Tarıh jáne mádenıet eskertkishterin paıdalanýǵa berý qaǵıdalaryn bekitý týraly
«Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańynyń 19-babynyń 14-6) tarmaqshasyna sáıkes buıyramyn:
1. Qosa berilip otyrǵan Tarıh jáne mádenıet eskertkishterin paıdalanýǵa berý qaǵıdalary bekitilsin.
2. «Halyqaralyq jáne respýblıkalyq mańyzy bar tarıh jáne mádenıet eskertkishterin paıdalanýǵa berý qaǵıdalaryn bekitý týraly» Qazaqstan Respýblıkasy Mádenıet jáne sport mınıstriniń 2015 jylǵy 27 aqpandaǵy № 75 buıryǵynyń (Qazaqstan Respýblıkasy Normatıvtik quqyqtyq aktilerin memlekettik tirkeý tiziliminde № 10687 bolyp tirkelgen, 2015 jylǵy 17 sáýirde «Ádilet» aqparattyq-quqyqtyq júıesinde jarııalanǵan) kúshi joıyldy dep tanylsyn.
3. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp, Qazaqstan Respýblıkasy normatıvti quqyqtyq aktileriniń etalondy baqylaý bankine engizý úshin eltańbaly mórmen kýálandyrylǵan qaǵaz danasyn qosa bere otyryp osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondyq túrdegi osy buıryqtyń kóshirmelerin joldaýdy;
3) osy buıryqtyń resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalasýyn;
4) osy buıryqtyń resmı jarııalanýynan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarymen qarastyrylǵan is-sharalardyń oryndalýy týraly málimet berýdi qamtamasyz etsin.
4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń mádenıet jáne sport vıse-mınıstrine júktelsin.
5. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýy tıis.
Qazaqstan Respýblıkasynyń Mádenıet jáne sport mınıstri A.MUHAMEDIULY
Qazaqstan Respýblıkasy Mádenıet jáne sport mınıstriniń 2015 jylǵy 30 qarashadaǵy
№ 369 buıryǵymen bekitilgen
Tarıh jáne mádenıet eskertkishterin paıdalanýǵa berý qaǵıdalary
1. Jalpy erejeler
1. Osy Tarıh jáne mádenıet eskertkishterin paıdalanýǵa berý qaǵıdalary (budan ári – Qaǵıda) Qazaqstan Respýblıkasynyń menshigi bolyp tabylatyn, tarıh jáne mádenıet eskertkishterin paıdalanýǵa berý tártibin aıqyndaıdy.
2. Osy qaǵıdada kelesi negizgi uǵymdar qoldanylady:
1) jalǵa berýshi – memlekettik múlik jónindegi ýákiletti organ nemese oblystardyń, respýblıkalyq mańyzy bar qalanyń, astananyń jergilikti atqarýshy organy;
2) qorǵaý mindettemesi – tarıh jáne mádenıet eskertkishteriniń osy qujatty rásimdeý kezindegi jaı-kúıi jáne menshik ıesiniń nemese paıdalanýshynyń tarıh jáne mádenıet eskertkishin kútip-ustaý sharttary tirkeletin qujat;
3) paıdalanýshy (jaldaýshy, jalǵa alýshy) – «Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańyna sáıkes tarıh jáne mádenıet eskertkishterin onyń menshik ıesimen jasalǵan múliktik jalǵa berý kelisimsharty (budan ári – kelisimshart) negizinde paıdalaný quqyǵy berilgen jeke nemese zańdy tulǵa;
4) tarıh jáne mádenıet eskertkishteri (budan ári - eskertkishter) – Tarıh jáne mádenıet eskertkishteriniń memlekettik tizimine engizilgen, halyqtyń ótken tarıhymen, qoǵam men memlekettiń damýymen baılanysty, adam jasaǵan nemese adam men tabıǵattyń birlesken týyndysy bolyp tabylatyn jekelegen kesender, ǵımarattar, qurylystar men ansamblder, tarıhı-mádenı landshafttar jáne basqa da kórikti jerler;
5) tarıhı-mádenı mura obektilerin qorǵaý jáne paıdalaný jónindegi ýákiletti organ - tarıhı-mádenı mura obektilerin qorǵaý jáne paıdalaný salasyndaǵy memlekettik retteýdi júzege asyratyn ortalyq atqarýshy organ (budan ári – ýákiletti organ);
6) tender – bul jalǵa berýshi ózi usynǵan bastapqy kelisimshart negizinde jalǵa berýshi úshin eń jaqsy shart talaptaryn usynatyn tenderge qatysýshylardyń birimen kelisimshart jasasýǵa mindettenetin tizilimniń veb-portalyn paıdalana otyryp, elektrondyq formatta ótkiziletin obektilerdi múliktik jaldaýǵa (jalǵa alýǵa) berý jónindegi saýda-sattyq nysany;
7) teńgerim ustaýshy – obekt jedel basqarý nemese sharýashylyq júrgizý quqyǵynda bekitilgen memlekettik zańdy tulǵa;
8) tizilimniń veb-portaly – www.gosreestr.kz mekenjaıy boıynsha Internet jelisinde ornalastyrylǵan, memlekettik múlikti jaldaýǵa (jalǵa alýǵa) berý kelisimsharty boıynsha elektrondyq derekqorǵa biryńǵaı qol jetkizý núktesin usynatyn ınternet-resýrs (budan ári – Tizilim).
