2015 jylǵy 19 jeltoqsan, Almaty qalasy
Qazaqstan Respýblıkasynyń ulttyq valıýtasynyń aınalystaǵy aqsha belgileriniń dızaıny (nysany) ózgergen kezde, olardy aýystyrý qaǵıdalaryn bekitý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes, aqsha belgilerin qoldan jasaýdan qorǵaý jónindegi sharalardy qabyldaý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Qazaqstan Respýblıkasynyń ulttyq valıýtasynyń aınalystaǵy aqsha belgileriniń dızaıny (nysany) ózgergen kezde olardy aýystyrý qaǵıdalary bekitilsin.
2. Osy qaýlynyń qosymshasyna sáıkes Qazaqstan Respýblıkasynyń normatıvtik quqyqtyq aktileriniń kúshi joıyldy dep tanylsyn.
3. Qolma-qol aqsha aınalysy departamenti (Balahmetov A.A.) zańnamada belgilengen tártippen:
1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi;
2) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin.
4. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde erzimdi baspasóz basylymdarynda resmı jarııalaýǵa jiberýdi qamtamasyz etsin.
5. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary D.T. Ǵalıevaǵa júktelsin.
6. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy D.AQYShEV
Qazaqstan Respýblıkasy Ulttyq Banki Basqarmasynyń
2015 jylǵy 19 jeltoqsandaǵy № 228 qaýlysyna qosymsha
Qazaqstan Respýblıkasynyń kúshi joıylǵan normatıvtik quqyqtyq aktileriniń tizbesi
1. Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysy (Normatıvtik quqyqtyq aktilerdi memlekettik tirkeý tiziliminde № 1232 tirkelgen, 2000 jylǵy 29 tamyzda «Egemen Qazaqstan» gazetinde № 211 (22481) jarııalanǵan).
2. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Banki Basqarmasynyń 2000 jylǵy 20 shildedegi № 301 qaýlysymen bekitilgen Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesine ózgeristi bekitý týraly» 2001 jylǵy 29 qyrkúıektegi № 376 qaýlysy (Normatıvtik quqyqtyq aktilerdi memlekettik tirkeý tiziliminde № 1671 tirkelgen, 2001 jylǵy 5-18 qarashada «Qazaqstan Ulttyq Bankiniń Habarshysy» jýrnalynda № 23 (220) jarııalanǵan).
3. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ádilet mınıstrliginde № 1232 tirkelgen Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgeris engizý týraly» 2003 jylǵy 25 shildedegi № 234 qaýlysy (Normatıvtik quqyqtyq aktilerdi memlekettik tirkeý tiziliminde № 2457 tirkelgen, 2003 jylǵy 5 qyrkúıekte «Egemen Qazaqstan» gazetinde № 229-230(23529) jarııalanǵan).
4. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgerister engizý týraly» 2004 jylǵy 29 jeltoqsandaǵy № 202 qaýlysy (Normatıvtik quqyqtyq aktilerdi memlekettik tirkeý tiziliminde № 3392 tirkelgen, 2005 jylǵy 2 aqpanda «Egemen Qazaqstan» gazetinde № 21 (23979) jarııalanǵan).
5. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna tolyqtyrýlar men ózgerister engizý týraly» 2006 jylǵy 25 shildedegi № 69 qaýlysy (Normatıvtik quqyqtyq aktilerdi memlekettik tirkeý tiziliminde № 4343 tirkelgen, 2006 jylǵy 1 qyrkúıekte «Zań gazeti» gazetinde № 158 (964) jarııalanǵan).
6. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgerister engizý týraly» 2006 jylǵy 27 qazandaǵy № 113 qaýlysy (Normatıvtik quqyqtyq aktilerdi memlekettik tirkeý tiziliminde № 4448 tirkelgen, 2006 jylǵy 1-30 qarashada «Qazaqstan Ulttyq Bankiniń Habarshysy» jýrnalynda № 21 22 jarııalanǵan).
7. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgerister engizý týraly» 2011 jylǵy 26 jeltoqsandaǵy № 212 qaýlysy (Normatıvtik quqyqtyq aktilerdi memlekettik tirkeý tiziliminde № 7388 tirkelgen, 2012 jylǵy 26 qańtarda «Egemen Qazaqstan» gazetinde № 37-38 (27110) jarııalanǵan).
