Qazaqstan Respýblıkasynyń Zańy № 505-V QRZ

Qazaqstan Respýblıkasynyń keıbir zańnamalyq aktilerine ekologııa jáne jer qoınaýyn paıdalaný máseleleri boıynsha ózgerister men tolyqtyrýlar engizý týraly 1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin: 1. 2007 jylǵy 9 qańtardaǵy Qazaqstan Respýblıkasynyń Ekologııalyq kodeksine (Qazaqstan Respýblıkasy Parlamentiniń Jarshysy, 2007 j., № 1, 1-qujat; № 20, 152-qujat; 2008 j., № 21, 97-qujat; № 23, 114-qujat; 2009 j., № 11-12, 55-qujat; № 18, 84-qujat; № 23, 100-qujat; 2010 j., № 1-2, 5-qujat; № 5, 23-qujat; № 24, 146-qujat; 2011 j., № 1, 2, 3, 7-qujattar; № 5, 43-qujat; № 11, 102-qujat; № 12, 111-qujat; № 16, 129-qujat; № 21, 161-qujat; 2012 j., № 3, 27-qujat; № 8, 64-qujat; № 14, 92, 95-qujattar; № 15, 97-qujat; № 21-22, 124-qujat; 2013 j., № 9, 51-qujat; № 12, 57-qujat; № 14, 72, 75-qujattar; 2014 j., № 1, 4-qujat; № 2, 10-qujat; № 7, 37-qujat; № 10, 52-qujat; № 12, 82-qujat; № 14, 84-qujat; № 19-I, 19-II, 96-qujat; № 21, 122-qujat; № 23, 143-qujat; № 24, 145-qujat; 2015 j., № 8, 42-qujat; № 11, 57-qujat; № 20-IV, 113-qujat; № 20-VII, 115-qujat; № 22-I, 141-qujat; № 22-II, 144-qujat; № 22-V, 156-qujat; 2016 j., № 1, 2-qujat): 1) mazmunynda 55-baptyń taqyryby alyp tastalsyn; 2) 1-bapta: mynadaı mazmundaǵy 11-1) jáne 11-2) tarmaqshalarmen tolyqtyrylsyn: «11-1) gıdrologııalyq monıtorıng – sý obektileriniń jaı-kúıi týraly jedel jáne boljamdy aqparat alý maqsatynda sý obektileriniń jaı-kúıin jáne sý obektileriniń memlekettik monıtorıngi júıesiniń quramdas bóligin turaqty jáne (nemese) merzimdi baıqaý júıesi; 11-2) dıspergentter – tabıǵı proses­terdiń áserinen buzylýǵa deıin sýdyń qabatynda qala otyryp, onymen barynsha tıimdi aralasa alatyn, munaı daǵynyń usaq tamshylarǵa bólinýine múmkindik beretin betki belsendi zattar men eritkishterdiń qos­pasy;»; 34) jáne 43) tarmaqshalar mynadaı redaksııada jazylsyn: «34) qaýipti qaldyqtar – quramyna bir nemese birneshe qaýipti qasıetteri (ýyttylyǵy, jarylý qaýpi, radıoaktıvtiligi, órt qaýpi, joǵary reaksııalyq qabileti) bar zııandy zattar kiretin jáne derbes nemese basqa zattarmen qosylǵan kezde qorshaǵan ortaǵa jáne adamnyń densaýlyǵyna tikeleı nemese yqtımal qaýip tóndirýi múmkin qaldyqtar;»; «43) qorshaǵan ortaǵa emıssııalar – lastaýshy zattardyń shyǵaryndylary, tógindileri, qorshaǵan ortada óndiris jáne tutyný qaldyqtaryn ornalastyrý, kúkirtti qorshaǵan ortada ashyq túrde ornalastyrý jáne saqtaý;»; mynadaı mazmundaǵy 56-1) jáne 61-1) tarmaqshalarmen tolyqtyrylsyn: «56-1) normatıvten tys emıssııalar – qorshaǵan ortaǵa ekologııalyq ruqsatpen belgilengennen artyq emıssııalar;»; «61-1) óz betinshe emıssııalar – jyljymaly kózderden bolatyn emıssııalardy qospaǵanda, ekologııalyq ruqsatsyz júzege asyrylatyn qorshaǵan ortaǵa emıssııalar;»; 3) 17-bapta: mynadaı mazmundaǵy 8-2) jáne 