«Biz – qazaqstandyqtarmyz! Biz – Úlken El, Úlken Otbasymyz. Qazaqstannyń máńgilik mekeni – Uly Dala eline bata qonyp, baq darysyn! Keń-baıtaq jerimiz, darqan elimiz bar. Qoldaımyz, qorǵaımyz. Bul sózderdi árqashanda maqtanyshpen aıtamyz. Qazaqstan halqy Assambleıasynyń sessııasy- Patrıottyq akti qabyldaý arqyly beıbitshiliktiń jańa kezeńine qadam jasady», – dedi Elbasy Nursultan Nazarbaev Beıbitshilik jáne kelisim saraıynda ótken Qazaqstan halqy Assambleıasynyń «Táýelsizdik. Kelisim. Bolashaǵy birtutas ult» taqyrybynda ashylǵan XXIV sessııasynda.
Iá, Elbasynyń «Máńgilik El» ıdeıasy – árbir qazaqstandyqtyń, árbir qazaq balasynyń júreginde dep oılaımyn. Bul patrıottyq sezimdi jas urpaqtyń sanasyna sińirý, árıne, bizdiń úlkenderdiń maqsaty. Bul elimizdiń aldaǵy bolashaǵyna degen patrıottyq senimniń beriktigine búginnen-aq negiz bola alady. Astanadaǵy Beıbitshilik jáne kelisim saraıynda Qazaqstan halqy Assambleıasynyń Tóraǵasy Nursultan Nazarbaevtyń tóraǵalyǵymen «Táýelsizdik. Kelisim. Bolashaǵy birtutas ult» atty mártebeli jıyndy buqaralyq aqparat quraldary arqyly kórip bilip, tyńdap otyrdyq. Assambleıa XXIV sessııasynyń qorytyndysy boıynsha «Máńgilik El» jalpyulttyq patrıottyq aktisi da jarııa etildi. Biz memlekettik tildi qoǵamdy biriktirýdiń negizi, úshtildilikti Eldiń básekege qabilettiliginiń basty sharty retinde damytý qaǵıdatyn ustanatyn bolamyz. Osy alqaly jıynda Elbasy taǵy da jaqsy, salıqaly, árbir qazaqtyń júregine jetetin oıly, oılantatyn sózder aıtty. Jerdiń mıras ekenin jetkizdi. Máńgilik El degen urpaqtan urpaqqa, atadan balaǵa, nemere, shóberege jalǵasatyn Uly Dala joly ekenin eske saldy.
«Búgingi Qazaqstan halqy Assambleıasynyń sessııasy esimizde saqtalady dep oılaımyn, óıtkeni bul kúnnen bastap elimizdegi beıbitshilik pen kelisimniń jańa kezeńi ashylady. Biz «Máńgilik El» patrıottyq aktisin saltanatty jaǵdaıda qabyldadyq. Sol úshin, osynaý tarıhı sheshim qabyldaǵandaryńyz úshin alǵysymdy bildirgim keledi», – dedi Elbasy.
Jalpy, Patrıottyq akti mazmunynda aıtylǵandaı, Elbasymyzdyń kóshbasshylyǵymen elimizdiń jańa tarıhyn jazýdyń bıik mártebesi men jaýapkershiligi bizdiń urpaqtyń úlesine tıdi. Qazir bizdiń qýatty elimiz bar, bizder sol eldiń azamatymyz dep qaı jerde bolsaq ta maqtanyshpen aıta alatyn kúnge de jettik. О́ıtkeni, bizder ártúrli ult ókilderi bas qosyp, bir el, bir taǵdyr jolynda Bolashaǵy Birtutas El – Máńgilik Eldi qurý jolynda birge kele jatyrmyz. Árkim óz Otbasynyń amandyǵyn saqtaıdy, sol arqyly úlken memleketke qorǵan bolady. Ultymyzǵa tán qonaqjaılyq jáne eńbeksúıgishtik qasıetteri, jalpy ǵalamdyq turaqtylyq, qaýipsizdik jáne birlik, erteńgi kúnge degen senim uǵymdarymen qosylyp nyǵaıary sózsiz. Máńgilik El – urpaqtan urpaqqa amanat ekeni onsyz da túsinikti. Keleshek urpaq, ósip kele jatqan sábı qulaǵynda Máńgilik El, Táýelsizdik, Astana degen sózder júretinimen de baqytty. Astanamen maqtanady. Jalpy, Otansúıgishtik, Máńgilik El, Jalpyulttyq birlik, beıbitshilik pen kelisim maqsaty – bizdiń kúndelikti jumysymyzben árqashan birge ǵoı.
Naýryz aıynda qalamyzǵa «Meniń Qazaqstanym» poıyzy aıaldady. «Nur Otan» partııasy qalalyq bólimshesinde ótken dóńgelek ústelge qalalyq jáne aýdandyq etnomádenı birlestikterdiń basshylary men músheleri, úkimettik emes uıymdardyń ókilderi qatysty. Bul kúnderi «Nur Otan» partııasy qalalyq fılıalynda 11850 múshe bar bolsa, 55 bastaýysh uıymy jumys atqarýda. Partııaǵa múshelerdiń deni – kenshiler, jumysshylar. Olar qalamyzda ornalasqan Aqsý ferroqorytpa zaýyty men «Eýroazııalyq energetıkalyq korporasııasy» AQ-ta eńbek etedi. Búginde partııanyń qalalyq fılıaly jyldyq josparǵa sáıkes jumys atqarýda. Atap ótsek, ártúrli salalarǵa baǵyttalǵan 12 joba júzege asyrylýda. Olarǵa qalalyq máslıhat depýtattary jetekshilik etedi. Máńgilik El, bul – Innovasııa negizindegi turaqty Ekonomıkalyq ósim degen osy. Kenshiler men energetıkter qalasy elimizdiń ındýstrııalyq jáne ınnovasııalyq kúsh-qýatynyń damýyna úles qosýda. Barlyq tabıǵı resýrstar men qorshaǵan ortaǵa uqyptylyqpen qarap eńbek etýde. Máńgilik El, bul – Jalpyǵa Ortaq Eńbek Qoǵamy bolsa, elimizdiń barlyq tabystary men jetistikteri qazaqstandyqtardyń kún saıynǵy eńbekteriniń nátıjesi ekeni belgili. О́ıtkeni, elimizde Eńbek Adamyna degen qurmet saqtalǵan.
Sonymen qatar, Elbasy osynaý akti arqyly barsha qazaqstandyqtardyń dostyq, beıbitshilik pen kelisimniń biryńǵaı qujaty qabyldanǵanyn atap ótti. «Patrıottyq aktide uly qundylyqtar qamtylyp otyr. Ondaı qundylyqtar – bizdiń halqymyzdyń erik-jigeriniń, dana sheshiminiń kórinisi. Akt kabınetterde oılastyrylǵan qujat emes, ol – Táýelsizdigimizdiń jemisi», – dedi Elbasy. Biz osyǵan qýanamyz.
Aıdos ORAZALIN,
«Nur Otan» partııasy qalalyq fılıaly tóraǵasynyń
orynbasary
Pavlodar oblysy,
Aqsý qalasy