ASTANA. 12 mamyr. Fınlıandııanyń ońtústigindegi Hıameenkoskı provınsııasynan myń jyl ýaqyt burynǵy tıyndar tabyldy. Bul týraly 24.kz-ke silteme jasaǵan egemen.kz tilshisi habarlady.
Mamandardyń aıtýynsha, tarıhı jádigerler vıkıngterge tıesili bolǵan. Qazba jumystary kezinde barlyǵy 300 tıyn tabyldy. Ǵalymdar olardyń jaqsy kúıde saqtalǵany zertteý jumystarynyń da nátıjeli bolýyna yqpalyn tıgizetinin aıtty. Sonymen qatar, arasynan vızantııalyq tıyndardyń da bar ekeni anyqtaldy.
Arheologtardyń boljamy boıynsha, qundy zattardyń sol tustaǵy ıesi ádeıi jasyryp qoıǵan. Ol kezeńdegi turǵyndar mundaı qadamǵa jıi baryp turǵan.
Aıta keteıik, vıkıngter – norvegterdiń, dattardyń, shvedterdiń arǵy ata-babalary bolyp esepteledi. Málimetter boıynsha, bul sózdiń tikeleı aýdarmasy «qoınaýdan shyqqan adam» degen maǵyna beredi. Sol tustary qoınaýlar men shyǵanaqtarda jasyrynyp júretin teńiz qaraqshylaryn osylaı ataǵan.
Aıan Ábdýálı.
Derek, foto: 24.kz.