24-2) tarmaqshalarmen tolyqtyrylsyn: «8-2) jergilikti atqarýshy organdardyń qorshaǵan ortany qorǵaý salasyndaǵy memlekettik qyzmetterdi kórsetý jónindegi qyzmetin baqylaýdy júzege asyrady;»; «24-2) munaıdyń teńizge jáne Qazaqstan Respýblıkasynyń ishki sý aıdyndaryna avarııalyq tógilýin joıýǵa arnalǵan dıspergentterdiń tizbesin bekitedi;»; 29) tarmaqshada: úshinshi abzas mynadaı redaksııada jazylsyn: «munaıdyń teńizge jáne Qazaqstan Res­pýblıkasynyń ishki sý aıdyndaryna avarııalyq tógilýin joıýǵa arnalǵan dıspergentter tizbesine engizý úshin dıspergentterdi aıqyndaý jónindegi ádistemeni;»; mynadaı mazmundaǵy qyryq tórtinshi abzaspen tolyqtyrylsyn: «munaıdyń teńizde jáne Qazaqstan Respýblıkasynyń ishki sý aıdyndaryn­da tógilýin joıý ádisterin qoldaný qaǵıda­laryn;»; 4) 22-bap mynadaı mazmundaǵy 3-tar­maqpen tolyqtyrylsyn: «3. Munaıdyń avarııalyq tógilýin joıý ádisterin qoldaný nátıjesindegi emıssııalar normalanýǵa jatpaıdy.»; 5) 25-baptyń 1-tarmaǵynyń 4) tarmaq­shasy alyp tastalsyn; 6) 28-baptyń 3-tarmaǵy mynadaı redaksııada jazylsyn: «3. Jekelegen kózder boıynsha emıssııalar normatıvteri emıssııalardyń tehnıkalyq úlestik normatıvterine teńestirilip belgi­lenedi ne sanıtarııalyq-qorǵaý aı­maǵynyń shekarasyndaǵy jáne jaqyn ornalasqan qonystaný aýmaqtaryndaǵy qorshaǵan orta sapasynyń normatıvterine qol jetkizý maqsattaryn negizge ala otyryp, esepteý jáne (nemese) aspaptyq jolmen aıqyndalady.»; 7) 40-baptyń 1-tarmaǵynyń besinshi bóligi mynadaı redaksııada jazylsyn: «IV sanatqa óndiristik obektilerdiń sanıtarııalyq jikteýishine sáıkes qaýip­tiliktiń 5-synybyna jatatyn qyzmet túrleri jatady.»; 8) 47-baptyń 3-tarmaǵynyń besinshi bóligi mynadaı redaksııada jazylsyn: «Osy baptyń 1-tarmaǵynyń 1) tarmaq­shasynda kórsetilgen jáne osy Kodekstiń 40-babynda keltirilgen obektilerdiń jik­teýishine sáıkes jiktel­meıtin, qorshaǵan ortaǵa áser etetin mejelenip otyrǵan qyzmet­tiń jobaaldy jáne jobalaý qujat­tamasy IV sanatqa jatady.»; 9) 51-bapta: 4-tarmaq mynadaı redaksııada jazylsyn: «4. Memlekettik ekologııalyq saraptama júrgizý mindetti bolyp tabylatyn sharýashylyq jáne ózge de qyzmet jobalaryn iske asyrýdy bankterdiń jáne ózge de qarjy uıymdarynyń memlekettik ekologııalyq saraptamanyń oń qorytyndysynsyz qarjylandyrýyna tyıym salynady.»; mynadaı mazmundaǵy 7-tarmaqpen tolyqtyrylsyn: «7. Memlekettik ekologııalyq saraptama qorytyndysynyń kúshin joıý sot tártibimen júzege asyrylady.»; 10) 52-baptyń 1-tarmaǵynyń 8) tar­maqshasy alyp tastalsyn; 11) 53-baptyń 6-tarmaǵynyń 1) tar­maqshasy mynadaı redaksııada jazylsyn: «1) memlekettik ekologııalyq saraptama obektisin jan-jaqty jáne obektıvti baǵalaý úshin mańyzy bar qosymsha materıaldardy osy Kodekstiń 50-babynda belgilengen merzim sheginde usynýdy talap etýge;»; 12) 55-bap alyp tastalsyn; 13) 56-baptyń 2-tarmaǵy mynadaı redaksııada