǵandardyń arasynda da búldirshinder bar.
Stefan Dıýjarrık BUU-nyń qyzmetkerleri lańkestik áreketterden zardap shekkenderge kómek kórsetýge daıyn ekendigin málimdedi. Al Efıopııa úkimeti urlanǵan balalardy aman alyp qalýǵa árekettenýde.
Aıta keteıik, 17 sáýir kúni Ońtústik Sýdannan Efıopııanyń Gambela provınsııasyndaǵy eldi mekenge basyp kirgen ekstremıster beıbit turǵyndarǵa oq atqan. Saldarynan 208 adam mert bolyp, 75 turǵyn túrli deńgeıde jaraqat aldy. О́zderimen birge júzge jýyq balany tutqynǵa alyp, eki myń bas maldy aıdap áketken.
Aıan Ábdýálı.
Derek: TASS.
Foto: inform.kz.