3. Tarıh jáne mádenıet eskertkishterin jeke jáne zańdy tulǵalarǵa ǵylymı, mádenı-aǵartý, týrıstik maqsattar úshin paıdalanýǵa beriledi.
4. Jergilikti mańyzy bar, kommýnaldyq menshik bolyp tabylatyn tarıh jáne mádenıet eskertkishteri oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń sheshimi boıynsha paıdalanýǵa beriledi.
Jergilikti mańyzy bar, respýblıkalyq menshik bolyp tabylatyn tarıh jáne mádenıet eskertkishteri tarıhı-mádenı mura obektilerin qorǵaý jáne paıdalaný jónindegi ýákiletti organnyń (budan ári - ýákiletti organ) kelisýimen memlekettik múlikti basqarý jónindegi ýákiletti organnyń sheshimi boıynsha paıdalanýǵa beriledi.
Halyqaralyq jáne respýblıkalyq mańyzy bar, kommýnaldyq menshik bolyp tabylatyn tarıh jáne mádenıet eskertkishteri ýákiletti organnyń kelisýimen oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń sheshimi boıynsha paıdalanýǵa beriledi.
Halyqaralyq jáne respýblıkalyq mańyzy bar, respýblıkalyq menshik bolyp tabylatyn tarıh jáne mádenıet eskertkishteri ýákiletti organnyń kelisýimen memlekettik múlikti basqarý jónindegi ýákiletti organnyń sheshimi boıynsha paıdalanýǵa beriledi.
2. Tarıh jáne mádenıet eskertkishterin paıdalanýǵa berý tártibi
5. Teńgerim ustaýshy eskertkishti paıdalanýǵa berý úshin (múliktik jaldaýǵa (jalǵa alýǵa) jalǵa berýshige onyń ataýy, sany, ólshem birligi, qysqasha sıpattamasy, ornalasqan jeri, eskertkishti paıdalanýǵa (múliktik jaldaýǵa (jalǵa alýǵa) berý merzimi, nysanaly paıdalanýy qamtylǵan aqparatty jiberedi. Eskertkish týraly aqparat boljamdy jalǵa alýshy kórsetilmeı usynylady.
Teńgerim ustaýshy eskertkish týraly aqparattyń shynaıylyǵyn qamtamasyz etedi.
6. Usynylǵan aqparatty jalǵa berýshi kúntizbelik on bes kúnnen asyrmaı qaraıdy.
Jalǵa berýshi egerde eskertkish halyqaralyq jáne respýblıkalyq mańyzy bar eskertkish bolǵan jaǵdaıda kórsetilgen ýaqyt merzimi ishinde ony paıdalanýǵa berýdi (múliktik jaldaýǵa (jalǵa alýǵa) ýákiletti organmen kelisedi.
Ýákiletti organ kelisý týraly usynys túsken kúnnen bastap kúntizbelik bes kúnniń ishinde usynysty qarap, jalǵa berýshige kelisim berý týraly nemese kelisim berýden bas tartý týraly dáleldi jazbasha jaýap joldaıdy.
Teńgerim ustaýshy jibergen eskertkishter týraly aqparatty qaraýdyń nátıjesinde jalǵa berýshi kelesi sheshimderdiń bireýin qabyldaıdy:
1) eskertkishti paıdalanýǵa (múliktik jaldaýǵa (jalǵa alýǵa) berý týraly;
2) eskertkishti paıdalanýǵa (múliktik jaldaýǵa (jalǵa alýǵa) berýden bas tartý týraly.
7. Jalǵa berýshi eskertkishti paıdalanýǵa (múliktik jaldaýǵa (jalǵa alýǵa) berý týraly sheshim qabyldaǵannan keıin kúntizbelik on kúnniń ishinde mynadaı aqparattyń:
1) eskertkishtiń ataýy, sany, ólshem birligi, qysqasha sıpattamasy, ornalasqan jeri, eskertkishti paıdalanýǵa (múliktik jaldaýǵa (jalǵa alýǵa) berý merzimi;
2) eskertkish teńgerimin ustaýshy týraly (ornalasqan jeri, telefon, faks, elektrondy poshtasy);
3) eskertkishti tender ótkizý arqyly nemese tender ótkizbeı paıdalanýǵa (múliktik jaldaýǵa (jalǵa alýǵa) berý týraly málimetterdiń tizilimde ornalastyrylýyn qamtamasyz etedi.
