Shymkentte memleket-jekemenshik áriptestik aıasynda alǵashqy túrme salynady. Bul bastamany Ishki ister mınıstrligi kóterdi. Vedomstvonyń qylmystyq-atqarý júıesi komıteti tóraǵasynyń orynbasary Meıram Aıýbaevtyń aıtýynsha, túrme salý úshin Shymkentten jer ýchaskesi bólingen.
Ol 1 500 adamǵa eseptelgen.
–Túrme memleket-jekemenshik áriptestik aıasynda salynady. Onyń qurylysy jospar boıynsha 2017 jyly bastalady. Bul mekemede barlyq rejimder bolýy múmkin, – deıdi ol.
Sonymen birge, elimizdiń bes oblysynda memleket-jekemenshik áriptestik aıasynda jekemenshik túrme salý úshin ýchaskeler bólý jaıy qarastyrylyp jatqanyn, olar ınvestorlardyń kómegimen salynatynyn aıtty.
Alaıda, túrme salýǵa qansha aqshanyń qarastyrylyp otyrǵany belgisiz. Shymkentte salynatyn túrmeniń qurylysyna da jumsalatyn aqshanyń kólemi aıtylmaıdy.
Rústem JUMAN