2015 jylǵy 29 shilde,Astana qalasy
«Memlekettik menshiktegi sport ǵımarattarynyń qoljetimdi bolýyn qamtamasyz etý» eń tómen áleýmettik standartyn bekitý týraly
«Eń tómen áleýmettik standarttar jáne olardyń kepildikteri týraly» 2015 jylǵy 19 mamyrdaǵy Qazaqstan Respýblıkasy Zańynyń 9-baby 3) tarmaqshasyna sáıkes buıyramyn:
1. Qosa berilip otyrǵan «Memlekettik menshiktegi sport ǵımarattarynyń qoljetimdi bolýyn qamtamasyz etý» eń tómen áleýmettik standarty bekitilsin.
2. Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti (E.B.Qanaǵatov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryqty resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
4) osy tarmaqpen kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri S.J. Musaıbekovke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Mádenıet jáne sport mınıstriniń
mindetin atqarýshy D.BOLATHANULY
Qazaqstan Respýblıkasy Mádenıet jáne sport mınıstri mindetin atqarýshynyń
2015 jylǵy 29 shildedegi №258 buıryǵymen bekitilgen
«Memlekettik menshiktegi sport ǵımarattarynyń qoljetimdi bolýyn qamtamasyz etý» eń tómen áleýmettik standarty
1. Eń tómen áleýmettik standartty ázirleıtin jáne bekitetin ortalyq memlekettik organnyń ataýy:
Qazaqstan Respýblıkasy Mádenıet jáne sport mınıstrligi.
2. Eń tómen áleýmettik standartty qoldanýǵa negiz bolatyn zańdartizimi:
1) «Qazaqstan Respýblıkasynda múgedekterdi áleýmettik qorǵaý týraly» 2005 jylǵy 13sáýirdegi Qazaqstan Respýblıkasy Zańy;
2) «Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasynyń Zańy;
3) «Eń tómen áleýmettik standarttar jáne olardyń kepildikteri týraly» 2015 jylǵy 19 mamyrdaǵy Qazaqstan Respýblıkasynyń Zańy.
3. Eń tómen áleýmettik standarttyń maqsaty:
memlekettik menshiktegi sport ǵımarattarynyń qoljetimdi bolýyn qamtamasyz etý.
4. Eń tómen áleýmettik standarttyń normalary men normatıvteri osy standartqa qosymshada qórsetilgen.
«Memlekettik menshiktegi sport ǵımarattarynyń qoljetimdi
bolýyn qamtamasyz etý» eń tómen áleýmettik standartyna qosymsha
Eń tómen áleýmettik standarttyń normalary men normatıvteri:
№ r/s Normanyń/ normatıvtiń ataýy Normany/normatıvti retteýshi normatıvtik quqyqtyq akt Norma/normatıv boıynsha eń tómen áleýmettik standartqa quqyǵy bar tulǵalardyń sanaty Normanyń/ normatıvtiń mólsheri
1. Sport ǵımarattaryna bara alýyn qamtamasyz etý «Qazaqstan Respýblıkasynda múgedekterdi áleýmettik qorǵaý týraly»
2005 jylǵy
13 sáýirdegi Qazaqstan Respýblıkasy Zańy Birinshi jáne ekinshi toptardaǵy múgedekter men on segiz jasqa deıingi múgedek balalar Bıýdjet qarajaty esebinen
Úshinshi toptaǵy megedekter Kórsetiletin sporttyq jáne dene shynyqtyrý-saýyqtyrý qyzmetteri qunynan 50% mólsherdegi jeńildik
2. Dene shynyqtyrý salasyndaǵy jeńildikpen kórsetiletin qyzmetter(dene shynyqtyrý-saýyqtyrý qyzmetteri) «Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasynyń Zańy; «Múgedekterdi qospaǵanda, dene shynyqtyrý-saýyqtyrý qyzmetterin tegin nemese jeńildikti sharttarmen paıdalanatyn azamattar sanattarynyń tizbesin, sondaı-aq jeńildikter mólsherin bekitý týraly»
Qazaqstan Respýblıkasy Mádenıet jáne sport mınıstriniń 2015 jylǵy
14 mamyrdaǵy
№ 178 buıryǵy (Normatıvtik quqyqtyq aktilerdi memlekettik tirkeý tiziliminde № 11322 bolyp tirkelgen). 7 jasqa deıingi balalar Tegin
Kóp balaly otbasylarynan oqýshy-balalar Tegin
Balalar úılerinen oqýshy-balalar Tegin
Sport ardagerleri Tegin
Oqýshylar Kórsetiletin sporttyq jáne dene shynyqtyrý-saýyqtyrý qyzmetteri qunynan 50% mólsherdegi jeńildik
Stýdentter Kórsetiletin sporttyq jáne dene shynyqtyrý-saýyqtyrý qyzmetteri qunynan 50% mólsherdegi jeńildik
Zeınetkerler Kórsetiletin sporttyq jáne dene shynyqtyrý-saýyqtyrý qyzmetteri qunynan 50% mólsherdegi jeńildik
Buıryq Qazaqstan Respýblıkasynyń Ádilet mınıstrliginde 2015 jylǵy 27 tamyzda Normatıvtik quqyqtyq kesimderdi memlekettik tirkeýdiń tizilimine №11963 bolyp engizildi.