8. Paıdalanýshyny (jaldaýshy, jalǵa alýshy) anyqtaý Qazaqstan Respýblıkasy Ulttyq ekonomıka Mınıstriniń 2015 jylǵy 17 naýryzdaǵy № 212 buıryǵymen bekitilgen, Normatıvtik quqyqtyq aktileriniń memlekettik tirkeý tiziliminde № 10467 bolyp tirkelgen Memlekettik múlikti múliktik jaldaýǵa (jalǵa alýǵa) berý qaǵıdalary negizinde júzege asady.
Eskertkishti paıdalanýǵa (múliktik jaldaýǵa (jalǵa alýǵa) berý týraly sheshim qabyldanǵan jaǵdaıda kúntizbelik on kúnniń ishinde paıdalanýshyǵa jazbasha habarlama men kelisimsharttyń jobasy jiberiledi.
9. Respýblıkalyq menshigi bolyp tabylatyn, halyqaralyq jáne respýblıkalyq mańyzy bar tarıh jáne mádenıet eskertkishterin paıdalanýǵa berý kelisimsharty memlekettik múlik jónindegi ýákiletti organ men jeke jáne zańdy tulǵa arasynda ýákiletti organ kelisimimen jasalady.
Kommýnaldyq menshik bolyp tabylatyn, halyqaralyq jáne respýblıkalyq mańyzy bar tarıh jáne mádenıet eskertkishterin paıdalanýǵa berý kelisimsharty oblystardyń, respýblıkalyq mańyzy bar qalalardyń, astananyń jergilikti atqarýshy organdar men jeke jáne zańdy tulǵa arasynda ýákiletti organ kelisimimen jasalady.
Respýblıkalyq menshigi bolyp tabylatyn, jergilikti mańyzy bar tarıh jáne mádenıet eskertkishterin paıdalanýǵa berý kelisimsharty memlekettik múlik jónindegi ýákiletti organ men jeke jáne zańdy tulǵa arasynda ýákiletti organnyń kelisimimen jasalady.
Kommýnaldyq menshik bolyp tabylatyn jergilikti mańyzy bar tarıh jáne mádenıet eskertkishterin paıdalanýǵa berý kelisimsharty oblystardyń, respýblıkalyq mańyzy bar qalalardyń, astananyń jergilikti atqarýshy organdar men jeke jáne zańdy tulǵa arasynda ýákiletti organ kelisimimen jasalady.
10. Kelisimshart úsh jyldan aspaıtyn merzimge jasalady.
Kelisimshartta belgilengen merzim ótkennen keıin kelisimshart toqtatyldy dep sanalady.
11. Eskertkishti paıdalanýǵa (múliktik jaldaýǵa (jalǵa alýǵa) berý kezinde Qazaqstan Respýblıkasy Mádenıet jáne sport mınıstriniń 2015 jylǵy 27 aqpandaǵy «Memlekettik menshiktegi tarıh jáne mádenıet eskertkishterin paıdalanǵany úshin jaldaý aqysynyń mólsherlemesin belgileý týraly» № 76 buıryǵymen bekitilgen, Normatıvtik quqyqtyq aktileriniń memlekettik tirkeý tiziliminde № 10688 bolyp tirkelgen buıryǵyna sáıkes paıdalanýshydan jaldaý aqysy alynady.
12. Eskertkishterin paıdalanýǵa (múliktik jaldaýǵa, jalǵa alýǵa) berý kelisimsharty jasalǵannan keıin úsh jumys kúnniń ishinde jalǵa berýshi Qazaqstan Respýblıkasy Mádenıet jáne sport mınıstriniń 2015 jylǵy 27 aqpandaǵy № 74 buıryǵymen bekitilgen, Normatıvtik quqyqtyq aktileriniń memlekettik tirkeý tiziliminde № 10677 bolyp tirkelgen, Tarıh jáne mádenıet eskertkishterin qorǵaý mindettemelerin berý qaǵıdasyna sáıkes qorǵaý mindettemesin rásimdeý úshin oblystardyń, respýblıkalyq mańyzy bar qalalardyń, astananyń jergilikti atqarýshy organdaryna habarlama jáne kelisimshart kóshirmesin joldaıdy.
13. Paıdalanýǵa (múliktik jaldaýǵa (jalǵa alýǵa) berilgen eskertkishterdi paıdalanýdyń jaı-kúıin jáne olardyń kútip-ustalý tártibin «Tarıhı-mádenı mura obektilerin qorǵaý jáne paıdalaný týraly» 1992 jylǵy 2 shildedegi Qazaqstan Respýblıkasynyń Zańynyń 20-1-babyna sáıkes ýákiletti organ jáne oblystardyń, respýblıkalyq mańyzy bar qalanyń, astananyń jergilikti atqarýshy organdary júzege asyrady.
Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine №12491 bolyp engizildi.