«Aıana» bastady, «Jibek» qostady

Aqjaıyq aýdanynda memleket-jekemenshik áriptestiginiń mysaldary mol Aqjaıyq aýdanynyń naǵyz toǵyz joldyń torabyndaǵy ortalyǵy – Chapaev aýylynan kásipkerliktiń san túrin kórýge bolady, al osynda sábılerdi tárbıeleıtin jekege tıesili tuń­ǵysh mekeme ótken kúzde esik ashty. Zamannyń ótkir bir sura­nysyna saı, tájirıbeli pedagog, ma­mandyǵy balabaqsha ádiskeri Janar Berdálıeva batyl sheshimge kelgen-di. Jubaıy Málik Tursynulymen, ol da muǵalim, jaýapty isterde shyńdalǵan jan, tıisti mekemelerdegi mamandarmen aqyldasa otyryp, bıznes-josparyn jasap, iske kirisken oǵan kópshilik «bárekeldi!» desti. Chapaevta balabaqsha kezegindegi búldirshinder qatary ondap-júzdep sanalady, demek, muny seıiltýge atsalysqandarǵa jurt rıza bolmaǵanda she. «Jumyspen qamtýdyń jol kartasy-2020» baǵdarlamasyna saı óziniń 3 mıllıon teńge nesıe­ge qol jetkizýine aýdan ákimdigi, múddeli basqa da mekemeler qol­daý kórsetkeni pedagogtyń umtylysyn ushtady. Aýyldyń dál ortasyndaǵy derlik turǵyn úıin tıisti talapqa saı jabdyqtady, qosymsha bólme salǵyzdy. Sóıtip, 1,5-3 jastaǵy balapandar úshin 15 oryndyq «Aıana» bóbekjaıy ómirge keldi. О́tken azǵana ýaqyt onyń kishkentaılardy 1,5 jastan qabyldaıtyny, 8.00-den bastalatyn jumys saǵatynyń 20.00-ge deıin bolýy, senbi kúni de jumys jasaıtyny ata-analarǵa ábden qolaılylyǵyn kórsetti. Jas urpaqtyń keleshek kemel taǵdyryna memleketten myqty nazar kúsheıe túspese, eshqashan kemimeıtini málim. «Aıana» ıe­siniń josparyna baılanysty, bóbekjaıdyń úlken ǵımaratyn turǵyzýǵa yńǵaıly tustan jer de belgilenip, qazir qujattar resimdelýde. Al naýryzda ótken aýdandyq máslıhattyń sessııasy bala sanyna qaraı kómek qarjysyn bóldi. Endi ata-analardan osyǵan deıingi 15 myń teńge tólem 8 myń teńgege túsedi. Memleket pen jekemenshik árip­testiginiń bir qyrynan mysal degen osy. «Jaqsylyq jaqsylyqqa ulas­syn!», – degen jámaǵattyń tolaıym tilegine oraı, jańa jyl esik qaǵyp turǵan sátte aýylda ta­ǵy bir osyndaı mekeme salta­nat­ty jaǵdaıda óz qyzmetin bas­tady. Zarına Nurmatova jetek­shilik jasaıtyn bul «Jibek» bóbekjaıynda qazir 1-4 jastaǵy 20 sábı tárbıelenýde. Bala sanyn kóbeıte túsýge múmkindik te joq emes. «Jibekke» de aýdan bıýdjetinen demeý qaras­ty­rylǵan. Balalardy mektepke deıingi uıymdar qyzmetimen qam­tý jó­­ninde oblys respýblıka bo­­ıynsha ilgeri kórsetkishti ıe­lenýshilerdiń biri bolyp tabylady. Jeke balabaqshalar kó­beıe túsetin nyshan baıqalady. Bilim salasyndaǵy memleket pen jekemenshik áriptestigi de osyǵan salmaqty úles qosatyny sózsiz. Bolat ESQALIEV, jýrnalıst Sýrette: Aqjaıyq aýda­nyndaǵy tuńǵysh je­ke bó­bek­­­jaıdyń ıesi Ja­nar Ber­dálıeva tárbıe­lený­shiler­men birge Batys Qazaqstan oblysy