Etene baılanysqa eki myń shaqyrym da kedergi bolmady

Kezdesýler kezinde Aqtóbe men Tarazdyń arasyn eki myń shaqyrym jer bólip tur­­ǵa­nymen, bul qashyqtyq óńir­ara­lyq yntymaqtastyqty damy­týǵa kedergi keltire al­maı­ty­ny ashyq aıtyldy. О́zara tá­ji­rıbe almasý degen uǵym­nyń ózi bir birinen úırený, bir biri­ne qoldaý men kómek kór­se­tý, birinde joǵyn ekinshi­si­nen tabý degen sóz emes pe? Osy oraıda aqtóbelikter óz­deri­ne yntymaqtasý nıetimen kel­gen ejelgi Áýlıeata eline qan­­daı kómegin bere alar edi de­gen zańdy saýal týyndaıdy. Talas joq, óńirdiń baı tabıǵı resýr­sy men joǵary óndiristik áleýeti ekonomıkalyq ynty­maq­­tastyqty nyǵaıtýdyń bas­ty kilti bolyp qala bermek. Mun­da ındýstrııalyq aımaqtyń múmkindigi de ońtústik óńirden beriletin suranystardy óteýge tolyǵymen jetip-artylady. О́ıtkeni, óndiris pen kólik-lo­gıstıka qyzmetin órkendetýge qa­jet­ti qondyrǵylar men jab­dyq­­tar­ǵa degen qajettilik qaı óńir­­de de bolmaı turmaı­dy. О́ńir­­ara­­lyq kooperasııa­ny da­my­­tý jó­nindegi basty keli­sim­­der­­diń biri osy baǵytta jasaldy. 

Al endi jambyldyqtar aqtóbelik áriptesterinen neni úırenip, neni kókeılerine tú­ıip qaıtty degenge keleıik. Máse­len, Jambyl oblysynyń ákimi Kárim Kókirekbaevty Aq­tóbe aımaǵyndaǵy jaýynnan keıin­gi kókteı dúrkirep ósip kele jatqan memleket-jeke­men­shik áriptestigi aıasynda qolǵa al­ǵan jumystar qyzyqty­ra­dy eken. Ásirese, qalada turǵy­zylǵan sándi de sáýletti bilim berý, densaýlyq saqtaý, má­denıet pen О́ner jáne sport nysandaryn kórip, rıza bol­dy. Oblys ortalyǵyndaǵy Sym­bat mektebi, О́ner akademııasy­men tanysyp shyqqannan keıin jambyldyq delegasııa jetek­shisi buǵan tek qyzyǵa qaraı­tyndaryn jetkizdi.

О́z kezeginde Jambyl ob­lysy aqtóbelikterge ne usy­na alady? Árıne Áýlıeata topy­raǵynda óndiriletin basty qurylys ındýstrııasy óniminiń biri – sement qurylys alańdary keńinen qanat jaıǵan aımaqtyń suranysyn týǵyzbaı qalmasy anyq. Sondaı-aq, oblys hımııa ónimderi boıynsha elimizde kósh bastap keledi. Qazir onyń tutas­taı respýblıkalyq aýqym­daǵy úlesi otyz paıyz bolsa, taıaýdaǵy jyldarda muny eki esege deıin ulǵaıtý kózdelgen.

Aqtóbe oblysynyń ákimi Ber­di­bek Saparbaevtyń málim­deýinshe, Jambyl jerinde ba­la­maly energııa kózderin damytý jónindegi jobalar úlgi alýǵa turarlyqtaı. Memo­ran­dýmǵa qol qoıý rásimi kezinde aıtylǵandaı, aldaǵy úsh-tórt jylda jasyl ekonomıkanyń úlesi Jambyl oblysynda 50-60 paıyzǵa deıin jetkizilmek. Mine, osylaısha ejelgi Áýlıe­ata topyraǵynda kún men jel­diń jáne sýdyń qýatyn paıda­lanyp arzan energııa óndirý jyldan-jylǵa ulǵaıa bermek.

Jambyl oblysynda Úki­met­ten sýbsıdııalyq kómek al­ǵan aýylsharýashylyq ón­di­ris­shileriniń joǵary qaı­tarym­men eńbek etip júrgeni de yntymaqtastyq aıasyn­­da­ǵy kezdesýler kezinde taǵylym alar­lyq oń mysal retinde kóri­­nis tapty. Solardyń biri «Sháý­shenbaı» sharýa qojaly­ǵynyń jetekshisi Meırambaı Dónenbaev memleketten alǵan 140 mıllıon teńge kólemindegi demeýqarjyny artyǵymen qaıtaryp, 600 mıllıon teńgeniń óni­min óndiripti. Sonymen bir­ge, ol Astana qalasynyń azyq-túlik beldeýin qurý isine de óz úlesin qosýǵa bekem bel býǵan­dardyń biri bolyp shyqty.

О́ńiraralyq yntymaqtas­tyq pen kooperasııany damytý sheńberinde Aqtóbe men Jam­byl oblystary ara­syn­da memo­randýmǵa qol qoıyl­dy. Eki óńirdiń aýyl sharýa­shy­­lyǵy basqarmalary jáne isker áıelderi arasynda bólek keli­sim­­der jasalýy ózara baı­la­nys­­tar men qarym-qaty­nas­tar kók­jıegin keńeıte túseri kámil.

Temir QUSAIYN, «Egemen Qazaqstan»