ASTANA. 20 sáýir. Jambyl oblystyq densaýlyq saqtaý basqarmasynyń basshysy jáne onyń qaramaǵyndaǵy qyzmetkerler sybaılas jemqorlyq áreketteri úshin qamaýǵa alyndy. Bul týraly korrespondent.kz-ke silteme jasaǵan egemen.kz habarlady.
Tergeý materıaldaryna sáıkes, oblystyq densaýlyq saqtaý basqarmasynyń basshysy Erlan Masalımov, onyń orynbasarlary – R.Bıjigitov pen G.Jaqsybekova, memlekettik satyp alýlar, tehnıkalyq baqylaý men monıtorıng bóliminiń jetekshisi B.Beısebaev jáne ekonomıka men bıýdjettik josparlaý bóliminiń basshysy I.Aımagambetov qyzmet babyn asyra paıdalanyp, sybaılas jemqorlyqqa jol bergen.
Olar aımaqtaǵy bas dárigerler men basqa da azamattardan 300 dollardan 10 myńǵa dollarǵa deıin para alyp kelgen. Sondaı-aq, olar dári-dármekter men medısınalyq qural-jabdyqtardy satyp alý boıynsha ótken tenderlerdi zańsyz júrgizgen.
Talǵat Raıymbek.
Derek: korrespondent.kz.
Foto: otyrar.kz.