jazylsyn: «2. Qorshaǵan ortany qorǵaý salasyndaǵy ýákiletti organnyń memlekettik ekologııalyq saraptamasynyń sarapshylyq keńesteri týraly erejelerdi, olardyń personaldyq quramdaryn qorshaǵan ortany qorǵaý salasyndaǵy ýákiletti organnyń jáne onyń aýmaqtyq organdarynyń basshylary bekitedi.»; 14) 79-baptyń 2-tarmaǵy mynadaı mazmundaǵy ekinshi bólikpen tolyqtyrylsyn: «Tabıǵat paıdalanýshylar Qorshaǵan ortanyń lastanýyn keshendi baqylaý jáne boldyrmaý jónindegi Eýropa bıýrosynyń anyqtamalyqtaryna engizilgen, usynylatyn tehnologııalardyń kez kelgenin de tańdaı alady.»; 15) 99-baptyń 2-tarmaǵy mynadaı mazmundaǵy ekinshi bólikpen tolyqtyrylsyn: «Qorshaǵan ortany qorǵaý jónindegi is-sharalar jospary men osy jospardyń oryndalýy týraly esep nysanyn qorshaǵan ortany qorǵaý salasyndaǵy ýákiletti organ bekitedi.»; 16) 114-baptyń 20) tarmaqshasy mynadaı redaksııada jazylsyn: «20) qaldyqtardy jınap qoıý men jaǵý kezinde atmosferalyq aýany qorǵaý jónindegi talaptardyń saqtalýyna;»; 17) 130-baptyń 2-tarmaǵynyń 1) jáne 6) tarmaqshalary mynadaı redaksııada jazylsyn: «1) óndiristik ekologııalyq baqylaý baǵdarlamasyn ázirleýge;»; «6) óndiristik ekologııalyq baqylaý prosesinde anyqtalǵan, Qazaqstan Res­pýblıkasynyń ekologııalyq zańnamasyn buzý faktileri týraly qorshaǵan ortany qorǵaý jónindegi ýákiletti organǵa úsh jumys kúni ishinde habarlaýǵa;»; 18) 144-baptyń 2-tarmaǵy mynadaı redaksııada jazylsyn: «2. Qorshaǵan orta men tabıǵı resýrs­tar monıtorınginiń biryńǵaı memlekettik júıesiniń sheńberinde qorshaǵan ortanyń jaı-kúıin baıqaý, sondaı-aq taldaý úshin synamalardy irikteý arnaıy qurylǵan memlekettik, aýmaqtyq jáne jekeshe baıqaý jelileriniń pýnktterinde júzege asyrylady. Iriktelip alynǵan synamalardaǵy lastaýshy zattardyń quramyn taldaýdy akkredıttelgen taldamalyq zerthanalar jáne (nemese) avtomattyq baıqaý pýnktteri júzege asyrady.»; 19) 145-1-baptyń 2-tarmaǵy mynadaı redak­sııada jazylsyn: «2. Stasıonarlyq jáne jyljymaly baıqaý pýnktteriniń qyz­metin uıymdastyrýdy Ulttyq gıdrometeorologııalyq qyzmet júzege asyrady. Jańadan ashylatyn baıqaý pýnkt­teriniń ornalasqan jerin (dıslokasııalaý ornyn) aıqyndaý jergilikti atqarýshy organdarmen kelisý boıynsha Ulttyq gıdrometeorologııalyq qyzmettiń sheshi­mimen júrgiziledi. Kórsetilgen baıqaý pýnktteriniń qyzmetin toqtatý Ulttyq gıdrometeorologııalyq qyzmettiń sheshimimen júzege asyrylady.»; 20) 154-baptyń 2-tarmaǵy mynadaı redak­sııada jazylsyn: «2. Osy baptyń 1-tarmaǵynyń 3) tarmaqshasynda kórsetilgen qujattama esepti jyldan keıingi jyldyń 1 qańtaryndaǵy jaǵdaı boıynsha 1 naýryzyna deıin jyl sa­ıyn elektrondyq jáne qaǵaz jetkizgishterde beriledi. Osy baptyń 1-tarmaǵynyń 1), 2) jáne 4) tarmaqshalarynda kórsetilgen qujattama ózgergen jaǵdaıda, ol qaıta usynylady.»; 21) 199-1-baptyń 1-tarmaǵynyń birinshi bóligi mynadaı redaksııada jazylsyn: «1. Qazaqstan Respýblıkasynda tehno­logııalardyń, kólik quraldaryn qospaǵanda, tehnıkanyń jáne jabdyqtyń qoldanylýy qorshaǵan ortaǵa áserin baǵalaý materıaldarymen qosa osyndaı tehnologııalardyń, tehnıka men jabdyqtyń qoldanylýyn negizdeıtin jobalaý qujattamasyna memle­kettik ekologııalyq saraptamanyń oń qorytyndysy bolǵan kezde júzege asyrylady.»; 22) 219-baptyń 2-tarmaǵy mynadaı redak­sııada jazylsyn: «2. Zattardyń sapasynyń normatıvterin belgileý talap etilmeıtin mynadaı sarqyndy sýlardy: 1) jerasty sýlary mıneralǵa qanyqqan, aýyzsý, balneologııalyq, tehnıkalyq qajettilikter úshin, sondaı-aq ırrıgasııa jáne mal sharýashylyǵy maqsatynda paıdalanylmaıtyn nemese paıdalanýǵa bolmaıtyn, jerasty sýtutqysh beldeýlerge sarqyndy sýlardy aıdaýdy; 2) qosymsha ilesip shyqqan karer sýyn arnaıy jınaqtaǵyshtarǵa tógýdi qospaǵanda, normatıvtik kórsetkishterge deıin tazartylmaǵan sarqyndy sýlardy jer qoınaýyna tógýge tyıym salynady. Qazaqstan Respýblıkasynyń zańnamalyq aktilerinde kózdelgen memlekettik eko­lo­gııalyq saraptamanyń jáne basqa da saraptamalardyń oń qorytyndysyn alǵan jobalar men tehnologııalyq reglamentterde kózdelgen paıdaly qazbamen ilesip óndirilgen sýlardy keri aıdaý, sondaı-aq paıdaly qazbalardy óndirý úshin jer qoınaýyna tehnologııalyq eritindilerdi aıdaý sarqyndy sýlardy tógý bolyp tabylmaıdy.»; 23) 262-baptyń 8 jáne 11-tarmaqtary mynadaı redaksııada jazylsyn: «8. Kaspıı teńiziniń soltústik bóligindegi memlekettik qoryq aımaǵy sheginde, las­tanbaǵan nemese tazartylǵan sarqyndy sýlardyń shekteýli tizbesin, onyń ishinde salqyndatý jáne órt sóndirý júıeleriniń sýlary men qorshaǵan ortany qorǵaý, sý qoryn paıdalaný men qorǵaý salasyndaǵy ýákiletti memlekettik organdardyń, sondaı-aq halyq­tyń sanıtarııalyq-epıdemıologııalyq salamattylyǵy salasyndaǵy memlekettik organnyń ruqsaty boıynsha tógiletin ballast sýlardy qospaǵanda, sarqyndy sýlardy tógýge jáne qaldyqtardy tastaýǵa tyıym salynady. Sýdyń baqylaý jaqtaýy sheginen tys tógilýi nátıjesindegi temperatýrasy sońǵy úsh jyl ishindegi tógý kezeńindegi ortasha aılyq sý temperatýrasymen salystyrǵanda bes gradýstan joǵary kóterilmeýge tıis.»; «11. Teńizdegi óndiristik (burǵylaý, óndirý, paıdalaný) obektiler jáne olarǵa qyzmet kórsetetin kemeler sarqyndy sýlardy tazartý men zalalsyzdandyrýǵa nemese sarqyndy sýlardy jınaýǵa, saqtaýǵa jáne keıinnen arnaýly kemelerge nemese jaǵalaýdaǵy qabyldaý qurylǵylaryna berýge arnalǵan qondyrǵymen jabdyqtalýǵa tıis. Qoqysty jınaý nemese óńdeý (untaqtaý nemese syǵymdaý) úshin tıisti qurylǵylar kózdelýge tıis. Eń ozyq qoljetimdi tehnologııalardy paıdalaný kezinde jáne jobalaý qujattamasyna memlekettik ekologııalyq saraptamanyń oń qorytyndysy bar bolǵanda medısınalyq jáne tamaq qaldyqtaryn ınsınerasııalaýǵa jol beriledi.»; 24) 264-baptyń 6-tarmaǵy mynadaı redaksııada jazylsyn: «6. Jer