Bir-aq jylda berildi

О́skemende jedel járdem aýrýha­nasynyń travmatologııalyq bóliminde AES kompanııalar tobymen qarjy­lan­dyrylǵan kúıik ortalyǵy ashyldy. Or­ta­lyqtyń ashylý saltanatyna oblys áki­mi­niń orynbasary Serik Táýkebaev, den­saý­lyq saqtaý basqarmasynyń jáne AES korporasııasynyń basshylary qatysty. О́ndirisi damyǵan О́skemende kúıik ortalyǵyn ashý buryn da sóz bolyp kelgen. Osydan bir jarym jyl buryn oblys ákimi men korporasııa bas­shy­la­ry arasynda korporatıvtik áleýmettik jaýapkershilik týraly memorandýmǵa qol da qoıylǵan. Atalǵan kelisim boıynsha energetıkter 3 jyldyń ishinde zamanaýı kúıik ortalyǵyn ashý úshin 300 myń AQSh dollaryn salýǵa mindettengen. Endi, mine, aınalasy bir jyl­dyń ishinde aýrýhana iske qosyldy. Kúıik ortaly­ǵynyń eki mamany Más­keýdegi Vıshnevskıı atyndaǵy ınstıtýtta biliktilikterin jetildirip qaıtty. О́ńir basshy­synyń orynbasary Serik Sháýenuly korporasııa basshylaryna oblys ákimi B.Sa­parbaevtyń atynan alǵys aıtyp, rıza­shy­lyǵyn bildirdi. Ońdasyn ELÝBAI, Shyǵys Qazaqstan oblysy.