2015 jylǵy 31 naýryz, Astana qalasy
Balyq sharýashylyǵy sý aıdyndaryn jáne (nemese) ýchaskelerin akvaósirýdi damytý úshin paıdalaný qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 72) tarmaqshasyna sáıkes, buıyramyn:
1. Qosa berilip otyrǵan Balyq sharýashylyǵy sý aıdyndaryn jáne (nemese) ýchaskelerin akvaósirýdi damytý úshin paıdalaný qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr A.MAMYTBEKOV
Qazaqstan Respýblıkasy Aýyl sharýashylyǵy mınıstriniń
2015 jylǵy 31 naýryzdaǵy № 18-05/291 buıryǵymen bekitilgen
Balyq sharýashylyǵy sý aıdyndaryn jáne (nemese) ýchaskelerin
akvaósirýdi damytý úshin paıdalaný qaǵıdalary
1. Osy Balyq sharýashylyǵy sý aıdyndaryn jáne (nemese) ýchaskelerin akvaósirýdi damytý úshin paıdalaný qaǵıdalary (budan ári - Qaǵıdalar) «Janýarlar dúnıesin qorǵaý, ósimin molaıtý jáne paıdalaný týraly» (budan ári – Zań) 2004 jylǵy 9 shildedegi Qazaqstan Respýblıkasynyń Zańynyń 9-babynyń 1-tarmaǵynyń 72) tarmaqshasyna sáıkes ázirlendi jáne balyq sharýashylyǵy sý aıdyndaryn jáne (nemese) ýchaskelerin akvaósirýdi damytý úshin paıdalaný tártibin belgileıdi.
2. Osy Qaǵıdalarda mynadaı negizgi uǵymdar paıdalanylady:
1) kólde taýarly balyq ósirý sharýashylyǵy (budan ári – KTBО́Sh) – sý aıdyndaryndaǵy sharýashylyq quny tómen balyqtardy aýlaý esebinen ıhtıfaýnany tolyq nemese ishinara almastyrý, olarǵa balyqtyń baǵaly túrlerin qonystandyrý, ósirý jáne keıinnen aýlaý arqyly olardy balyq sharýashylyǵy maqsatynda paıdalanýdy jaqsartýmen aınalysatyn sharýashylyq;
2) sharbaqtyq balyq ósirý sharýashylyǵy (budan ári - ShBО́Sh) – sharbaqtarda taýarly ónim ósirýge mamandanatyn sharýashylyq.
3. Akvaósirýdi damytý maqsatynda jergilikti, respýblıkalyq jáne halyqaralyq mańyzǵa ıe balyq sharýashylyǵy sý aıdyndary jáne (nemese) ýchaskeleri paıdalanylady.
4. Balyq sharýashylyǵy sý aıdyndaryn jáne (nemese) ýchaskelerin akvaósirýdi damytý úshin paıdalaný KTBО́Sh jáne ShBО́Sh qurý maqsatynda balyq sharýashylyǵy sý aıdyndaryn jáne (nemese) ýchaskelerin konkýrstyq negizde bekitip berý jolymen júzege asyrylady.
5. KTBО́Sh jáne ShBО́Sh qurý maqsatynda balyq sharýashylyǵy sý aıdyndaryn jáne (nemese) ýchaskelerin bekitip berý boıynsha konkýrsty ótkizý jáne uıymdastyrý tártibi Zańnyń 9 baby 1 tarmaǵynyń 65) tarmaqshasyna sáıkes bekitilgen Ańshylyq alqaptar men balyq sharýashylyǵy sý aıdyndaryn jáne (nemese) ýchaskelerin bekitip berý jóninde konkýrs ótkizý Qaǵıdalaryna sáıkes júrgiziledi.
6. KTBО́Sh úshin negizgi sý aıdyndarynyń gıdrologııalyq rejımine jáne balyq resýrstarynyń tabıǵı kóbeıýine eleýli túrde áser etpeıin negizinen qundylyǵy shamaly balyq túrleri bar jáne tabıǵı balyq ónimdiligi tómen oqshaýlanǵan (bólip tastalǵan) sý aıdyndary (sý aıdyndary júıeleri) jáne (nemese) ýchaskeleri beriledi.
7. Negizgi balyq sharýashylyǵy sý aıdynymen baılanysy bar KTBО́Sh jáne ShBО́Sh úshin oqshaýlanǵan (bólip tastalǵan) sý aıdyndary jáne (nemese) ýchaskelerin balyqtandyrý jáne ósirý atalǵan jáne (nemese) negizgi sý aıdynynda tabıǵı erkindik jaǵdaıynda mekendeıtin balyq túrlerimen júzege asyrylady.
8. Oqshaýlanǵan (bólip tastalǵan) sý aıdyndary jáne (nemese) onyń negizgi balyq sharýashylyǵy sý aıdynymen baılanysy bar jeke bólikterinde KTBО́Sh júrgizý úshin qajetti shart KTBО́Sh úshin bekitilip berilgen sý qoımasynan ósirilgen balyq túrleriniń ketip qalmaýyn jáne sý qoımasyna bógde balyqtardyń (sonyń ishinde shabaqtar) ózdiginen kirip ketýine bóget bolatyn senimdi gıdrotehnıkalyq qurylǵylardyń (qondyrǵylar) bary bolyp tabylady.
9. Osy jáne (nemese) negizgi sý qoımada mekendemeıtin jáne bógde obektilerdi (gıdrobıonttardy) tiri azyq retinde paıdalanýǵa ruqsat etilmeıdi.
10. Paıdalanýshyǵa budan buryn bekitilip berilgen sý aıdynynyń jáne (nemese) ýchaskesiniń akvatorııasynda ornalastyrylǵan sharbaqtar aımaǵynyń sheginde balyq resýrstaryn jáne basqa da sý janýarlaryn paıdalanýdyń ruqsat etilgen túrleri Balyq aýlaý qaǵıdalaryn bekitý týraly Qazaqstan Respýblıkasy Aýyl sharýashylyǵy mınıstriniń m.a. 2015 jylǵy 27 aqpandaǵy № 18-04/148 buıryǵyna sáıkes júzege asyrylady (normatıvtik quqyqtyq aktilerdi memlekettik tirkeý tiziliminde № 10606 bolyp tirkelgen).
11. KTBО́Sh jáne ShBО́Sh ósirilgen balyq paıdalanýshynyń menshigi bolyp tabylady.
Buıryq Qazaqstan Respýblıkasynyń Ádilet mınıstrliginde 2015 jylǵy 5 mamyrda Normatıvtik quqyqtyq kesimderdi memlekettik tirkeýdiń tizilimine №10944 bolyp engizildi.