AQTО́BE. 26 sáýir. «Qazhrom» TUK» AQ-nyń fılıaly – Aqtóbe ferroqorytpa zaýyty tabıǵat qorǵaý sharalaryna basa mańyz beredi. Byltyrdan beri kásiporyn ózen – kólderdi balyqtandyrýǵa atsalysýda. Bul týraly egemen.kz tilshisi habarlady.
Bul bastamany budan bylaı jyl saıyn jalǵastyrý kózdelýde. Bıyl da kásiporyn jyldaǵy dástúr boıynsha Aqtóbe qalasynyń irgesindegi Elek ózenine tez kóbeıetin 46 290 bir jyldyq usaq tuqy shabaqtaryn jiberdi.Osy ıgilikti is-sharany oıdaǵydaı júzege asyrýǵa 3,5 mıllıon teńgege jýyq qarjy bólindi.
Zaýyttyń energetıkalyq qamtamasyz etý basqarmasy bastyǵynyń jylý- energetıka jónindegi orynbasary О́serbaı Qaınekeevtiń aıtýynsha, ózen - kólderdi balyqtandyrý sharasyna metallýrgter de óz úlesterin qosyp, osymen ekinshi ret qatysyp otyr eken. Byltyr Elek ózenine tez ósetin 50 myń tuqy balyqtaryn jiberse, bıyl da bul bastama jalǵasyn taýyp usaq shabaqtar «Ardaǵym» sharýa qojalyǵynan alynyp ózenge jiberilgen.
Bul kásiporyn qorshaǵan ortany qorǵaý baǵytynda zaýyttaǵy gazdan tazartý súzgilerin aýystyrý, óndiris aımaǵyna aǵash otyrǵyzý, kógaldandyrý, abattandyrý, ekologııalyq aılyqtar ótkizý, senbilikter uıymdastyrý sııaqty sharalardy turaqty ótkizip otyrady. Aǵymdaǵy jyly zaýyttyń qorshaǵan ortany qorǵaý basqarmasynyń jumys josparynda ekologııalyq sharalardy júzege asyrýǵa 1782 674 myń teńge kóleminde qarjy qarastyrylǵan.
Satybaldy Sáýirbaı.
Derek, foto: egemen.kz