Aqparattar aǵyny ashyq bolmaq

Prezıdent ja­nyn­daǵy Ortalyq kommý­nıka­sııalar qyzmetinde 5 ınstıtýttyq reformany júzege asyrýǵa baǵyt­talǵan Ult Jospary – «100 naqty qadam» aıasynda oryndalyp jatqan jumystar boıynsha brıfıng ótti. BAQ ókilderimen kezdesýge Parlament Májilisi Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev,  Investısııalar jáne damý vıse-mınıstri Sáken Sársenov pen Májilis depýtaty Artýr Platonov keldi.  «Ashyq úkimet» taqyryby talqy bolǵan basqosýdyń alǵysózin Máýlen Áshimbaev aldy. Onyń aıtýyna qaraǵanda, Ult Josparyndaǵy barshaǵa arnalǵan qazirgi zamanǵy memleket qurý baǵytynda birqatar júıeli jumystar atqarylyp jatyr. Onyń ishinde 94-qadamda belgilengen «Ashyq úkimetti» engizý. Aqparatqa qoljetimdilik týraly zańdy ázirleý» boıynsha ótken jyly qarasha aıynda Memleket basshysy «Aqparatqa qol jetkizý týraly» zańǵa qol qoıǵanyn atap aıtty. Zańnyń maqsaty aqparatty zańmen tyıym salynbaǵan kez kelgen tásilmen erkin alý jáne taratý jónindegi árkimniń konstıtýsııalyq quqyǵyn iske asyrý bolyp tabylady. Sondaı-aq, atalǵan zań memlekettik organdarynyń qyzmetindegi aıqyndyq pen ashyqtyq deńgeıiniń artýyna septesýi  kerek. Zań normalary adamdarǵa memlekettik organ­dardyń qyzmeti jóninde kóbirek aqparat alýǵa múmkindik beredi. Aqparattyń basym bóligi ashyq qoljetimdilikte ornalasýyna baılanysty kóp jaǵdaıda aqparat ıelenýshilerine jeke shaǵymdanýdyń qajeti bolmaıdy. Jyldyń qorytyndylary boıynsha ótkiziletin Parlament, máslıhat jáne memlekettik organdarynyń alqa otyrystaryn onlaın rejiminde kórýge múmkindik paıda bolady. Sonymen qatar, zań bo­ıynsha aqparatty jedel alýdan bólek, normatıvtik-quqyqtyq aktileriniń jobalaryn, respýblıkalyq jáne jergilikti bıýdjetterdiń jobalaryn talqylaýda usynystar men usynymdar engizýge, sondaı-aq, memlekettik organdarynyń qyzmetine baǵa berýge múmkindik jasalady. Osy rette ony iske asyrý  maqsatynda «Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblıkasy Prezıdentiniń 2016 jylǵy 5 aqpandaǵy  Jarlyǵy shyqty. Búgingi tańda qoldanysqa enip otyrǵan zańnyń kóptegen normalary bar. Onda jeke jáne zańdy tulǵalar úshin aqparatqa qoljetimdilik qamtamasyz etilýi kerek dep aıtylady. Qajet bolǵan aqparattar ekonomıka, saıasat, áleýmettik máseleler men qaýipsizdik týraly bolýy da múmkin, ıaǵnı kez kelgen taqyryptaǵy aqparatqa qoljetimdilik kózdelgen. Bul rette memlekettik qupııa dep sanalmaıtyn derekter  aıtylyp otyr. Memlekettik organdar osy aqparattarǵa shekteý jasaı almaıdy. Zań aıasynda aqparatpen qamtamasyz etýdiń mehanızmderi aıqyndalǵan.  Aqparatty qajet etken tulǵa ony suraq jiberý arqyly, memlekettik organdardyń ınternet resýrstary men «Elektrondy úkimettiń»  portaly arqyly jáne basqa da joldarmen ala alady. «Elektrondy úkimet» veb-portalynda azamattar men zańdy tulǵalardyń aqparat alýǵa quqyqtaryn júzege asyrý maqsatynda «Ashyq derekter», «Ashyq NQA», «Ashyq bıýdjetter» jáne «Memlekettik organ­darynyń tıimdiligin baǵalaý» syndy tórt ınternet portaldan turatyn ortaq modýl quryl­ǵan.  Ázirge «Ashyq derek­ter», «Ashyq NQA» jáne «Ashyq bıýdjetter» portal­dary iske qosylǵan. Al «Mem­lekettik organdarynyń tıimdi­ligin baǵalaý» ınternet-portaly ázirlený satysynda, ol «Aq­pa­ratqa qol jetkizý týraly» zań­ǵa sáıkes 2017 jylǵy 1 qań­­tar­dan bastap iske qosylýy tıis. Elmıra MÁTIBAEVA, «Egemen Qazaqstan»