qoınaýyn paıdalanýshy mu­naı operasııalaryn júrgizý kezinde avarııalyq tógilýlerdiń aldyn alý, olardy oqshaýlaý jáne joıý jónindegi is-sharalardy qamtamasyz etýge tıis.»; 25) 293-baptyń 5-tarmaǵynyń birinshi bóligi mynadaı redaksııada jazylsyn: «5. Qaýipti qaldyqtardy arnaıy jab­­dyqtalǵan oryndarǵa, onyń ishinde mem­lekettik ekologııalyq saraptamanyń qory­tyndysy jáne jer qoınaýyn paıdalaný salasyndaǵy ýákiletti organmen kelisý bolǵan kezde shahtalardyń, kenishterdiń jáne kóliktik eńisterdiń sýlanbaǵan jerasty taý-ken qazbalarynda ornalastyrýǵa ruqsat etiledi. Qaýipti qaldyqtardy ornalastyrý úshin bólingen aýmaqta qaýipti qaldyqtarmen jumys isteýge baılanysty emes basqa da qyzmet túrlerin júzege asyrýǵa tyıym salynady.»; 26) 296-baptyń 5-tarmaǵy alyp tastalsyn; 27) 303-baptyń 1-tarmaǵynyń 2) tar­maqshasy mynadaı redaksııada jazylsyn: «2) jerasty, jerústi sýlarynyń jáne olardyń sý qorǵaý aımaqtary men beldeýleriniń nemese erekshe qorǵalatyn tabıǵı aýmaqtardyń bolýyna;»; 28) 321-bapta: 2-tarmaqtyń 3) jáne 4) tarmaqshalary mynadaı redaksııada jazylsyn: «3) óz betinshe emıssııalardyń; 4) normatıvten tys emıssııalardyń saldarynan qorshaǵan ortaǵa, azamattardyń densaýlyǵyna, jeke jáne zańdy tulǵalardyń, memlekettiń múlkine keltirilgen zalal ótelý­ge tıis.»; mynadaı mazmundaǵy 9-tarmaqpen tolyq­tyrylsyn: «9. Tabıǵat paıdalanýshy memlekettik ekologııalyq saraptamaǵa usynǵan jáne shekti jol beriletin emıssııalar normatıvterinen asyp ketýine ákelmeıtin, ilespe gazdy qaıta óńdeýdi damytý baǵdarlamalarynan, sondaı-aq jobalaý qujattamasynan jáne qorshaǵan ortaǵa emıssııalar normatıvteriniń jobalarynan aýytqý jaǵdaılary, onyń ishinde gazdy jaǵý ssenarııleriniń jáne (nemese) kesteleriniń ózgerýi óz betinshe jáne normatıvten tys emıssııalar retinde qaralmaıdy.». 2. «Jer qoınaýy jáne jer qoınaýyn paıdalaný týraly» 2010 jylǵy 24 maý­symdaǵy Qazaqstan Respýblıkasynyń Zańyna (Qazaqstan Respýblıkasy Parla­mentiniń Jarshysy, 2010 j., № 12, 60-qujat; 2011 j., № 1, 2-qujat; № 11, 102-qujat; № 12, 111-qujat; 2012 j., № 2, 11, 14-qujattar; № 3, 21-qujat; № 4, 30-qujat; № 6, 46-qujat; № 8, 64-qujat; № 11, 80-qujat; № 15, 97-qujat; № 23-24, 125-qujat; 2013 j., № 9, 51-qujat; № 14, 75-qujat; № 15, 81-qujat; 2014 j., № 4-5, 24-qujat; № 7, 37-qujat; № 10, 52-qujat; № 19-I, 19-II, 96-qujat; № 21, 122-qujat; № 24, 145-qujat; 2015 j., № 8, 45-qujat; № 11, 52, 57-qujattar; № 19-II, 102-qujat; № 20-IV, 113-qujat; 2016 j., № 2, 9-qujat): 1) 1-baptyń 7) tarmaqshasy mynadaı redaksııada jazylsyn: «7) gazdy tehnologııalyq turǵydan eriksiz jaǵý – tehnologııalyq jabdyqty qosý-jónge keltirý, paıdalaný, tehnıkalyq qyzmet kórsetý men jóndeý kezinde, sondaı-aq tehnologııalyq jabdyqtyń jumysyndaǵy tehnologııalyq irkilister, isten shyǵý men aýytqýlar kezinde ony qaıta óńdeýdiń jáne (nemese) kádege jaratýdyń