Elbasy Nursultan Nazarbaev Saýd Arabııasy Koroldiginiń Syrtqy ister mınıstri Ádil ál-Jýbeırdi qabyldady, dep habarlady Prezıdenttiń baspasóz qyzmeti.
Kezdesý barysynda saýda-ekonomıka, qarjy-ınvestısııa, munaı hımııasy jáne mádenı-gýmanıtarlyq salalardaǵy ekijaqty qarym-qatynasty nyǵaıtý máseleleri talqylandy.
Nursultan Nazarbaev Saýd Arabııasynyń Qazaqstanǵa táýelsizdiktiń alǵashqy kúnderinen bastap-aq qoldaý kórsetip kele jatqanyn atap ótti.
Eki eldiń túrli saladaǵy jemisti yqpaldastyǵyna nazar aýdarǵan Memleket basshysy ekonomıkalyq yntymaqtastyqty kúsheıtý qajettigin aıtty.
Qazaqstan Prezıdenti, sondaı-aq, eki eldiń uzaq merzimdi damý strategııalarynda belgilengen strategııalyq maqsattardyń uqsastyǵyn alǵa tartty.
Á.ál-Jýbeır Qazaqstan men Saýd Arabııasynyń arasyndaǵy qarym-qatynastardy odan ári nyǵaıtýǵa kúsh salýdyń mańyzdylyǵyna toqtaldy.
Sonymen qatar, ol bizdiń eldiń Islam álemin órkendetýdegi eleýli róline nazar aýdardy.