Máńgilik El bolýdyń qadamdary

Táýelsizdik. Kelisim. Bolashaǵy birtutas ult

«Máńgilik Elge» aparatyn basty qundylyqtar, mine, osylar

Qazaqstan halqy Assam­bleıasynyń HHIV sessııasynyń jumysyn teledıdardan kórip, júregimizge taǵy da jylylyq uıalady. Bıylǵy sessııanyń negizgi taqyryby –«Táýelsizdik. Kelisim. Bolashaǵy Birtutas Ult» dep atalýynyń ózi elimizdegi birlik pen tatýlyqtyń tuǵyryn bekite túsetin tyń qaǵıdattardyń alǵa tartylatynyn aıǵaqtaǵan-dy. Sessııada qabyldanǵan «Máńgilik El» Patrıottyq aktisiniń ár qazaqstandyqtyń boıynda erteńgi kúnge degen senimdi nyǵaıta túskenin aıtý lázim. Onda Elbasynyń mańyna toptasý arqyly bizdiń uly jetistikterge jetkenimiz aıtyldy. «Máńgilik Eldiń ózeginde qarapaıym, túsinikti jáne bizdiń árqaısymyz úshin eń qymbatty aqıqattar – otbasymyzdyń amandyǵy, qonaqjaılyq jáne eńbeksúıgishtik, turaqtylyq, qaýipsizdik jáne birlik, erteńgi kúnge degen senim uǵymdary ornyqqan» delinýiniń ózi egemen elimizdiń barsha qazaqstandyqtardyń ba­qyt­ty ómiri úshin qoldan kelgenniń barlyǵyn jasaýǵa baǵyt ustaǵanyn kórsetedi. Máńgilik Eldiń myzǵymas jeti tuǵyryn nyǵaıtýǵa, saqtaýǵa jáne urpaqtan urpaqqa amanat etýge shaqyrýy da oryndy. Patrıottyq akti bizdi Táýelsizdik pen Astanany qurmetteýge, jalpyulttyq birlik, beıbitshilik pen kelisimge jetýge, ınnovasııalar negizindegi turaqty ekonomıkalyq ósimge, jalpyǵa ortaq eńbek qoǵamyn qurýǵa, tarıhtyń, mádenıet pen tildiń ortaqtyǵyna, zaıyrly memleket pen joǵary rýhanııat qurýǵa shaqyrady. Biz ár isimizde Máńgilik Eldiń qasterli qundylyqtaryn basshylyqqa alýymyz kerektigi eske salynady. Bul osynaý álem tynyshsyzdaý kezde óte kerek qaǵıdattar ekeni sózsiz.

Elbasy N.Nazarbaev Qazaqstan halqy Assambleıasynyń HHIV sessııasynda sóılegen sózinde «Biz jańa belesterge qaraı ilgeri basqan qadamymyzdyń durystyǵyn kompas­pen teksergendeı, Pat­rıottyq akti ar­qyly anyqtaıtyn bolamyz, dep atap ótti. Keńester Odaǵy ydyrap, odaqtas res­pýblıkalar óz aldyna táýelsizdik alǵan tusta Qazaqstandy mekendegen ulttardyń birsypyrasy tarıhı otanyna atbasyn burǵany shyndyq. Solardyń biri bizdiń otbasymyz. Biz de tarıhı otanymyz Chehııaǵa qonys aýdardyq, biraq, shyny kerek, jersinbedik, keıin qaıtýǵa týra keldi. Qazaq jeri asyǵys sheshim qabyldap, aǵattyq jasaǵan bizdi keýdeden ıtergen joq, qaıta, kelgenderiń qandaı jaqsy boldy dep qýana qarsy aldy. Qazaqstannyń qadirin ózge elge shyqqanda aıqyn ańǵarady ekensiń. Bizdegi adamdardyń bir-birine degen qaıyrymdylyǵyna, qam­qorlyǵyna tánti bolasyń. Shyny kerek, árisin aıtpaǵanda, kúni keshe aralas-quralas bolǵan TMD memleketterinde de bizdiń eldegideı birlik pen dostyq nıet baıqala bermeıdi. Bizdegi yntymaq pen birliktiń basy qazaqstandyq qaıyrymdylyq qasıetterden arna tartady. Qazaqstan shyn máninde Máńgilik El bolýǵa quqyly memleket. Bizdiń barlyq turmys-tir­shiligimiz, salt-dástúrimiz, minez-qulqymyz týǵan jerimizden, osynda turatyn halyqtardyń ortaq qazynasynan tamyr tartatynyn sol jaqta anyq ańǵardyq. Sóıtip, ózimiz ósken, sanaly ǵumyrymyz ótken týǵan jerge taban tiredik. Tarıhı otanyna qonys aý­darǵan 25 cheh otbasynyń bizben birge 15-i Aqtóbege qaıta oraldy. Barlyq tanystar, ár ulttyń ókilderinen turatyn dostar qoldan kelgen kómegin berdi, qoldaý kórsetti. Jergilikti bılik te bizdiń ornyǵyp ketýimizge barlyq jaǵdaıdy jasady. О́zim munda kelgen boıda cheh etnomádenı birlestiginiń jumysyn qolǵa aldym. Qazir Dostyq úıindegi 19 etnomádenı birlestiktermen birge óńirdegi yntymaqtastyq pen tatýlyqty, birlik pen tu­raq­tylyqty nyǵaıtýǵa, óz ulty­myzdyń mádenıetin, tilin, salt-dástúrin damytýǵa úles qosyp kelemiz. Biz Máńgilik El bolýdyń sátti qadamdaryn sezinip kelemiz. Barsha qazaqstandyqtar bir­lik pen kelisim bar elde tura­tynymyzdy maqtanysh tutamyz. Elimizde jyl ótken saıyn ómir deńgeıi artyp keledi. Osynyń barlyǵy Elbasy N.Nazarbaevtyń sarabdal saıa­satynyń arqasy ekeni sózsiz. Prezıdent qashanda Máńgilik El bolýdyń basty qaǵıdaty ózara túsinistik pen kelisim, tatýlyq pen turaqtylyq ekenin jadymyzda jańǵyrtyp, sol baǵytta júıelijumys júrgizip keledi. Ony kúndelikti ómirde aıqyn sezinýdemiz desem, artyq aıtqandyq bolmas, sirá.  Valentına PESTRÝ, cheh etnomádenı birlestiginiń tóraıymy Aqtóbe oblysy