tehnıkalyq múmkindiginiń bolmaýyna baılanysty gazdy qaıta óńdeýdiń tehnologııalyq prosesteri kezinde ilespe jáne (nemese) tabıǵı gazdy jaǵý;»; 2) 25-baptyń 7) tarmaqshasy alyp tas­talsyn; 3) 32-baptyń 1-tarmaǵy mynadaı redak­sııa­da jazylsyn: «1. Qazaqstan Respýblıkasy aýmaǵynyń shekaralaryndaǵy jer qoınaýy ýchaskeleri memlekettik menshik bolyp tabylady. Mundaı ýchaskeler, sondaı-aq Qazaqstan Respýblıkasy qurylyqtyq qaırańynyń ýchaskeleri osy Zańda belgilengen tártippen jer qoınaýyn paıdalaný jónindegi operasııa­lardy júrgizý úshin beriledi.»; 4) 85-bapta: 1-tarmaqtyń 3) tarmaqshasy mynadaı redaksııada jazylsyn: «3) gazdy tehnologııalyq turǵydan eriksiz jaǵý kezinde ilespe jáne (nemese) tabıǵı gazdy alaý etip jaǵýǵa tyıym salynady.»; 2-tarmaqtyń birinshi bóligi mynadaı redaksııada jazylsyn: «2. Osy baptyń 1-tarmaǵynyń 1) tarmaqshasynda kózdelgen jaǵdaılarda ilespe jáne (nemese) tabıǵı gazdy alaý etip jaǵýǵa ruqsatsyz jol beriledi.»; mynadaı mazmundaǵy 5-1-tarmaqpen tolyqtyrylsyn: «5-1. Tehnologııalyq jabdyqtyń jumysynda tehnologııalyq irkilister, isten shyǵýlar men aýytqýlar bolǵan jaǵdaılarda, jer qoınaýyn paıdalanýshy tergep-tekserý júrgizýge jáne munaı jáne gaz salasyndaǵy ýákiletti organdarǵa tehnologııalyq irkilisterdiń, isten shyǵýlar men aýytqýlardyń sebepterin kórsete otyryp, toqsan saıynǵy esepterdi berýge mindetti.»; 5) 86-baptyń 8-tarmaǵy mynadaı redaksııada jazylsyn: «8. Jer qoınaýyn paıdalanýshylar munaı jáne gaz salasyndaǵy ýákiletti organnyń bekitýine jáne jer qoınaýyn zertteý men paıdalaný jónindegi ýákiletti organmen kelisýge jatatyn, ilespe gazdy qaıta óńdeýdi damytý baǵdarlamalaryn kózdeýge mindetti, olar ilespe gazdy jaǵý nemese qatqa keri aıdaý (kádege jaratý) kólemderin qysqartý arqyly ilespe gazdy utymdy paıdalaný jáne onyń qorshaǵan ortaǵa zııandy áserin tómendetý maqsatynda ár úsh jyl sa­ıyn jańartylyp otyrylýǵa tıis. Jer qoınaýyn paıdalanýshy baǵdar­lamalardyń oryndalýy týraly esepterdi munaı jáne gaz salasyndaǵy jáne jer qoınaýyn zertteý men paıdalaný jónindegi ýákiletti organdarǵa jyl saıyn jiberýge tıis.». 3. «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Res­pýblıkasynyń Zańyna (Qazaqstan Respýblıkasy Parlamentiniń Jarshysy, 2013 j., № 2, 9-qujat; № 15, 81-qujat; 2014 j., № 7, 37-qujat; № 21, 122, 123-qujattar; № 22, 131-qujat; 2015 j., № 1, 2-qujat; № 20-IV, 113-qujat): 1) mynadaı mazmundaǵy 16-1-bappen tolyqtyrylsyn: «16-1-bap. Jer qoınaýyn paıdalaný jónindegi operasııalarǵa tartylatyn qazaqstandyq jáne sheteldik kemelerdiń Memlekettik shekarany birneshe márte kesip ótý quqyǵy 1. Qurylyqtyq qaırańda jer qoı­naýyn memlekettik geologııalyq zertteý jónindegi jumystardy oryndaý, qurylyqtyq qaırańnyń tabıǵı resýrstaryn barlaý jáne óndirý, qalqymaly burǵylaý qondyrǵylarynyń jumys isteýin qamtamasyz etý maqsatynda, sondaı-aq