2016 jylǵy 8 qańtar, Astana qalasy
«Dintaný saraptamasyn júrgizý qaǵıdalaryn bekitý týraly» Qazaqstan Respýblıkasy Mádenıet jáne sport Mınıstriniń 2014 jylǵy 30 jeltoqsandaǵy № 162 buıryǵyna ózgerister men tolyqtyrý engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-baby 1-tarmaǵyna sáıkes buıyramyn:
1. «Dintaný saraptamasyn júrgizý qaǵıdalaryn bekitý týraly» Qazaqstan Respýblıkasy Mádenıet jáne sport Mınıstriniń 2014 jylǵy 30 jeltoqsandaǵy № 162 buıryǵyna (Normatıvtik quqyqtyq aktilerdi memlekettik tirkeý reestrinde № 10184 tirkelgen, «Egemen Qazaqstan» gazetinde 2015 jylǵy 19 mamyrdaǵy № 91 (28569) jarııalanǵan) mynadaı ózgerister men tolyqtyrý engizilsin:
kórsetilgen buıryqpen bekitilgen Dintaný saraptamasyn júrgizý qaǵıdalarynyń:
2-tarmaǵy mynadaı redaksııada jazylsyn:
«2. Dintaný saraptamasynyń (budan ári – saraptama) júrgizilýin Qazaqstan Respýblıkasynyń Mádenıet jáne sport mınıstrliginiń Din isteri komıteti (budan ári – ýákiletti organ) qamtamasyz etedi.»;
mynadaı mazmundaǵy 8-1-tarmaqpen tolyqtyrylsyn:
«8-1. Saraptama júrgizý merzimi osy qaǵıdalardyń 11-tarmaǵynda qarastyrylǵan jaǵdaılarda 30 (otyz) kúntizbelik kúnge uzartylady. Ýákiletti organ saraptama júrgizý merzimin uzartqannan keıin, osy qaǵıdalardyń 11-tarmaǵynda qarastyrylǵan suraý salýlar joldaǵan kúnnen bastap 3 (úsh) jumys kúni ishinde ótinish berýshige jazbasha habarlaıdy.»;
10-tarmaq mynadaı redaksııada jazylsyn:
«10. Ýákiletti organ sarapshyǵa (sarapshylarǵa, sarapshylar tobynyń múshelerine) obekt boıynsha saraptama júrgizý úshin suraqtar tizbesin usynady.»;
2. Qazaqstan Respýblıkasy Mádenıet jáne sport mınıstrliginiń Din isteri komıtetine belgilengen zańnamalyq tártipte:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkeýden keıin on kúntizbelik kún ishinde «Ádilet» aqparattyq-quqyqtyq júıesine jáne merzimdi baspa basylymdaryna resmı jarııalaý úshin osy buıryqtyń eltańbaly mórmen kýálandyrylǵan qaǵazdaǵy danasynyń kóshirmesi qosa beriletin elektrondyq jetkizgishtegi kóshirmelerin joldaýdy;
3) osy buıryqty resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrstarynda ornalastyrýdy;
4) osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Mádenıet jáne sport vıse-mınıstrine júktelsin.
4. Osy buıryq alǵashqy resmı jarııalanǵan kúnnen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Mádenıet jáne sport mınıstriniń mindetin atqarýshy M.ÁZILHANOV
Buıryq Qazaqstan Respýblıkasynyń Ádilet mınıstrliginde 2016 jylǵy 9 aqpanda Normatıvtik quqyqtyq kesimderdi memlekettik tirkeýdiń tizilimine №13028 bolyp engizildi.