ASTANA. 10 mamyr. Qytaıdyń Ońtústik, Shyǵys, jáne ortalyq bóliginde tolassyz jaýǵan nóserden 9 adam qaza tapty. Bul týraly 24.kz-ke silteme jasaǵan egemen.kz tilshisi habarlady.
Jergilikti bıliktiń habarlaýynsha, tolassyz nóser halyqty ábigerge salǵan. Qaza tapqandardan bólek, úsh adam iz-túzsiz joǵalyp ketken.
«Tabıǵattyń tosyn minezinen mıllıondaǵan adam zardap shekken. Eldiń birneshe óńirinde sel júrip, laı kóshti. Saldarynan elektr baǵandary úzilip, on myńdaǵan turǵyn qaýipsiz aımaqqa kóshirildi», – deıdi qutqarýshylar.
Aıta keteıik, bir ǵana Szıası provınsııasynyń ózinde nóserden 500-den astam úı sý astynda qalǵan. Jergilikti meteorologtar nóser áli birneshe kún jaýady degen boljam jasaýda.
Talǵat Raıymbek.
Derek, foto: 24.kz.