Reseı sporttyq kúres federasııasynyń birinshi vıse-prezıdenti, erkin kúres sheberi Adlan Varaev kútpegen jerden selfıdiń qurbany bolyp ketti.
Qaıǵyly oqıǵa Cheshenstandaǵy Argýn taýly ózeni ańǵaryndaǵy shatqaldy oryn alǵan. Osy jerde KSRO-nyń eńbek sińirgen sport sheberi, Reseıdiń eńbek sińirgen jattyqtyrýshysy Argýn taýly ózeniniń ańǵaryndaǵy shatqalda ózin sýretke túsirip almaqshy bolyp jatyp, tómenge qaraı qulap ketken.
Ázirge dańqty cheshen balýanynyń denesin izdeý jumystary óziniń nátıjesin bergen joq. Qazir 54 jastaǵy sport fýnksıonerin izdeýge respýblıka tótenshe jaǵdaılar mınıstrliginiń 200-den astam qyzmetkeri, bir top eriktiler men basqa da salalardyń ókilderi qatysýda.
Adlan Varaev 1988 jyly Seýlde ótken Olımpıadada ekinshi orynǵa shyǵyp, cheshender arasynda Oıyndar medalin jeńip alǵan birinshi sportshy atandy. Ol KSRO-nyń eki dúrkin, Eýropanyń úsh márte chempıony boldy. Budan basqa, 1986 jyly álem chempıonatynyń kúmis medalin alsa, kelesi jyly chempıondyqqa qol jetkizgen bolatyn.
Damır QOJAMQUL