Búgin Ortalyq kommýnıkasııalar qyzmetinde «SarapTime» sarapshylar klýby «Qazaqstandaǵy 100 jańa esim - jetistikter tarıhy» taqyrybynda pikirtalastyq otyrys ótkizdi. Is-sharaǵa «Qazkontent» AQ Basqarma tóraǵasy Evgenıı Kochetov, «Bıýro 100» bastamashyl tobynyń múshesi Mahabbat Esen, «Qoǵamdyq kelisim» RMM baspasóz qyzmetiniń basshysy Qymbat Dosjan, Qazaqstan KVN Odaǵynyń tóraǵasy Esen Eleýken, sondaı-aq, sarapshylar men jýrnalıstik qaýymdastyqtar, úkimettik emes uıymdar, ǵalymdar, qoǵamdyq pikir men azamattyq qoǵam kóshbasshylary, tanymal blogerler qatysty.
Aqparat jáne kommýnıkasııalar mınıstrligi OKQ dırektory Artýr Nyǵmetovtiń otyrysty asha otyryp, «Qazaqstandaǵy 100 jańa esim» jobasy Táýelsizdik jyldarynda jetistikke jetken ártúrli óńirlerdegi, túrli jastaǵy jáne ulty ártúrli 100 naqty adamnyń tarıhy ekenin atap ótti. Sondaı-aq, ol 100esim.el.kz saıtynyń iske qosylǵandyǵyn habarlady. Endi tilek bildirýshilerdiń árqaısysy jobaǵa engizýge qaraý úshin ózi nemese óziniń tanystary týraly aqparatty joldaýyna bolady. «Qazaqstandaǵy 100 jańa esim» jobasyna búgingi tańda ártúrli jastaǵy túrli mamandyq ıelerinen 1000-nan astam usynys túsip qoıǵan.
Al Evgenıı Kochetov jınalǵandarǵa ótinimderdi berý tártibin túsindirdi. Onyń aıtýynsha, jobaǵa engen adam aınalasyndaǵylardy rýhtandyra bilýi kerek. О́tinimdi irikteýdiń negizgi ólshemderi - Táýelsiz Qazaqstannyń damýyna tulǵanyń naqty qosqan úlesi bolyp tabylady.
«100 jańa esim» jobasy arqyly ózimiz tanymaıtyn adamdardy bilip jatyrmyz. Jalǵyz Qazaqstannan emes shetelden de ótinishter kelip túsip jatyr. Máselen, jaqynda Berlındegi qazaqtardan usynys kelip tústi. Kópshilik mańyzdy jobaǵa nazaryn bursa degen tilek bildirgimiz keledi», - deıdi Evgenıı Kochetov.