Qazaqstan Respýblıkasy Ulttyq Banki Basqarmasynyń
2015 jylǵy 19 jeltoqsandaǵy № 228 qaýlysymen bekitilgen
Qazaqstan Respýblıkasynyń ulttyq valıýtasynyń aınalystaǵy
aqsha belgileriniń dızaıny (nysany) ózgergen kezde, olardy aýystyrý qaǵıdalary
1. Jalpy erejeler
1. Osy Qazaqstan Respýblıkasynyń ulttyq valıýtasynyń aınalystaǵy aqsha belgileriniń dızaıny (nysany) ózgergen kezde olardy aýystyrý qaǵıdalary (budan ári – Qaǵıdalar) «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń aınalystaǵy ulttyq valıýtasy aqsha belgileriniń (budan ári – aqsha belgileri) dızaıny (nysany) ózgergen kezde olardy aýystyrý tártibin aıqyndaıdy.
2. Qaǵıdalar jańa úlgidegi aqsha belgilerin aınalysqa shyǵarý talaptaryn, eski jáne jańa úlgidegi aqsha belgileriniń aınalysta qatar júrý kezeńin, eski úlgidegi aqsha belgileriniń aınalysta júrýin aıaqtaýdy qamtıdy.
3. Qaǵıdalarda mynadaı uǵymdar paıdalanylady:
1) aqsha belgisiniń dızaınyn (nysanyn) ózgertý – grafıkalyq beınelerin, mátinin ózgertý jáne engizý, qoldan jasaýdan qorǵaýdyń, mólsherin, nysanyn, túsin, bastapqy materıaldaryn jáne aqsha belgisiniń basqa da belgilerin ózgertýdiń qosymsha elementterin engizý;
2) bankter – Qazaqstan Respýblıkasynyń ekinshi deńgeıdegi bankteri;
3) eski úlgidegi aqsha belgileri – dızaınynyń (nysanynyń) ózgerýine baılanysty aınalystan alýǵa jatatyn aınalystaǵy aqsha belgileri;
4) jańa úlgidegi aqsha belgileri – aınalysqa shyǵarylatyn, burynǵy dızaınǵa (nysanǵa) qaraǵanda jańa erekshelenetin belgisi bar aqsha belgileri;
5) Qazaqstan Respýblıkasy Ulttyq Bankiniń fılıaldary – Qazaqstan Respýblıkasy Ulttyq Bankiniń aýmaqtyq fılıaldary jáne Qazaqstan Respýblıkasy Ulttyq Bankiniń Kassalyq operasııalar jáne qundylyqtardy saqtaý ortalyǵy (fılıaly);
6) Ulttyq pochta operatory – Úkimettiń sheshimi boıynsha qurylǵan aksıonerlik qoǵam, onyń jalǵyz aksıoneri ulttyq basqarýshy holdıng bolyp tabylady, oǵan pochta baılanysynyń ámbebap qyzmetterin, arnaıy baılanys qyzmetterin jáne qarjylyq qyzmetterdi kórsetý jáne qarjylyq qyzmetti júzege asyrý jónindegi mindettemeler júktelgen.
2. Jańa úlgidegi aqsha belgilerin aınalysqa shyǵarý
4. Eski úlgidegi aqsha belgileriniń dızaınyna (nysanyna) ózgeristerdiń engizilýine baılanysty jańa úlgidegi aqsha belgilerin aınalysqa shyǵarý týraly sheshimdi Qazaqstan Respýblıkasy Ulttyq Bankiniń Basqarmasy qabyldaıdy.
5. Aınalystaǵy eski úlgidegi aqsha belgilerin jańa úlgidegi aqsha belgilerine aýystyrǵan kezde Qazaqstan Respýblıkasynyń Ulttyq Banki (budan ári – Ulttyq Bank):
1) merzimdi baspasóz basylymdarynda Ulttyq Bank Basqarmasynyń aınalystaǵy eski úlgidegi aqsha belgilerin jańa úlgidegi aqsha belgilerine aýystyrý týraly qaýlysyn jarııalaıdy;
2) merzimdi baspasóz basylymdarynda, tele-, radıoarnalarda Ulttyq Banktiń aınalystaǵy eski úlgidegi aqsha belgilerin jańa úlgidegi aqsha belgilerine aýystyrý týraly resmı habaryn ornalastyrady.
Ulttyq Banktiń aınalystaǵy eski úlgidegi aqsha belgilerin jańa úlgidegi aqsha belgilerine aýystyrý týraly resmı habarynda:
1) jańa úlgidegi aqsha belgisin aınalysqa engizý kúni, onyń nomınaly jáne dızaınynyń (nysanynyń) qysqasha sıpattamasy;
2) jańa úlgidegi aqsha belgisin aınalysqa engizgen kúnnen bastap jańa jáne eski úlgidegi aqsha belgileriniń aınalysta qatar júrý kezeńi, sondaı-aq eski úlgidegi aqsha belgilerin jańa úlgidegi aqsha belgilerine aýystyrý tártibi;
3) eski úlgidegi aqsha belgileri Qazaqstan Respýblıkasynyń aýmaǵynda zańdy tólem quraly bolýdan qalǵan kúnnen bastap jańa jáne eski úlgidegi aqsha belgileriniń aınalysta qatar júrý kezeńi aıaqtalǵan kúni qamtylady.