jasandy araldardy, qondyrǵylar men qurylystardy, onyń ishinde qurylyqtyq qaırańda stasıonarlyq teńiz platformalaryn qurý, paıdalaný jáne qoldaný maqsatynda, keıinnen Qazaqstan Respýblıkasynyń porttaryna, teńiz termınaldaryna nemese aılaqtyq qurylystaryna kele otyryp, Qazaqstan Respýblıkasynyń porttarynan, teńiz termınaldarynan nemese aılaqtyq qurylystarynan qury­lyqtyq qaırań ústindegi sý keńistigine shyǵatyn, Qazaqstan Respýblıkasynyń Memlekettik Týyn kóterip júzýge quqyǵy bar qazaqstandyq jáne sheteldik kemeler Qazaqstan Respýblıkasy Ulttyq qaýipsizdik komıtetiniń Shekara qyzmeti ruqsatynyń negizinde shekaralyq, kedendik baqylaýdan (kemelerdiń kelýimen nemese ketýimen baılanysty kedendik operasııalardy júrgizý bóliginde) jáne baqylaýdyń ózge de túrlerinen ótpeı, Memlekettik shekarany birneshe márte kesip óte alady.». 2. Osy baptyń 1-tarmaǵynda kórsetilgen qazaqstandyq jáne sheteldik kemelerge: 1) shet memlekettiń aýmaqtyq sýlaryna (teńizine), shet memlekettiń ishki sýlaryna, sheteldik porttarǵa kirýge; 2) adamdar men kemelerdi qutqarý qajettiginen nemese basqa da tótenshe jaǵ­daı­­lardan týyndaǵan, kemeniń kapıtany bul týraly Qazaqstan Respýblıkasy Ulttyq qaýipsizdik komıtetiniń Shekara qyzmetin dereý habardar etetin kezderdi qospaǵanda, Qazaqstan Respýblıkasynyń aýmaǵynan ketken kezde olarǵa qatysty shekaralyq baqylaý júzege asyrylǵan, sondaı-aq Qazaqstan Respýblıkasynyń aýmaǵyna kelgen kezde shekaralyq baqylaýdan ótpegen adamdardy sheteldik jáne qazaqstandyq kemelerden túsirýge (olarǵa otyrǵyzýǵa), kez kelgen júkter men taýarlardy túsirýge (olarǵa tıeýge) tyıym salynady. 3. Qurylyqtyq qaırańda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartyl­ǵan qazaqstandyq jáne sheteldik teńiz kemeleriniń Memlekettik shekarany birneshe márte kesip ótýine ruqsat berý tártibin, mundaı ruqsatty qoldanýdyń keńistiktik jáne ýaqyttyq shekterin, sondaı-aq osy baptyń 1-tarmaǵynda kórsetilgen kemelerge baqylaýdy júzege asyrý tártibin Qazaqstan Respýblıkasynyń Úkimeti belgileıdi.»; 2) 17-bapta: 2-tarmaq mynadaı mazmundaǵy ekinshi bólikpen tolyqtyrylsyn: «Osy tarmaqtyń 3) tarmaqshasynyń kúshi osy baptyń 4-tarmaǵynda kórsetilgen Memlekettik shekarany kesip ótý jaǵdaı­laryna qoldanylmaıdy.»; mynadaı mazmundaǵy 4-tarmaqpen tolyqtyrylsyn: «4. Qurylyqtyq qaırań ústindegi sý keńistiginde ornalasqan qalqymaly qonaqúılerdi qosa alǵanda, Qazaqstan Respýblıkasynyń aýmaǵynan jasandy araldarǵa, qondyrǵylar men qurylystarǵa, qalqymaly burǵylaý qondyrǵylaryna ne qalqymaly qonaqúılerdi qosa al­ǵanda, kórsetilgen jasandy araldardan, qondyrǵylar men qurylystardan, qalqymaly burǵylaý qondyrǵylarynan Qazaqstan Respýblıkasynyń aýmaǵyna adamdardy, júkter men taýarlardy jet­kizýdi júzege asyratyn qazaqstandyq áýe kemeleri Qazaqstan Respýblıkasynyń Úkimeti belgilegen tártippen shekaralyq, kedendik