О́ńirdiń bas ımamy Kenjetaı qajy Dúısenbaı betashar sózinde jyldaǵy dástúr boıynsha orazanyń birinshi kúni Alla Taǵalanyń jerdegi úıinde atap ótiletinin atap ótti.
Oblys ákiminiń birinshi orynbasary Aıjarbek Saparov aımaq basshysy Qumar Aqsaqalovtyń quttyqtaý lebizin jetkizdi. Sapýra qajy Táshenova, Zeınolla qajy Oljabaev, taǵy basqa da sóıleýshiler ulyq meıramnyń adamdardy meıirimdilkke jeteleıtin izgi qasıetterine keńinen toqtaldy.
Qaıyrymdylyq sharalaryna belsene atsalysqan jeke kásipkerler Adaı Janbatyruly men Ásker Amanjolulyna alǵys hattar tabys etildi.
Quran aıattary oqylyp, sharıǵat ilimderi nasıhattaldy. 95 jastaǵy qarııa Sapar Dúısenov jınalǵandarǵa aq batasyn berip, elimizge beıbitshilik, tynysh ómir tiledi.
Kelesi jyly ortalyq meshitte uıymdastyrylatyn aýyzashardyń mindetin «Qazmıasprodkýt» JShS-niń basshysy Dııar Serikuly óz moınyna aldy.
О́mir Esqalı,
«Egemen Qazaqstan»
