Parlament Senaty men Májilisiniń bir top depýtaty Qyzyljar óńiriniń turǵyndarymen kezdesip, keleli máseleler boıynsha tanymdyq áńgimeler qozǵady.
Senator Serik Bilálov Qyzyljar aýdanynda bolǵan jumys saparynda óndiris oryndaryn aralap, ujym múshelerimen kezdesti. Negizgi taqyrypqa «100 naqty qadam» Ult Josparynyń shyǵarylýy kezdeısoq emes, dedi jınalǵandarǵa qarata aıtqan sózinde Serik Sultanǵazyuly. Elbasy usynǵan basym baǵyttar «2050» Strategııasyn júzege asyrýdyń, memlekettiligimizdi nyǵaıtýdyń, kásibı memlekettik apparat qurýdyń, zańnyń ústemdigin qamtamasyz etýdiń buljymas qaǵıdattary bolyp tabylady.
Odan ári ol aýyldyqtar úshin mańyzy esh kem emes ındýstrııalandyrý jáne ekonomıkalyq ósim máselesine toqtalyp, 35-qadamda aýylsharýashylyq jerlerin tıimdi paıdalaný maqsatymen olardy naryqtyq aınalymǵa engizýdiń tetikteri belgilengenin, mundaı sharalar adamdardyń jerge degen pıǵylyn ózgertip, jekemenshik qarym-qatynas kózqarasyn ornyqtyratynyn jetkizdi.
О́mir ESQALI,
«Egemen Qazaqstan»
Soltústik Qazaqstan oblysy