baqylaýdan (kemelerdiń kelýimen (ketýimen) baılanysty kedendik operasııalardy júrgizý bóliginde) jáne baqylaýdyń ózge de túrlerinen ótpeı, Memlekettik shekarany bólingen áýe dálizderinen tys birneshe márte kesip óte alady. Adamdardy, kemelerdi qutqarý qajettiliginen ne basqa da tótenshe jaǵdaılardan týyndaǵan, qazaqstandyq áýe kemesiniń komandıri bul týraly Qazaqstan Respýblıkasy Ulttyq qaýipsizdik komıtetiniń Shekara qyzmetin, sondaı-aq azamattyq jáne memlekettik avıasııa salasyndaǵy ýákiletti organdardy dereý habardar etetin kezderdi qospaǵanda, kórsetilgen qazaqstandyq áýe kemelerine shet memleketterdiń áýe keńistigine ushyp kirýge, Qazaqstan Res­pýblıkasynyń aýmaǵynan ketken kezde shekaralyq baqylaýdan ótken adamdardy, sondaı-aq Qazaqstan Respýblıkasynyń aýmaǵyna kelgen kezde shekaralyq baqy­laýdan ótpegen adamdardy otyrǵyzýǵa (bortqa alýǵa), Qazaqstan Respýblıkasynyń aýmaǵynan ketken kezde olarǵa qatysty shekaralyq jáne kedendik baqylaý júzege asyrylǵan kemelerge (kemelerden), sondaı-aq Qazaqstan Respýblıkasynyń aýmaǵyna kelgen kezde shekaralyq jáne kedendik baqylaý júzege asyrylmaǵan kemelerge (kemelerden) kez kelgen júkterdi, taýarlardy, valıýtany, janýarlardy tıeýge (túsirýge) tyıym salynady. Qazaqstan Respýblıkasynyń aýmaǵy men qurylyqtyq qaırań ústindegi sý keńistiginde ornalasqan jasandy araldar, qondyrǵylar men qurylystar, qalqymaly burǵylaý qondyrǵylary, qalqymaly qonaqúıler arasyndaǵy ushýlardy oryndaǵan kezde áýe kemeleriniń Qazaqstan Respýblıkasynyń aýmaǵynan ushyp shyǵýy jáne Qazaqstan Respýblıkasynyń aýmaǵyna qonýy Qazaqstan Respýblıkasynyń áýeaılaqtarynan, tikushaq aılaqtarynan jáne qoný alańdarynan, onyń ishinde halyqaralyq ushýlar úshin ashylmaǵandarynan júrgizilýi múmkin.»; 3) 53-baptyń 3-tarmaǵy alyp tastalsyn; 4) 55-bap mynadaı mazmundaǵy 12-1) tarmaqshamen tolyqtyrylsyn: «12-1) qurylyqtyq qaırańda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tar­tylǵan qazaqstandyq jáne sheteldik teńiz kemeleri men qazaqstandyq áýe kemeleriniń Memlekettik shekarany birneshe márte kesip ótýine ruqsattar berý tártibin, ruq­sattardy qoldanýdyń keńistiktik jáne ýaqyttyq shekterin, sondaı-aq kórsetilgen kemelerge baqylaýdy júzege asyrý tártibin aıqyndaıdy;»; 5) 62-bap mynadaı mazmundaǵy 1-1-tar­maqpen tolyqtyrylsyn: «1-1. Munaı jáne gaz salasyndaǵy ýákiletti organ qurylyqtyq qaırańda orna­­­las­qan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri men qazaqstandyq áýe kemeleriniń Memlekettik shekarany birneshe márte kesip ótýine ruqsattar berý tártibin, ruqsattardy qoldanýdyń keńistiktik jáne ýaqyttyq shekterin, sondaı-aq kórsetilgen kemelerge baqylaýdy júzege asyrý tártibin ázirleıdi.». 2-bap. Osy Zań alǵashqy resmı ja­rııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń  Prezıdenti N. NAZARBAEV Astana, Aqorda, 2016 jylǵy 25 sáýir № 505-V QRZ