«Qara shekpen»

Túrkitildes teatrlar festıvalinde «Eń úzdik spektakl» júldesin aldy Bul kúnderi Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatry Túrkııa memleketi­nen úlken tabyspen oralyp otyr. Atalmysh teatr 20-30 sáýir aralyǵynda Túrkııanyń Konıa qalasynda ótken «Myń tynys – bir daýys» atty Túrkitildes teatrlardyń HI halyqaralyq festı­valinde «Eń úzdik spektakl» júldesin jeńip aldy. Jastar teatrynyń jetek­shisi Sábıt Ábdihalyqov halyq­aralyq óner dodasynyń óte joǵary deńgeıde ótkizilgenin aıtady. Sondaı-aq, teatrdyń shy­ǵarmashylyq ujymy ózde­riniń ónerlerin shyńdaýda óte jaqsy múmkindikterge ıe bolǵan eken. Qazaq akterleri úshin festıvaldiń musylmandar meıramy – Máýlitpen tuspa-tus kelýi este qalarlyqtaı, erekshe áserli bolǵan. Festıvalge Túrkııanyń bes teatrynan bólek, Makedonııa, Mol­­dova, Ázerbaıjan, Kıpr, Grý­zııa, Irak, Iran, Bolgarııa syndy el­derdiń óner ordalary saıysqa túsip, baq synasty. Sonymen, halyqaralyq fes­tı­valde qazaq teatry Geor­gıı Hýgaevtyń «Qara shekpen» qoıy­lymyn Konıanyń ortaly­ǵynda ornalasqan Túrik ulttyq «Devlet» teatrynyń sahnasynda qoıdy. Qazaq kórermenderiniń qoshe­­metine bólenip júrgen spek­takl­diń qoıýshy-rejısseri – As­hat Maemırov, qoıýshy-sýret­shisi – Indıra Ihsan, mýzykamen kór­kemdegen – Dınara Ábikeeva, Bolat­bek Nurqasymov, baletmeıs­ter – Rınat Bılibaev. Túrkııa kórermenderi ǵana emes, túrkitildes memleketterden kelgen kásipqoı teatr ujymdarynyń kó­ńi­linen shyqqan tamasha qoıy­lymda Danııar Bazarqulov, Janar Maqasheva, Erlan Káribaev, Áset Esjan, Edil Ramazanov, Gúl­bahram Baıbosynova, Sánııa Er­zat, Darhan Súleımenov, Erbol Sa­­dyrbaev, Erbol Ydyrysov, Gaý­har Saǵynǵalıeva, Tolqyn Nur­bekova, Qýanysh Turdalın, Gúl­­dana Ergeshova, Móldir Qonys­qyzy, Dınara Shymyrbaeva, El­dar Otarbaev syndy ártister tamasha óner kórsetip, sahnalyq sheber­likterimen áriptesterin tánti etken. Pendelerdiń de bolmysymen astasyp jatqan bul pesada bir ǵana adam bar. Ol qara shek­pendi Shopan. Spektakldiń basty keıipkeri Tuzar atty ıesine adal berilgen tóbet desek te, adamnyń túrli bolmysyn beıneleıtin Kókjal qasqyr, Kókshýlan qan­shyq, Qosúreı qoıan, eńbegi esh esek Kıko, 250 jyl ja­saǵan Qýqar qarǵa, aılasyna quryq boılatpas Sylań túlki, ádi­letsizdikke jany tózbeıtin, biraq onyń qýlyq-sumdyqtaryn da áli túsinbeıtin Be-be qozy kezegimen birinshi plan­ǵa shyǵyp otyrady. Al qortyq qasqyr men qoılar da tirshiliktiń ıeleri. Tyndyrǵany shamaly bolsa-daǵy, top bastaǵan Teke de aınalamyzda bar. Túrik kórermenderi aldynda adaldyǵy baǵalanbaǵan ıtti Danııar Bazarqulov pen óner sulýlyǵyna tamsandyrǵan Kókshý­landy Janar Maqasheva jar­qyratyp alyp shyqty. Aınash ESALI, «Egemen Qazaqstan» ALMATY