Qazaqstan • 29 Naýryz, 2017

Iаdrolyq qarýǵa tyıym salý týraly kelisim qurý jóninde kelissózder bastaldy

274 ret

kórsetildi

1 mın

oqý úshin

Qazaqstan Syrtqy ister mınıstrliginiń Erekshe tapsyrmalar jónindegi elshisi Erbolat Sembaev bastaǵan otandyq delegasııa Birikken Ulttar Uıymynyń (BUU) Nıý-Iorktegi shtab-páterinde ótip jatqan Iаdrolyq qarýdyń túbegeıli joıylýyna ákeletin Iаdrolyq qarýǵa tyıym salý týraly zańdyq mindetteýshi kúshi bar qujat ázirleý boıynsha BUU konferensııasynyń 1-shi sessııasyna qatysýda, dep habarlady Syrtqy ister mınıstrliginiń baspasóz qyzmeti.

Egemen Qazaqstan

Iаdrolyq qarýǵa tyıym salý týraly kelisim qurý jóninde kelissózder bastaldy

Konferensııanyń joǵarǵy deńgeıli segmentinde jasaǵan málimdemesinde qazaqstandyq dıplomat Konferensııanyń qatysýshylaryn elimizdiń ıadrolyq qarýsyzdandyrý salasynda atqaryp jatqan áreketteri týraly baıandady. Sondaı-aq, Qazaqstan Respýblıkasynyń Prezıdenti Nursultan Nazarbaevtyń BUU Bas Assambleıasynyń 70-shi sessııasynda jarııa etilgen 2045 jyly Uıymnyń júz jyldyǵyna oraı ıadrolyq qarýdan azat álem qurý týraly bastamasynyń jáne Elbasynyń «Álem. HHI ǵasyr» Manıfesiniń mańyzdylyqtary aıtylyp ótildi.

Sonymen qatar, qazaqstandyq delegasııa ókilderimen qurylyp jatqan halyqaralyq qujat mátininiń jobasyna óziniń derekti usynystary usynyldy.

BUU Bas Assambleıasynyń 2016 jylǵy 23 jeltoqsandaǵy A/RES/71/258 qararyna sáıkes Iаdrolyq qarýdyń túbegeıli joıylýyna ákeletin Iаdrolyq qarýǵa tyıym salý týraly zańdyq mindetteýshi kúshi bar qujat ázirleý boıynsha BUU Konferensııasy Nıý-Iork qalasynda 2017 jylǵy 27-31 naýryz jáne 15 maýsym-7 shilde aralyǵynda ótedi.