2015 jylǵy 26 aqpan, Astana qalasy
«Zırattarǵa jáne jerleý maqsatyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Zırattarǵa jáne jerleý maqsatyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıtet zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúnnen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
«KELISILGEN»
Qazaqstan Respýblıkasynyń Densaýlyq saqtaý jáne áleýmettik damý mınıstri
____________T. Dúısenova
2015 jylǵy 2 naýryz
Qazaqstan Respýblıkasy Ulttyq ekonomıka mınıstriniń
2015 jylǵy 26 aqpandaǵy №138 buıryǵymen bekitilgen
«Zırattarǵa jáne jerleý maqsatyndaǵy obektilerge qoıylatyn
sanıtarııalyq-epıdemıologııalyq talaptar» sanıtarııalyq qaǵıdalar
1. Negizgi erejeler
1. «Zırattarǵa jáne jerleý maqsatyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary (budan ári – Sanıtarııalyq qaǵıdalar) zırattardy paıdalanýǵa jáne kútip ustaýǵa, máıitterdi jerleýdi jáne qaıta jerleýdi uıymdastyrýǵa sondaı-aq jerleý maqsatyndaǵy obektilerge qoıylatyn sanıtarııalyq-epıdemıologııalyq talaptardy aıqyndaıdy.
2. Osy sanıtarııalyq qaǵıdalarda mynadaı termınder men anyqtamalar paıdalanyldy:
jerleý bıýrosy, jerleý qyzmetin kórsetetin bıýro-dúkender – azaly rásimder júrgizý úshin taýarlar ótkizý jáne qyzmet kórsetý jónindegi obektiler;
zırat – máıitterdi jerleý úshin arnaıy bólingen aýmaq;
zırattyq kezeń – máıitterdi mıneraldaý prosesteri aıaqtalatyn ýaqyt;
kómý (jerleý) – sanıtarııalyq, tabıǵatty qorǵaý, qala qurylysy jáne ózge de qaǵıdalar men normalarǵa qaıshy kelmeıtin, qaıtys bolǵan adamnyń tilegine, dinı senimine, ádet-ǵurypqa jáne salt-dástúrge sáıkes qaıtys bolǵan adamnyń denesin (súıegin) jerge (qabirge, tabytqa) jerleý nemese súıegi (kúli) bar ýrnany qabirge, tabytqa jerleý arqyly otqa jaǵý (kremasııalaý) boıynsha ádet-ǵuryp áreketteri;
súıek – máıittiń shirimegen qaldyqtary.
2. Zırattardy, jerleý maqsatyndaǵy obektilerdi jobalaýǵa
jáne paıdalanýǵa engizýge qoıylatyn sanıtarııalyq-epıdemıologııalyq talaptar
3.Zırattardy mynadaı:
1) sýmen jabdyqtaý kózderi men mıneraldy bulaqtardy sanıtarııalyq qorǵaný aımaqtarynyń birinshi jáne ekinshi beldeýleriniń;
2) kýrortttardy sanıtarııalyq qorǵanýdyń birinshi aımaǵynyń;
3) sý basatyn, syrǵymalarǵa jáne qulamalarǵa beıim, batpaqty ýchaskelerge;
4) sharýashylyq-turmystyq qajettilik, shomylý jáne basqa da mádenı-saýyqtyrý is-sharalary úshin halyq paıdalanatyn I jáne II sanattaǵy sý qoımalarynyń jaǵalaýlarynda;
5) kúıdirgi boıynsha stasıonarlyq qolaısyz pýnktterin;
6) gamma-sáýleniń tıimdi dozasynyń qýaty ashyq jerlerde doza qýatynan saǵatyna 0,2 mıkroZıvertten asatyn aýmaqtarda ornalastyrýǵa jol berilmeıdi.
4. Zırattar zırattyń qorshaýynan eseptegende:
1) birinshi turǵyn jáne qoǵamdyq ǵımarattarǵa, sporttyq-saýyqtyrý jáne sanatorlyq-kýrortty aımaqtarǵa deıin – keminde 300 metr;
2) sý kózin sanıtarııalyq qorǵaý aımaqtarynyń beldeýleri men súzý ýaqytyn esepteýlerimen araqashyqtyqtyń jetkiliktiligin rastaı otyryp, halyqty aýyzsýymen jabdyqtaý kózine deıin – keminde 1000 metr.
