Ońtústikte Qazaqstan oblysyna Parlament Májilisiniń bir top depýtaty, atap aıtqanda, Qudaıbergen Erjan, Baıdildá Jylqyshıev, Roman Kım, Ýálıhan Qaınazarov, Sáken Qanybekov, Fahrıddın Qarataev, Mansurhan Mahambetov, Berik Ospanov arnaıy saparmen kelip, qala, aýdandarda jurtshylyqpen kezdesýde.
F.Qarataev ózimizdiń áriptes. Kúni keshe ózbek tilinde shyǵatyn «Janýbıı Kozogıston» gazetiniń bas redaktory bolǵan azamat Saryaǵash aýdanyndaǵy «Qurkeles» eldi mekeninde, odan keıin Abaı aýylynda jáne Saıram aýdanyndaǵy Qarabulaq aýylynda kezdesýler ótkizip, jurtshylyqpen dıdarlasty.
– Bizdiń Ońtústik halqy – darhan, eńbekqor halyq qoı, – deıdi Fahrıddın Ábdinábıuly. – Kezdesýdegi oılarymdy túıip aıtsam, negizgi áńgime elimizdiń keleshegi, Elbasynyń «100 naqty qadam» Ult Jospary boıynsha memlekettik baǵdarlamalardyń qalaı iske asyrylyp jatqandyǵy sóz boldy. О́zge de ózekti máseleler tóńireginde oı qozǵaldy.
Depýtat, sondaı-aq, Jer kodeksine ózgeristerge baılanysty Elbasynyń jyl sońyna deıin oǵan moratorıı jarııalaýy elimizde keń qoldaýǵa ıe bolǵanyn atap ótti. Táýelsizdik – bizdiń eń basty baılyǵymyz, ulttyq qundylyǵymyz. Ony shaıqaltýǵa, iritki salýǵa eshkimniń quqysy joq ekeni aıtpasa da túsinikti.
El ishindegi kezdesýlerde halyq oıy osy arnada toǵysyp jatty.
Baqtııar TAIJAN,
«Egemen Qazaqstan»
Ońtústik Qazaqstan oblysy,
Saryaǵash aýdany