«Máńgilik El» – babalar amanaty
Májilis depýtattary Qýanysh Sultanov, Ahmet Mýradov, Beıbit Mamraev, Sapar Ahmetov jáne Baqytgúl Hamenova Atyraý jurtshylyǵymen kezdesýlerde «Máńgilik El» Patrıottyq aktisiniń qabyldanýynyń mańyzyn túsindirdi. Depýtattardyń pikirinshe, táýelsizdik alǵaly beri elimizde barshany eldik, otanshyldyq múddege biriktirgen alýan-alýan ister atqarylyp keledi. Sonyń eń bastysy – «Máńgilik El» ıdeıasy. Uly Dala eliniń álemdik qoǵamdastyqqa ishki turaqtylyǵymen, etnosaralyq kelisim men birlikti, yntymaq pen dostyqty nyǵaıta alǵan reformalardyń jemisti bolýymen tanylýynyń túpki maqsaty – eń damyǵan 30 eldiń birine aınalý. Máńgilik El bolýdy babalarymyz da ańsady. Bul ańsarly maqsatty iske asyrýda Elbasy Nursultan Nazarbaevtyń eren eńbegi bar. – Qazaq jeriniń aýmaǵymen Uly Jibek jolynyń óte bastaǵanyna 2000 jyldan asty. Sol kezdiń ózinde elimiz saýda kerýenderiniń qarym-qatynastarynyń, taýar almasý júıesiniń bir retke kelýine yqpal etip otyrǵan. Qazirgi tańda bizdiń táýelsiz Qazaqstanymyz álem elderimen tek dıplomatııalyq, ekonomıkalyq qatynasty ǵana emes, sondaı-aq, kóptegen eldermen bilim men ǵylym, mádenıet, medısına salalarynda, tipti, jańa tehnologııalar júıesinde áriptestikti jetildirip otyr. Biz álem elderimen bilimmen, aqylmen básekeles bola alamyz, – dedi Májilis depýtaty Qýanysh Sultanov. Májilis depýtaty Sapar Ahmetovtiń aıtýynsha, elimizdiń ár óńirinde 800-deı jańa kásiporyn quryldy. Mashına jasaý óndirisi damyp, jańa tehnologııalar ár salada engizilýde. «Nurly Jol» baǵdarlamasy aıasynda 7000 km. jol salynyp jatyr. Kezdesýlerde el ómirindegi ózge de ózekti máselelerge qatysty keleli áńgime qozǵaldy. Joldasbek ShО́PEǴUL, «Egemen Qazaqstan» ATYRAÝKestege sáıkes ótken kezdesýler
Májilis depýtaty, «Nur Otan» partııasy fraksııasynyń múshesi Jeksenbaı Dúısebaev Mańǵystaý oblysynyń eldi mekenderinde saılaýshylarmen kezdesýler ótkizdi. Depýtat Aqtaý qalasyndaǵy «Mańǵystaý AtomEnergo Kombınaty» JShS-inde, Mańǵystaý aýdanynyń ortalyǵy Shetpe aýylynda ornalasqan «Kaspıı Sement» JShS-inde jumysshylarmen kezdesti, sondaı-aq, aýdannyń eńbek ardagerlerimen, aýdan aqsaqaldarymen, turǵyndarymen júzdesti. Kezdesýler barysynda búgingi kúnniń keıbir kókeıkesti máselelerine baılanysty áńgime qozǵaldy. J.Dúısebaev, sonymen qatar, keshe Túpqaraǵan aýdanynda jergilikti turǵyndarmen, eńbek ardagerlerimen birqatar kezdesýler ótkizdi jáne «Nur Otan» partııasynyń oblystyq fılıalynda jergilikti buqaralyq aqparat quraldary ókilderine arnap brıfıng berdi. Gúlaıym ShYNTEMIRQYZY, «Egemen Qazaqstan» Mańǵystaý oblysy Ashyq saýal, tushymdy jaýap Parlament Senatynyń depýtaty Bektas Beknazarov pen Parlament Májilisiniń depýtaty Baqytjan Ertaev Jambyl jáne Jýaly aýdandarynyń turǵyndarymen kezdesti. Aldymen eki aýdannyń biraz aýyldaryna atbasyn buryp, jergilikti jurtpen emen-jarqyn áńgimelesti. Oralhan DÁÝIT, «Egemen Qazaqstan» Depýtattardyń bul kezdesýi aýdan ortalyǵyndaǵy Mádenıet saraıynda jalǵasyn tapty. Jıynda zań shyǵarýshy qos palatanyń qazirgi tynys-tirshiligi, quqyq qorǵaý salasyna qatysty zańdardaǵy ózgerister, eldiń jaǵdaıy, aýyl halqynyń turmysy keńinen áńgime boldy. Jınalǵan qaýym kókeılerindegi saýaldaryn qoıyp, eki ortada ashyq únqatysý ornady. B.Beknazarov pen B.Ertaev kópshilikke tolǵandyrǵan suraqtaryna qatysty uǵynyqty negizde maǵlumattar berdi. Árıne, ár salanyń óz mamandary bar. Olar óz kásibiniń qyr-syryn bes saýsaǵyndaı bilse kerek. Osy oraıda, aýdan halqy kókeılerinde júrgen saýaldaryn ashyq joldap, óz oılaryn da ortaǵa salyp, tushymdy jaýaptar aldy. Jambyl oblysy