6. Ulttyq Bank Basqarmasynyń aınalystaǵy eski úlgidegi aqsha belgilerin jańa úlgidegi aqsha belgilerine aýystyrý týraly qaýlysy qoldanysqa engizilgen kúnnen bastap Ulttyq Bank Ulttyq Banktiń fılıaldaryna, bankterge, Ulttyq Banktiń Reseı Federasııasyndaǵy ókildigine, shet elderdiń ortalyq (ulttyq) bankterine jáne Halyqaralyq qylmystyq polısııa uıymyna (Interpol) aınalystaǵy aqsha belgilerin aýystyrý merzimderi týraly aqparatty nazarda ustaý úshin jiberedi.
3. Eski jáne jańa úlgidegi aqsha belgileriniń aınalysta qatar júrý kezeńi
7. Eski jáne jańa úlgidegi aqsha belgileriniń aınalysta qatar júrý kezeńin Ulttyq Bank Basqarmasy belgileıdi.
8. Aınalysta qatar júrý kezeńinde eski jáne jańa úlgidegi aqsha belgileri Qazaqstan Respýblıkasynyń búkil aýmaǵynda barlyq tólemder men aýdarymdar túrleri boıynsha, sondaı-aq bank shottaryna esepteý úshin olardyń belgilengen quny boıynsha qabyldanýǵa mindetti zańdy tólem quraly bolyp tabylady, Ulttyq Banktiń barlyq fılıaldarynda, Ulttyq pochta operatorynda jáne bankterde shekteýsiz usaqtalady jáne aıyrbastalady.
4. Eski úlgidegi aqsha belgileriniń aınalysyn aıaqtaý
9. Jańa jáne eski úlgidegi aqsha belgileriniń Ulttyq Bank belgilegen aınalysta qatar júrý kezeńi aıaqtalǵan soń eski úlgidegi aqsha belgileri Qazaqstan Respýblıkasynyń búkil aýmaǵynda aınalystan alynady. Eski úlgidegi aqsha belgileri Qaǵıdalardyń 10, 11, 12-tarmaqtarynda belgilengen tártippen aýystyrýǵa jatady.
10. Bankter jáne ulttyq pochta operatory jańa jáne eski úlgidegi aqsha belgileriniń aınalysta qatar júrý kezeńi aıaqtalǵan kúnnen bastap 12 (on eki aı) ishinde:
1) zańdy jáne jeke tulǵalardan eski úlgidegi aqsha belgilerin qabyldaıdy jáne jańa úlgidegi aqsha belgilerine aýystyrady;
2) qolyndaǵy eski úlgidegi aqsha belgilerin Ulttyq Banktiń fılıaldaryna ótkizedi.
11. Qaǵıdalardyń 10-tarmaǵynda belgilengen merzim ótkennen keıin bankter jáne ulttyq pochta operatory:
1) eski úlgidegi aqsha belgilerin jańa úlgidegi aqsha belgilerine aýystyrmaıdy;
2) 5 (bes) operasııalyq kún ishinde operasııalyq kassadaǵy eski úlgidegi aqsha belgileriniń qaldyqtaryn Ulttyq Banktiń fılıaldaryna ótkizedi.
12. Ulttyq Banktiń fılıaldary Qaǵıdalardyń 10-tarmaǵynda belgilengen merzim ótkennen keıin 3 (úsh) jyl ishinde jeke jáne zańdy tulǵalardan eski úlgidegi aqsha belgilerin qabyldaıdy jáne olardyń túpnusqalyǵy «Qazaqstan Respýblıkasy ulttyq valıýtasynyń banknottary men monetalarynyń tólemdiligin aıqyndaý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń 2003 jylǵy 26 jeltoqsandaǵy № 477 qaýlysyna (Normatıvtik quqyqtyq aktilerdi memlekettik tirkeý tiziliminde № 2689 tirkelgen) sáıkes rastalǵannan keıin jańa úlgidegi aqsha belgilerine aýystyrady.
13. Qaǵıdalardyń 12-tarmaǵynda belgilengen, zańdy jáne jeke tulǵalardan eski úlgidegi aqsha belgilerin qabyldaý jáne jańa úlgidegi aqsha belgilerine aýystyrý merzimin uzartý týraly sheshimdi Ulttyq Bank Basqarmasy qabyldaıdy.
Buıryq Qazaqstan Respýblıkasynyń Ádilet mınıstrliginde 2016 jylǵy 28 qańtarda Normatıvtik quqyqtyq kesimderdi memlekettik tirkeýdiń tizilimine №12946 bolyp engizildi.