5. Jabyq zırattarǵa arnalǵan sanıtarııalyq qorǵaý aımaǵynyń kólemi zırattyq kezeń aıaqtalǵannan keıin de qysqartylmaıdy.
6. Jerleýdiń jalpy alańy zırattyń jalpy alańynyń 65-70 paıyzy qabyldanady.
7. Zıratqa arnalǵan ýchaskeniń turǵan orny jáne onyń kólemi eldi mekendi josparlaý jáne salý jobasynda zırat aýmaǵyn tikeleı ol jabylǵannan keıin saıabaq nemese baq salýǵa paıdalaný múmkindigin eskere otyryp kózdeledi.
8. Jerleý bıýrolary, jerleý qyzmetin kórsetetin bıýro-dúkender turǵyn jáne qoǵamdyq ǵımarattardan keminde 50 metr qashyqtyqta bólek turǵan ǵımarattarǵa ornalastyrylady.
9. Zırat aýmaǵy jáne jerleý qyzmetin kórsetetin ǵımarattarǵa kireberister qoqys jınaýǵa arnalǵan ýrnalarmen, qoqys jınaǵyshtarǵa ótý joly bar alańdarmen qamtamasyz etiledi.
Qoqys jınaǵyshtarǵa arnalǵan alańdar qorshalady jáne qatty jabyny bolady.
10. Qabir túbinen jer asty sýlary turatyn deńgeıge deıin keminde 0,5 metr esebinen qabyldanady.
11. Qaıtys bolǵan adamdarda asa qaýipti ınfeksııalyq aýrý (kúıdirgi, kongo-qyrym gemorragııalyq qyzbasy jáne basqalary) bolmaǵan jaǵdaıda, jerlengen sátinen bastap alǵashqy eki apta ishinde keıinnen úsh jyldan erte emes, qumdaýyt jerlerde bir jyldan erte emes jáne sanıtarııalyq-epıdemıologııalyq qorytyndysy bolǵan jaǵdaıda qaıta jerleýge jol beriledi.
12. Súıek alynǵan jaǵdaıda qabir dezınfeksııalanady jáne topyraq sebiledi, al qabirden alynǵan súıek qaqpaqty jáshikterde tasymaldanady, tabyt jáshikke salynady jáne jańa orynǵa tasymaldanady. Jerleý júrgizilgen tabyt zaqymdanǵan (saqtalmaǵan) jaǵdaıda, tabyttyń qaldyqtary arnaıy bólingen oryndarda órteledi.
13. Qaıta jerleýmen aınalysatyn adamdar:
sirespege jáne kúıdirgige qarsy egiledi;
arnaıy kıimmen jáne aıaq kıimmen, jeke qorǵanysh quraldarymen (rezeńke etik, rezeńke qolǵap, respırator nemese aýyz ben muryndy jabatyn dáke tańǵysh, kombınezon) qamtamasyz etiledi.
14. Arnaıy kıimdi úı jaǵdaılarynda jýýǵa jáne zalalsyzdandyrýǵa jol berilmeıdi, al jumys júrgizý kezinde qoldanylatyn qural zırattan tys shyǵarylmaıdy.
15. Arnaıy kıim jáne arnaıy aıaq kıim eksgýmasııa boıynsha jumys aıaqtalǵannan keıin arnaıy bólingen oryndarda tazartylýǵa jáne dezınfeksııalanýǵa jatady nemese órteledi. Dáke tańǵyshtar eksgýmasııa boıynsha jumys aıaqtalǵannan keıin órteledi.
16. Eksgýmasııalanǵan qaldyqtardy tasymaldaǵannan keıin kólik dezınfeksııalanýǵa jatady.
17. Etıologııasy belgisiz ınfeksııalardan jáne asa qaýipti ınfeksııalardan qaıtys bolǵan adamdardy jerleý myryshtalǵan, tumshalanyp dánekerlengen tabyttarda júrgiziledi.
18. Zıratty jáne qabirlerdi kóshirý kezinde aýmaqtardy (ýchaskelerdi) rekýltıvasııalaý júrgiziledi. Turǵyn úı aýmaǵyn josparlaý úshin qabirlerdiń joıylatyn oryndarynyń topyraqtary paıdalanylmaıdy.
19. Qurylys jumystaryn júrgizý kezinde buryn belgisiz bolǵan qabirler anyqtalǵan jaǵdaılarda máıittiń súıekterin qaıta kómý jáne aýmaqty rekýltıvasııalaý qajet.
20. Zırattardyń aýmaǵy ony kóshirgen sátten bastap jıyrma jyl ótken soń paıdalanylady. Aýmaq bul jaǵdaılarda tek jasyl kóshetter úshin ǵana paıdalanylady.
Buıryq Qazaqstan Respýblıkasynyń Ádilet mınıstrliginde 2015 jylǵy 8 sáýirde Normatıvtik quqyqtyq kesimderdi memlekettik tirkeýdiń tizilimine №10646 bolyp engizildi.