2015 jylǵy 24 aqpan, Astana qalasy
«Temeki buıymdaryn tutyný úshin arnaıy bólingen oryndardy jabdyqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 159-babynyń 7-tarmaǵyna sáıkes buıyramyn:
1. Qosa berilip otyrǵan «Temeki buıymdaryn tutyný úshin arnaıy bólingen oryndardy jabdyqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq ekonomıka mınıstriniń mindetin atqarýshy M.QUSAIYNOV
«KELISILGEN»
Qazaqstan Respýblıkasynyń Densaýlyq saqtaý jáne áleýmettik damý mınıstri
_____________T.DÚISENOVA
2015 jylǵy 6 sáýir
Qazaqstan Respýblıkasy Ulttyq ekonomıka mınıstriniń mindetin atqarýshynyń
2015 jylǵy 24 aqpandaǵy №122 buıryǵymen bekitilgen
«Temeki buıymdaryn tutyný úshin arnaıy bólingen oryndardy jabdyqtaýǵa qoıylatyn
sanıtarııalyq-epıdemıologııalyq talaptar» sanıtarııalyq qaǵıdalary
1. Osy «Temeki buıymdaryn tutyný úshin arnaıy bólingen oryndardy jabdyqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalary (budan ári – Sanıtarııalyq qaǵıdalar) Qazaqstan Respýblıkasynyń 2009 jylǵy 18 qyrkúıektegi «Halyq densaýlyǵy jáne densaýlyq saqtaý júıesi týraly» Kodeksiniń 159-babynyń 7-tarmaǵyna sáıkes ázirlendi.
2. Temeki buıymdaryn tutyný úshin arnaıy bólingen oryndardy tútinmen lastanǵan aýanyń japsarlas úı-jaılarǵa enýine kedergi keltiretin esikpen nemese osyǵan uqsas qurylǵymen jabdyqtalǵan jeke úı-jaılarda ornalastyrady.
Temeki buıymdaryn tutyný úshin arnaıy bólingen oryndar kabınalar túrinde ornalastyrylýy múmkin.
3. Temeki buıymdaryn tutyný úshin arnaıy bólingen oryndardyń syrtqy jaǵynda «Temeki buıymdaryn tutynýǵa arnalǵan oryn» degen jazba nemese belgi ornalastyrylady.
4. Temeki buıymdaryn tutyný úshin arnaıy bólingen oryndarda sýsyndar jáne tamaq ishýge jol berilmeıdi.
5. Temeki buıymdaryn tutyný úshin arnaıy bólingen oryndar:
1) lastanǵan aýanyń japsarlas úı-jaılarǵa enýine kedergi keltiretin, temeki tútinin oqshaýlap shyǵarýdy qamtamasyz etetin, jeldetýdiń jalpy syrtqa taratý júıesinen bólek, mehanıkalyq iske qosylatyn ishke sorý-syrtqa taratý jeldetkish júıesimen;
2) kúlsalǵyshtarmen jáne (nemese) tuqyldardy jınaýǵa arnalǵan arnaıy ýrnalarmen jabdyqtalady. Tuqyldar men sirińkelerdi sóndirýdi qamtamasyz etý maqsatynda ýrnalardy qummen jáne basqa da janbaıtyn sińirgish materıaldarmen toltyrýǵa jol beriledi.
6. Temeki buıymdaryn tutyný úshin arnaıy bólingen oryndarda jýý jáne dezınfeksııalaý quraldaryn qoldana otyryp, kúndelikti ylǵaldy jınaý júrgiziledi. Ýrnalar men kúlsalǵyshtar kún saıyn jáne tolýyna qaraı tuqyldardan jáne qoqystan bosatylady, jýý jáne dezınfeksııalaý quraldaryn qoldana otyryp kúndelikti jýylady.
7. Temeki buıymdaryn tutyný úshin arnaıy bólingen oryndar temeki shekpeıtin adamdardyń temeki tútinimen baılanysyn boldyrmaý maqsatynda sanıtarııalyq-turmystyq úı-jaılardan oqshaýlanady.
8. Temeki buıymdaryn tutyný úshin arnaıy bólingen oryndarda kórinetin jerlerde jazbalar jáne (nemese) pıktogrammalar túrinde temeki buıymdaryn tutynýdyń zııany týraly, sýsyndar men tamaq ishýge tyıym salynatyny týraly aqparat ornalastyrylady, temeki buıymdaryn tutynýdyń zııany týraly aqparattyq materıal usynylady.
Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrdaǵy Normatıvtik quqyqtyq kesimderdi memlekettik tirkeýdiń tizilimine №10952 bolyp engizildi.