ASTANA. 12 mamyr. Álemde úlken qalalardaǵy ekologııanyń nasharlaýynan jylyna shamamen 7 mıllıon adam qaıtys bolady. Bul týraly 24.kz-ke silteme jasaǵan egemen.kz tilshisi habarlady.
Bul málimdemeni Dúnıejúzilik densaýlyq saqtaý uıymy jasady. Uıymnyń aqparynsha, 2014 jyly arnaıy júrgizilgen zertteý jumystary kezinde álemdegi 1600 qalanyń ekologııasy nasharlaǵanyn anyqtaǵan. Al bul kórsetkish búginde eki esege artyp otyr. Qazirgi kezde álemniń 3 myńǵa jýyq qalasynyń turǵyndary las aýamen dem alýda. Olardyń arasynda Qytaı men Úndistan qalalary kósh bastap tur.
«Ekologııanyń nasharlaýy adam densaýlyǵyna orasan zor zııanyn tıgizedi. Muny halyq durys túsinýi tıis. Al osyndaı qalalardyń basshylary bul máseleniń sheshimin tezirek taýyp, nazardan tys qaldyrmaýy tıis. Osy is tez arada júzege asyrylsa, densaýlyqqa tónetin qaýiptiń beti qaıtady», – deıdi Dúnıejúzilik densaýlyq saqtaý uıymnyń qoǵam densaýlyǵyn saqtaý isi boıynsha dırektory Marııa Neıra.
Aıta keteıik, álemdegi ekologııasy nashar qalalardyń biri bolyp, Qytaı astanasy Beıjiń sanalady. Beıresmı málimetter boıynsha, Aspanasty eliniń bas qalasyndaǵy bul jaǵdaı, tipti ǵaryshtan da kórinedi. Osyǵan baılanysty, qala bıligi birqatar isterdiń bastaý alýyna sebepshi bolǵan.
Aıan Ábdýálı.
Derek: 24.kz.
Foto: TASS.